20% Korting op die eBoeke wat die afgelope week die meeste besigtig is!

Anderkant die scrap

Agt en veertig uitgesoekte Dana-stories. Vir lesers wat wou weet wie daardie mense op die omslag van Dana se blitsverkoper Uit die binneland was, lê hy nou familie uit in die storie “Familiefoto”. Maar eintlik is al die mense in sy stories familie met dieselfde kwaal: Almal mik vir daardie ontwykende droom, wat nooit verbleik nie, anderkant die scrap.

'n Affair om te vergeet

'n Affair om te vergeet is die ware verhaal van hoe die skryfster van haar man se affair uitgevind het, haar reaksie daarop, en hoe sy uiteindelik daarin geslaag het om vrede en aanvaarding te vind. Hoewel dit ’n beskrywing van haar persoonlike reis is, sal baie mense hulle met haar ondervinding kan vereenselwig: haar ongeloof en woede toe sy die boodskap op haar man se selfoon kry; die waansinnige en obsessiewe gesnuffel deur sy private dokumente en persoonlike besittings; die woede, seerkry en vernedering oor die verraad wat teen haar gepleeg is; die diep hartseer oor ’n verlore liefde; en laastens, deur ’n proses van pynlike selfontdekking en selfontleding, die besef dat dit alles ten goede was, dat sy nou sterker as ooit is.’n Affair om te vergeet is ’n brutaal eerlike en onomwonde beskrywing van ’n affair. Maar alhoewel dit hoofsaaklik een vrou se verhaal is, lê dit ook ’n universele tema bloot: Hoe hanteer jy dit as dit met jou gebeur? Wat is jou reaksie, en hoe kom jy dit te bowe? Kan jy dit te bowe kom? Die skryfster voer onderhoude met etlike mense wie se lewens deur affairs geraak is, en vind gedurende dié pynlike, dikwels ontstellende proses die pad na haar eie geestelike vernuwing. Sielkundiges gee ook interessante professionele advies en ’n private speurder verstrek verbasende inligting.Dit is nie ’n boek wat beskuldig of oordeel nie, maar ’n opregte poging om uit te vind waarom mense diegene wat hulle liefhet, seermaak. Dit is in die eerste plek ’n bemoedigende en geestelike boek wat aanklank sal vind by die duisende mense wat op die een of ander manier geraak is deur ’n affair om te vergeet.

Mediterreense herinneringe

Die stories uit Fado, Brink se reisvertellings oor Portugal, is 'n bonusbydrae tot die e-uitgawe van hierdie boek. Die bundel sluit aan by Brink se 2012 keur uit sy reissketse uit die sestigerjare, Herinneringe aan Parys, en bevat die beste stories uit die boeke oor sy reise deur die Mediterreense lande – Italië, Spanje, die suide van Frankryk en Portugal: Sempre diritto (1963), Olé (1965), Midi (1969) ) en Fado (1970).

Spesiale Aanbieding!

Bestel die volledige Audio-boek by bestelling@myafrikaans.com vir slegs R200,00!

Meer as 750 eboeke in Afrikaans wat by NB-Uitgewers se onderskeie drukname verskyn het, is nou ook aanlyn as e-boeke ook beskikbaar by myafrikaans.com. Dit sluit in topverkoper-boeke deur Deon Meyer, Marita van der Vyver, Anchien Troskie, Dana Snyman en Ena Murray. Die e-boeke kan op enige e-boekleser, tablet, rekenaar of slimfoon gelees word. Die volledige katalogus van NB se e-boeke word nou deur Amazon versprei en is dus wêreldwyd op alle platforms beskikbaar. “Die gemak en spoed waarmee ’n mens e-boeke aflaai – daardie onmiddellike bevrediging – bly elke keer ’n verrassing en ’n reuse-plesier,” sê Eloise Wessels, uitvoerende hoof van NB. Volgens Nèlleke de Jager, NB se digitale uitgewer, het “ ’n hele nuwe era in die Afrikaanse boekebedryf aangebreek”. “Lesers kan hul leeslus behoorlik versadig met honderde e-boeke wat wêreldwyd in Afrikaans beskikbaar is. Nooit weer is ’n boek nié beskikbaar nie.” Dit word voorgelees deur van die land se beste stemkunstenaars in Afrikaans. Jy kan dus met min moeite ’n boek aflaai op ’n iPod, iPad of slimfoon of selfs ’n gewone rekenaar en daarna luister, waar jy ook al is. Die uitgewery se skrywers is ook opgewonde om hul boeke in digitale formaat te sien. Meyer, Troskie, Wilna Adriaanse en Snyman het hul lyf onlangs akteurs gehou en speel in NB se TV-advertensie. Skrywers meen die e-boekformaat hou verskeie voordele in.

Lees die artikel verder in die Beeld.

Kry ook uitreksels uit eBoeke en spesiale aanbiedings hier!

Op die skerm van die kring-TV sien hy dit: twee skerp gepunte hondeore by die voorhek. ’n Wolfhond? Hy hou die knoppie in en tuur na die blougrys nagtoneel – en die buitengewoon groot hondekop wat hom stip aanstaar. Daar is iets aan die stil blik van die donker oë wat nie heeltemal reg lyk nie, en die oomblik dat die hees stem oor die luidspreker kom, weet Mattheüs wat dit is. “Matt,” sê die hondebek, “dis ek. Maak oop asseblief.” Mattheüs Duiker, seun van Benjamin Duiker, eertydse eienaar van Duiker’s Motors, maak die hek van die Kaapse herehuis oop vir sy minnaar Jack. Vermom soos ’n wolf dring Jack die intieme donkerte binne waar Matt wag dat sy pa doodgaan sodat sý lewe kan begin.

DIE skrywer Eben Venter se jongste roman, Wolf, wolf, fokus op die verhouding tussen ’n gay seun en sy pa. Venter beskou hierdie roman, soos sy roman Ek stamel ek sterwe, as die naaste aan sy eie ervaring. Wolf, wolf verskyn volgende maand in Afrikaans en Engels (Michiel Heyns is die vertaler) en as ’n e-boek by Tafelberg. “Dit is ’n storie met gegewens waarmee ek self lank geloop en worstel het totdat ek dit op dié manier kon uitskryf.” Oor die tema sê hy: “Onlangs het ’n Facebook-vriend die volgende gepos: ‘Van vandag af beskou ek myself nie meer as ’n Barnard* nie. Dít is die krag van my woede en afkeer oor die optrede van my pa, of liewer, die man wat eens my pa was. My oortuigings is so sterk dat ek dié jaar my van gaan verander. Ek gaan van nou af die van van my ma vat, naamlik Dönges*.’”

Kliek op Eben Venter se foto om die volle onderhoud in die Volksblad te lees.

 

Kliek hier om Eben Vester se nuwe eBoek teen 40% korting te koop!

Image courtesy of Evgeni Dinev / FreeDigitalPhotos.net

In die sewende eeu voor Christus was die Jode verdeel in twaalf stamme wat wydverspreid was oor `n groot gebied in die Midde Ooste. Tien van die stamme het gewoon in die noordelike gebied en slegs twee in die suidelike gebied. Hulle getalle was nie baie groot nie maar hulle was moeilike mense. Omring deur baie ander volkere wat hulle in getalle ver oortref het het hulle hardnekkig geweier om toe te gee aan eise wat aan hulle gestel was, onder andere om hulle geloof te laat vaar en die heidense gode van die ander volkere te aanvaar en te aanbid. Die Jode het aan een God geglo – die God van wat die Christene ken as Die Ou Testament. In die opsig was hulle destyds uniek – die ander volkere het aan ‘n veelvuldigheid van gode geglo.

Gedurende 722 – 721 v.C. het die Assiriese koning Shalmaneser die tien noordelike stamme aangeval en het hy hulle verban uit die gebied. Dit was tot dusver nog nie moontlik vir geskiedkundiges om vas te stel wat van die mense geword het nie. Daar is baie verskillende idees hieromtrent – geeneen van hulle kan werklik `n teorie genoem word nie – maar hulle lot bly heeltemal onbekend. Ek glo dat hulle mettertyd in die ander stamme van daardie gebiede opgeneem is en as `n eiesoortige ras daar verdwyn het.

Die twee suidelike stamme onder die leiers Judah en Benjamin het in hulle gebiede bly voortbestaan. Hulle was netso hardnekkig soos hulle noordelike stam- en geloofverwante. Antiochus het hulle verbied om hulle godsdiens te beoefen en hulle het toe daarna `n verbete guerrilla stryd teen hom gevoer en in 142 v.C. het Demetrius II volle onafhanklikheid aan hulle gegee. Maar dit het nie sonder hewige en verbete gevegte plaasgevind nie. Gedurende die jare 167 tot 160 v.C. het `n groep wat in die geskiedenis bekend is as die Makkabees onder die bevel van Judah Matthius en Jonathan Makkabee so geveg dat in die laaste stryd van daardie groep slegs twee vroue en vyf kinders die beleg oorleef het, negehonderd en twintig het verkies om selfmoord te pleeg eerder as om oor te gee aan die Perse. Selfmoord is `n baie ernstige oortreding van die Joodse geloof en die beswaar is oorkom daardeur dat die mense mekaar doodgemaak het.

Intussen, deur die verloop van daardie baie eeue het ander baie belangrike dinge plaasgevind. Die Masedoniese staat, eers deur die toedoen van die koning Phillip en daarna deur sy seun, Alexander die Grote, het byna die hele destydse bekende wêreld verower – insluitende die destydse magtige Persië. Voor daardie veldtog het die Perse onder hulle konings Cyrus en later Darius die groter gedeelte van die Midde Ooste en gedeeltes van Griekeland verslaan.

Terwyl dit alles aan die gebeur was, het die Romeinse Ryk al sterker geword totdat dit later die magtigste eenheid in Europa was. Die Romeine het die hele Europa, behalwe Griekeland stelselmatig verslaan en in hulle Ryk opgeneem. Selfs die magtige Kartago is uiteindelik verslaan en verpletter en al die oorlewende mense, vyftig duisend, is as slawe verkoop. Die stad is tot op die grond afgebreek.

Die Romeine het toe later ook die hele Midde Ooste verslaan.

Daar het hulle ook teen die hardnekkige Jode te staan gekom.

Die Jode was nie gediend daarmee om regeer te word deur mense wat `n veelvuldigheid van bog gode en godinne en beelde daarvan aanbid het nie en wat na hulle mening nie so beskaafd was as die Jode nie. Hulle het gevolglik, nes in die verlede teen ander heersers, in opstand gekom.

Die Israeliete was gedugte vegters wat man vir man teen die beste en bes toegeruste soldate van daardie tydperke meer as hulle man kon staan. Die Romeine moes al groter en groter magte na Israel stuur om die opstande te bedwing. Voordat dit gebeur het, het die Romeine etlike eerkrenkende neerlae gely teen die Jode. Gedurende 66 – 74 n.C. was die Jode teen die Romeine in opstand. In die jaar 70 n.C. het die Romeine egter die Joodse teenstand in hoofsaak onderdruk. In daardie veldtog het meer as een miljoen Jode gesterf, die Romeine het sewe en negentig honderd duisend van hulle as slawe verkoop – al die kinders onder die ouderdom van sewentien jaar en al die vrouens is so verkoop. Ongeveer twee miljoen Jode het oorgebly.

Talle van daardie oorblywende Jode het na al die lande van Europa en Brittanje gevlug; sommiges het in Israel aangebly. Die Romeinse Ryk was egter aan die verbrokkel en oor `n lang tydperk het verskeie Germaanse stamme Europa binnegedring en later die Romeinse Ryk van die Weste die finale nekslag toegedien.

Die Romeine het Brittanje na `n besetting van ongeveer vyfhonderd jaar verlaat en die eiland is daarna deur hoofsaaklik die Sakse, een van die Germaanse stamme oorval.

Intussen het Konstantyn gedurende 313 n.C. deur die Edik van Milan die Christen geloof erken en vervolging van Christene belet. Op 27 Februarie 380 n.C. het Theodosius die Christen geloof die amptelike geloof van die Romeinse Ryk verklaar.

Dit het `n lang tydperk van intense wedywering deur verskeie pouse, kardinale, aartsbiskoppe, biskoppe en ander priesters ingelei om wêreldlike mag en rykdom te bekom waartydens die bearbeiding van die gewone mense tot groot mate geen aandag gekry het nie. Dit sou eers wesenlik verbeter word in die sestiende eeu deur die werk van mense soos veral Martin Luther van Duitsland.

In die omstandighede het die lot van die gewone mense en die Jode erg gely in die gedurige oorloë tussen alle stande van die adellike mense en die hoër kerklike ampsdraers om mag en rykdom te bekom en uiters uitspattige en luukse lewenswyses te kon handhaaf.

Slegs die stryery tussen die opvolgers van Ghenghis Khan het Europa in die veertiende en vyftiende eeue daarvan gered om oorrompel te word deur die barbaarse hordes van Mongolië vanaf die verste uithoeke van Asië.

Dit is teen die agtergrond van die gebeure dat die verhaal van Aanstaande Jaar in Jerusalem plaasgevind het. 

Kliek hier om 'n uittreksel van die eBoek te bekom!

Die eBoek van Jaap Durand ondersoek die wisselwerking tussen evolusie,wetenskap,en,geloof. Hierdie eBoek word teen 'n spesiale prys van R55.08 bekend gestel.

 Kliek hier om die moet-lees Boek te koop!

In die tweede helfte van die 19de eeu is die evolusieleer met krag en oortuiging as ’n wetenskaplike teorie voorgedra. Met die verloop van jare het meer en meer gelowiges hulle bereid verklaar om evolusie as ’n biologies vasstaande feit te aanvaar. Maar waarom herleef die evolusiedebat nou? Want hierdie keer is die saak ernstiger. Die evolusieleer word nou gekoppel aan die vraag na die oorsprong van die heelal.

Evolusie word doelbewus as ’n invalshoek teen die geloof in God as die Skepper van alles gebruik. Teilhard de Chardin – Jesuïet-monnik en wêreldbekende geoloog en paleontoloog – was in meer as een opsig sy tyd vooruit. Hy het probeer om ’n sintese tussen die evolusieteorieë van sy tyd en die Christelike teologie te bewerkstellig. De Chardin het nie geskroom om by die paleontologie en die biologie verby die uiters komplekse terrein van die kosmologie te betree nie. Hy was ’n oortuigde aanhanger van die evolusieleer, maar nie sonder om die erkenning te eis dat God self in die spel kom nie. Volgens De Chardin kan wetenskap en godsdiens nie meer as twee aparte lewensfere gesien word nie. Die godsdienstige mens kan nie langer sy rug op die natuurlike wêreld draai nie. En die materialis kan nie die belangrikheid van religieuse ervaring en godsdienstige gevoelens ontken nie.

“Ja, God bestaan, ook in die wetenskap van ons tyd!” verklaar ’n top-wetenskaplike. En, sê hy, nie een van sy kollegas is ongelowig nie.

Dr Jacob (Japie) van Zyl, ’n boorling van Namibië, is een van die hoofrolspelers in NASA se Curiosity-sending na Mars. Japie, wat in die Kaokoland, in Namibië se noordweste grootgeword het, is ons buurland se trots. Almal is gaande oor sy prestasie. Koerante skryf oor hom en die elektroniese media staan tou om met hom te praat.

Maar as jong seun in sy grootworddorp, Opuwo, sou hy nooit kon dink dat hy so ’n reuse-aandeel aan só ’n groot deurbraak sou hê nie. Ook nie dat mense só oor hom sou praat nie.

Later jare, as student in ingenieurswese aan die Universiteit Stellenbosch, het hy ook maar net sy bes gedoen om sy liefde vir wetenskap te kan uitleef.

As mededirekteur van projekformulering en strategie by NASA se Jet Propulsion Laboratory (JPL) in Pa­sadena, Kalifornië, het Japie enkele weke gelede ’n groot rol gespeel in wat beskryf is as “’n waaghalsige hyskraanlanding” op Mars.

In ’n onderhoud met Rapport verklaar hy: “Mense het die idee dat wetenskaplikes nie in God glo nie. Maar die oerknal en evolusie sluit God tog nie uit nie. Die skeppingsfases wat in die Bybel beskryf word, kan ons vandag wiskundig verklaar. En dié wat sê dat indien jy aan evolusie glo, jy nie in die Here glo nie … Wel, ek is ’n ingenieur en die ultimate Ingenieur ontwerp dinge wat kan aanpas by ’n veranderende omgewing. Dit is tog wat evolusie is.” Lees die volle artikel oor Dr van Zyl in die Kerkbode.

 

 

Kliek op die afbeelding om die eBoek te koop!

Die nuwe eBoek van Alwyn Griebenow is van 10-17 Maart 2013 beskikbaar in die eBoek-winkel teen slegs R29.99.

Op ’n koppie buite Jerusalem het daar tweeduisend jaar gelede drie kruise gestaan. Jesus van Nasaret het aan die middelste kruis die geskiedenis letterlik in twee gedeel. Hy het die mag van sonde en dood finaal verslaan, sodat die mens vir wie Hy so lief is, weer die vreugde van ’n hegte verhouding met Hom kan beleef. Terwyl Jesus aan die kruis hang, vloei daar sewe uitsprake oor sy lippe – onvergelyklike woorde van liefde, hoop, versmagting en, uiteindelik, oorwinning. Daardie woorde weerklink vandag nog net so helder, en hou ook ’n boodskap in vir jóú lewe. Beleef hoe hierdie uitsprake God se liefde en genade in jou lewe tuisbring, en waarom die gebeure daardie Vrydag jou nie onaangeraak sal laat nie. Jesus het sewe finale uitsprake gemaak aan tydens Sy laaste ure aan die kruis. Hierdie frases lê volgelinge van Jesus baie naby aan die hart omdat dit 'n kykie gee in die realiteit en intensiteit van Sy lyding aan die kruis.

Die kruiswoorde weerspieël Sy goddelikheid sowel as Sy menslikheid. Volgens die Evangelies is die finale uitsprake in kronologiese volgorde: 

1. Jesus praat met sy vader

Lukas 23:34

2. Jesus praat met die krimineel aan die kruis

Lukas 23:43

3. Jesus praat met Maria en Johannes

Johannes 19:26-27

4. Jesus roep uit tot die Vader

Matteus 27:46

5. Jesus is dors

Johannes 19:28

6. Dit is volbring!

Johannes 19:30

7. Jesus se laaste woorde

Lukas 23: 46

Tom Gouws skryf in sy blog dat in uiterste pyn en ontbering het Jesus aan die kruis net sewe kruiswoorde kon uiter, maar elkeen van hierdie woorde verhul die volledigheid en oneindigheid van sy Goddelike missie. Die laaste kruiswoord – dit gee vir ons ‘n baie goeie samevatting van wat alles by die kruis gebeur het: “En toe Jesus die asyn geneem het, sê Hy: Dit is volbring! En Hy het sy hoof gebuig en die gees gegee.” (Joh 19:30). 

Kliek op die afbeelding om die eBoek te koop!

Kliek hier om te sien oor hoe maklik dit is om eBoeke op 'n slimfoon te lees!

Google

Image courtesy of FreeDigitalPhotos.net

Hierdie eBoek is ‘n bundel van twintig verhale uit die Ander Wêreld. Dit is die wêreld wat langsaan die bekende een bestaan en nie deur alle lewende mense waargeneem kan word nie.

Dit is goed dat dit so is. As die gebeure van daardie Ander Wêreld deur ‘n ieder en ‘n elk gesien en gehoor kon word sou min mense die spanning en vrees van daardie belewenisse kon oorleef het. Sommige van die verhale is droewig en treurig, ander is weer opgewek en vrolik en terselfdertyd droewig en treurig. Sommige is wreed en vreeswekkend. ‘n Paar is waar – het werklik plaasgevind.

Met een of twee uitsonderings is al die ander gegrond op werklike gebeure in die geskiedenis. Al die verhale is egter nie die gewone spookstories nie. Hulle is anders.

Die leser moet self besluit watter verhale is waar en watter is effens of gedeeltelik verbeelding en watter een of twee is suiwer verbeeldingsvlugte.

Kliek hier om die eBoek te koop!

Navorsing  van die Johannes Gutenberg Universiteit dui daarop dat lesers al hoe meer gewoond raak om op rekenaars, e-lesers en tablet-rekenaars eBoeke te lees.

Ouer lesers dui aan dat tablet-rekenaars die medium is waarop hulle die beste leeservaring het,as gevolg van leesbaarheid van die teks. Die grootdrukafdeling van 'n biblioteek was nog altyd gewild onder ouer lesers maar nou kan lesers self die grote en die lettertipe van die teks op 'n tablet-rekenaar kies. Vir lesers met spesifieke sigafwykings is daar self 'n keuse van wit teks op 'n swart agtergrond. Die tyd is verby waar lesers met 'n sigbeperking met 'n vergrootglas probeer lees sedert die koms van eBoeke.

Die navorsing het gefokus op 'n ondersoekgroep van 21 ouer volwassenes van die ouderdom van 60-77. Die bevindings dui aan dat die ondersoekgroep teks die vinnigste lees op 'n tablet-rekenaar, gevolg deur papier en laastens op 'n e-leser. Die ondersoekgroep het 28 sekondes geneem om 'n voorgeskrewe teks op 'n e-leser te lees en 26.5 sekondes op papier maar slegs 24 sekondes op 'n tablet-rekenaar.

Daar is bevind dat dit die agtergrondbeligting (backlight) is wat tablet-rekenaars so funksioneel maak vir swaksiende lesers. Lesers kan die helderheid aanpas en die teks staan ook meer uit omdat die kontras verstel kan word. Wat ook interessant was is dat die studie aangetoon het dat die subjektiewe evaluasie van die lesers oor hul leeservaring geskei moet word van die neurologiese en kognitiewe inspanning om die teks te lees. Subjektief dui lesers aan dat hulle 'n gedrukte boek verkies terwyl neurologiese en kognitiewe navorsing aandui dat om 'n eBoek te lees nie meer inspanning verg as om 'n gedrukte boek te lees nie.

Hierdie spannende eBoek vertel die verhaal van ‘n vrou, Cindy, wat haar man en ongebore baba in ‘n grusame kaping verloor het. Dan ontmoet sy ‘n dokter, Arno, op ‘n eksotiese eiland. Hy self het sy vrou 7 jaar gelede verloor nadat sy deur ‘n grusame aanranding in sy arms gesterf het. Met liefde in haar oë en die laaste woorde van haar liefde vir hom, ten spyte daarvan dat hy verkies het om saam met ‘n ander vrou uit te bly in plaas daarvan om saam met haar huis toe te gaan. Hy het sy werk voorop geskuif maar die laaste ruk het hy weer begin dink aan haar, en in die proses amper ‘n jongseun se dood veroorsaak omdat hy nie op sy werk kon konsentreer. Na hul ontmoeting by die eiland het hulle mekaar leer liefkry. Hy moes terug Suid-Afrika toe en na ‘n lang tydperk het hulle weer op ‘n wonderbaarlike manier bymekaar uitgekom, nadat sy probeer selfmoord pleeg het. Soos gewoonlik verskyn sy jonger broer op die toneel en vertroetel Cindy terwyl Arno in die hospitaal herstel. Cindy sukkel om te kies tussen Dewald en Arno.

Hiermee 'n uittreksel uit hoofstuk 1

HOE VERGEET ‘N MENS?

HOOFSTUK 1

Arno sit vandag weer met sy hande in die hare. Sy gedagtes is terug by daardie dag.  Nou ‘n ewigheid gelede. Hy kon nog altyd sy gedagtes weg dwing van dit alles. Maar deesdae kom spook die verlede kort-kort in sy gedagtes. Daardie oggend het hy so ‘n vreemde gevoel gehad. Hy het besluit om sommer af te bly van die werk en net sy gedagtes agter mekaar te kry. As hy maar toe geweet het watse streek die noodlot op hom sou trek daardie dag. Hy wil lag kry as hy nou dink aan sy gedagtes van daardie oggend.  Maar tog was dit glad nie snaaks nie.  Eintlik wou Arno vir Shasha verras. Dit was al die hoeveelste week…al weer was sy te moeg. So bekwaam die Shasha.  Alles moes altyd eers blink voor sy kan gaan slaap.  Hy het haar as minnares nodig gehad. Dis tog hoekom hulle getrou het.  Dit was nie altyd so nie. In die begin jare was daar darem altyd tyd vir hom in haar lewe.  Haar glimlag kon so maklik die moegheid van hom wegvee.  Selfs die ure se studies sou weg gestoot word vir ‘n warm sessie op die tafel.  Met ‘n gegiggel en eers weg stotery.  Alles deel van haar spel. Maar gelydelik sou sy ingee.  Hy wou net weer sy hand teen haar been laat opkruip. Stadig.  Verleidelik.  Voel hoe haar vingers liggies oor sy rug speel.  Was dit regtig te veel gevra?  So graag wou hy net weer haar rokkie oor sy kop trek.  Met sy tande haar gstring, ‘n rooie, stadig wegtrek.  Die geur van haar room in sy neus.  Die gladheid van haar vel.  Gestroop van die sweterige hare.  Net die gladheid van haar vroulikheid.  Hy wou net weer sy tong stadig oor haar vroulike lippe vee.  Voel hoe haar hande hard op sy rug slaan van pure ekstase en opwinding.  Hoor hoe haar asem hortend oor haar mond jaag.  Voel hoe haar maag wild beweeg van ingehoue ekstase. Hy wou net weer voel hoe haar binneste klam word. Warm onder sy tong se werking.  Hy mis dit.  Waar en wanneer het dit alles verander?  Wie het verander?  Na 10 minute se opwarming het sy hom weg gestoot.  “Ek moet klaar maak vir werk Arno.  Ons kan vanaand vêrder gaan.”  Lee beloftes van die afgelope paar maande.  Hoeveel keer het hy dit nou al gehoor.  “Hoekom is jy al weer so haastig Shasha ?  Ons het wanneer laas ‘n ordentlike sessie ingekry.  Soos in die begin jare.  Onthou jy nog ?”  Sy het geglimlag.  “Ja ek onthou.  Toe jy nog met hart en siel aan my behoort het.”  Haar woorde het hom onkant gevang.  Hy wou eers stry, maar hy het geweet sy was reg.  Daarom het hy sonder ‘n woord opgestaan en aan getrek.  Haar ‘n oomblik styf teen hom vasgedruk.  Baie styf.  “Ek is baie lief vir jou Shasha. Baie.” Dit het amper meer geklink of hy homself probeer oortuig van die feit as wat hy dit vir haar bedoel het.

Daarmee is hy uit die huis.  Sonder ‘n koppie koffie en ontbyt.  Hy het op die bankie in die park gesit.  Sy kop in sy hande, sy arms gestut op sy knieë.  ‘n Ou dame het langs hom kom staan.  “My seun…”  Het sy begin praat, ‘n effense kraak in haar stem. “Wanneer jy voel niemand kan jou help nie, is die Here al hulp wat jy nodig het.”  Arno wou nog sy mond oopmaak om iets te sê, maar sy het net vir hom geglimlag, om gedraai en stadig aangestap.  Sou dit ‘n voorbode wees ?  ‘n Skim ?  Dalk nog ‘n engel ? Tot vandag toe wonder hy.  Maar sy gedagtes het hom gou weer beet gekry.  Hy begin wonder oor die teenstrydige lewe wat hy lei. Sag het hy met homself gepraat.  “Arno, jy moet besluit.  Wil jy aan gaan met jou lewe soos dit is?  Wil jy aanhou om Shasha te vertrap terwyl sy so goed is vir jou of wil jy jou weë terug bring op die regte pad?”  Arno het nog so daaroor gesit en dink toe hy ‘n sagte hand op sy arm voel.  Vir ‘n oomblik het hy gehoop dis Shasha.  Gebid dat dit sy moet wees. Sy het altyd geweet hoe om hom beter te laat voel.  Maar die noodlot was teen hom daardie dag. Die noodlot was uitdagend. Haar glimlag was verleidelik.  Haar klere uitlokkend.  Haar stem was so soet soos stroop.  As hy maar net geweet het dat daardie vlammetjie wat hy voel brand, besig was om sy laaste hitte uit te brand.  Haar glimlag, wat in haar oë ook gelê het, het stadig aan sy mondhoeke begin pluk. Haar bewegings was sensasioneel. Uittartend.  Nie omdat sy dit doel bewus gedoen het nie. Dit was maar haar manier. Die enigste wapen wat sy gehad het om te kry wat sy wil hê.  Te hou wat sy gedink het aan haar behoort.  

#eBoeke

Maverickt word gedefinieer as onafhanklik en om dit te koppel aan die amp van landdros klink soos 'n kontradiksie. Word daar nie verwag van 'n landdros om onafhanlik te wees nie? Andrew Barlow lig in die eBoek die sluier oor die realiteit van landdros-wees in Suid-Afrika.

Hiermee die inleiding van die eBoek:

 “Dit is die verhaal van ‘n Afrikaner seun wat gedurende die oorlogsjare van die Tweede Wêreld Oorlog en vir ‘ paar jaar daarna groot geword het in die Natalse Middelande. Dit was ‘n Duitssprekende gemeenskap en weens die vyandigheid wat veroorsaak was deur die inval in Duitswes Afrika in 1914 was hy en die ander vier Afrikaans sprekende kinders by die skool geboelie en aangerand deur die groter seuns. Hy was die enigste een wat teruggeveg het en sy oorlog teen hulle het eers ten einde gekom toe hy in graad tien was.

Die weiering om geboelie te word was ‘n eienskap wat kenmerkend was lewenslank en wat veral tydens sy loopbaan na vore gekom het. Gedurende die jare wat hy as beide in die distriks- as streekhowe aanklaer was en later as landdros in die distriks- en streekhowe en op verskeie plekke oor die land was verskeie poghings aangewend om hom te boelie. Die pogings is geloods deur selfs die hoof van die Departement van Justisie en van die ander meer senior beamptes van die Departement om hulle te help of nie teen te gaan in verskeie korrupte praktyke. Hy het gevind dat hy die enigste landdros en later toe hy op die Departementele Inspektoraat was, die enigste inspekteur wat nie aan hulle eise voldoen het nie.

Dit het ‘n loopbaan van spanning en stres meegebring wat dikwels sy geestelike en emosionele vermoëns tot die uiterste toe beproef het. Hy moes al hierdie gebeure en struwelinge alleen hanteer, selfs sonder die bystand van sy eggenote.

Op ‘n paar geleenthede het hy vasgestel dat ten spyte van hulle openbare beelde as mense van onkreukbare integriteit selfs by hulle politieke teenstanders, hulle nie die toonbeelde van die einskappe was nie. Hulle was bloot politici wie se doel was om aan bewind te bly ten all koste en dat hulle ware karakters nie sonder letsels was nie. Sy ondervinding van die mense het nie openbaar bekend geword nie. Sou dit bekend geword het sou dit heel moontlik die toekoms van die land ingrypend kon beïnvloed het. Ongelukkig het die pers destyds of nie in die soort gebeure belangstel nie of meer waarskynlik was dit so geïntimideer dat hulle nie kon waag om die aangeleenthede bekend te maak nie.

Aangesien sy eie lewe onbetwisbaar was en hy altyd gesorg het dat sy optrede korrek was, kon die Departement nie daarin slaag om hom af te dank nie, ten spyte van verskeie pogings om dit te doen. In die verband moet in ag geneem word dat daar toe geen organisasie bestaan het wat enige beampte kon beskerm teen die arbitrêre gedrag van politici en senior beamptes van departemente nie.

Die verhaal van sy lewe en loopbaan klink soos ‘n denkbeeldige boek wat geskryf is deur ‘n skrywer van rillers op die geestelike en emosionele vlak. Elke bewering in die boek is egter waar.

Ek glo dat dit baie lig sal werp op wat agter die skerms gebeur het.

Andrew Barlow, Januarie 2013”

Joernaliste en ander belanghebbendes wat belangstel om 'n resensie te doen oor die "Maverickt Magistrate" is welkom myAfrikaans te kontak by bestelling@myafrikaans.com.

'n Kort Verduideliking deur Andrew Barlow van die eBoek “South African Illusions and Delusions”

Die eBoek is ‘n verhandeling van die Suid-Afrikaanse geskiedenis vanaf 1652 tot die huidige. Dit is nie ‘n relaas van die blote gebeure van daardie tyd nie maar ‘n ondersoek na die redes waarom selere gebeure plaasgevind het en die gevolge van daardie gebeure.

Die ontstaan van die rasse stryd tydens die heel vroegste jare en hoe dit onwikkel het word uitgelig. Die ontstaan van die Trek Boere, nie te verwar met die Voortrekkers nie, en hulle eiesoortige eienskappe en veral hulle weiering en onvermoë om gebonde te wees aan enige owerheidgesag sedert die jare van die Verre Oos Kompanjie word duidelik gemaak. Toe baie van hierdie mense deel geword het van die Groot Trek het hulle die eienskappe met hulle saamgeneem. Daardie invloed op die Transvaal vanaf 1852 tot 1877, die jaar waarin Theopilus Shepstone die Transvaal vir Brittanje geannekseer het, word verduidelik en dat die anneksasie as gevolg daarvan onvermydelik was ook opgeklaar. Die dubbele rol wat Paul Kruger en Jorrisen hierin gespeel, iets wat algemeen onbekend is, is ook behandel.

Die werklike rede waarom Gladstone in 1881 die Transvaalse onafhanklikheid erken het word behandel en die sinnelose daaropvolgende oorlog van 1899 tot 1902 is hierin verduidelik. Dat daardie oorlog inderdaad nie oor onafhanklikheid nie maar om gewone eie politieke ambisies gedraai het word verduidelik. Dat die Oranje Vrystaat en veral die Transvaal baie ver agter die Kaap Kolonie was met betrekking tot ‘n Afrikaner nasionale gewaarwording en die gebruik en erkenning van Afrikaans is ook behandel, die mite dat dit van die beweegredes vir die oorlog was word die nek ingeslaan.

Die verloop van die geskiedenis tot en met die huidige toestand word op dieselfde wyse behandel. Dus die foute wat voorkom moes en kon gewees het word stuksgewys behandel.

Gebeure in ander lande wat op die oog af niks met Suid-Afrika te doen het nie word behandel en word daarop gewys hoe baie van die gebeure direk en doelbewus ‘n baie groot invloed op Suid-Afrika en die wêreld gehad het. ‘n Voorbeeld hiervan is die insolvensie van Egipte tydens die 19de eeu en hoe dit bewimpel was deur Brittanje om ‘n hefboom te verkry om ander oogmerke te bereik.

Daar is baie meer en dit is onmoontlik om in ‘n kort opsomming die omvang van die boek uiteen te sit. Die lesse uit daardie geskiedenis soos hierin verduidelik word, is steeds van toepassing belangrik, nie net vir die Afrikaner nie maar ook vir die huidige regering.

Kliek op die afbeelding om die eBoek te koop!

In die oomblik voor hy homself om die lewe bring, hersien Desmond die pad wat kon lei tot hier. Om homself en sy lot te verander moes Danie Fourie meer doen as ontsnap uit ’n tronk. Hy moes uitstyg en Desmond Faure word, homself herskep ver weg van Krugersdorp. Hy moes sy siel verkoop, iemand ompraat, sy verlede verbloem, sy geluk maak swaai soos Pretty Woman. Hy moes ’n ander kitaar leer slaan.

“Country song for ever lost its soul, when the guitar player turned to rock ’n roll ...” Maar in die donker kantlyn van menslike gedrag val gewone reëls gou weg. Dit kos ’n kenner om deur die mooi afwerking te sien. Probleem is, soveel sonde laat homself nie sommerso afskud nie. En Desmond weet hy is steeds Danie, maak nie saak wat nie. Almal aanvaar sy nuwe persona. Almal hou van hom. Hy raak selfs verlief. Toe ontplof alles.

Wees slim!

Moenie R180.00 betaal vir die moetlees eBoek van hierdie feesseisoen nie!

Kry Kapabel in eBoek formaat vir slegs R76,50

Joan Hambidge skryf in Beeld:

Steve Hofmeyer se nuwe eBoek is 'n "page turner"

"Die pas van die roman is vinnig en soms is daar tonele wat skreeusnaaks is. ’n Mens dink onder meer aan die rooftoneel in die poskantoor waar die moeder toevallig haar seun sien. En dan moet hy bieg! Die leser kan gerus sy of haar vooroordele opsy skuif. Steve Hofmeyr se stories is outentiek en hy begryp iets van die lot van ’n verskoppeling wat uit die benoude bestaan van armoede en ellende wil vlug. En dan sy hand oorspeel. Die karakters word helder en goed beskryf. Gesiene romanskrywers kan gerus gaan kyk hoe hy karakters laat praat! Ook van ruimte weet hy veel: Jy sien Kaapstad, Kraaifontein en Krugersdorp voor die geestesoog. Beeld"

 

Uittreksel uit Kapabel, Afrikaanse eBoek deur Steve Hofmeyr

 

Goed. Om ’n lang storie kort te maak. Ek staan hier met my hakke teen die voetenent van haar graf en die kort loop teen my voorkop. My duim is op die sneller. My wysvinger op die hamer. My hand ruk onder die gewig. Maar ek hou hom lynreg gerig. Solank Moses sy hand opgehou het, was Israel die sterkste en wanneer hy sy hand laat sak het, die Amalekiete. Is dit U sagte hand hier onder my elmboog vandag? Want dit help net mooi niks. Die dêm ding raak swaar. Hoe lank staan ek al hier? Hoeveel vrae gevra? Hoeveel antwoorde gekry? Niks. Time-fokkenout. Tyd het nog nooit so min beteken, na so min geruik of so sag geklink nie. Tyd was nog nooit so ontydig nie. Dalk proe tyd na die binnekant van jou mond, na die laaste ding wat daar deur is. Soos ’n vloekwoord. ’n Sug. Of ’n naam. Ek rol my tong een keer deur. Nog ’n sintuig klok uit. As ek haar naam net mag proe. Maar dis nie meer daar nie. Daar is niemand wat sal kom as ek haar naam roep nie. En dis my skuld. En ek kan net nie daardie kruis alleen dra nie. Ek is nie Job nie, Ma. Ek kan nie toekyk terwyl die gode deals maak onder my neus nie.Die lyn wat Goed en Kwaad skei loop eintlik dwarsdeur elke mens. Deur my ook, sê jy. Maar links hou op ’n tiekie is sommer baie inspanning vir ’n ou sonder ’n plan B. Ek wil nie meer nie. Beproewinge bevry my nie soos vir Job nie. Dit beleër my. Rampe maak my nie sterker nie. Dit troef my. Ondervinding bevry ander, maar maak my swaarder. En ek voel my omsingel vandag. Fyngedruk soos ’n mot. Die gode het gewen. Ek glo nie meer in dinge-sal-regkom nie. Ek het my geloof in God en goeie vooruitsigte so saam-saam verloor. My verhemelte wil die heil en onheil nie meer onderskei nie. My hemele stuur die Eliaswolke en reënnewels tegelyk. Ek kyk nie eers meer op nie. Dis nie dat ek nie weet nie. Dis dat ek te veel weet maar die deugde nie uitmekaar kan ken nie. Om jouself om die lewe te bring is soveel anders as om iemand anders dood te maak. Soveel moeiliker. Jy weet, selfmoord is sneaky. Die een helfte van jou brein probeer jou oorreed dat die ander helfte lieg. Links priem jou met redes om te gaan en regs por jou om te vertoef, soos vir ’n loopdop. Maar dié koeël sal my kwytskeld. As jy in die kort loop van ’n .38 Special staar, kan jy die merkies op die stomp loodpunte van die ander vier patrone sien. Nie dat ek hulle ooit nodig sal kry nie. Op hierdie afstand sal een koeël meer as genoeg wees. Ek kyk vir oulaas om. Ag. Die blomme. Ek laat sak die rewolwer, draai om en haal die mooi ruikers van die groot grafsteen af. Ek kyk rond. Daar is niemand nie. Net die denne. En ’n duif wat roekoek. Dis jammer. Ek wil vir iemand sê mens bloei nie op blomme nie. Wat ’n gedagte moes bly, glip toe uit. Die duif vlieg met trae vlerkslae weg.

Mens bloei nie op blomme nie. Ek vee die marmer skoon, sit haar briefie op die blink blad en loop staan weer voor die graf. Ek draai om en druk die rewolwer onder my linkeroog teen my wangbeen vas. Dis koel soos tronktralies. Die kwesplek sal ’n ronde rooi kolletjie wees. Net daar. My gedagtes loop dood op ’n klein inkrimping van aartjies na my slape. Dit sal ek vandag sonder Grandpa’s kan verlig. Ek blaas vandag hierdie migraine agter by my skedel uit. Ek wou nooit die koeël sien kom nie. Ek sluit my oë. Dit knip die trane morsaf. Wat buite is bly nou buite en wat binne is bly nou binne.

Auf Wiedersehen, Elke Ziegler-Brandt.

Auf Wiedersehen.

                                                                    *

Die Duits is nie toevallig nie. Ek het so pas elke sent van tienmiljoen seshonderd-entwintigduisend tweehonderd-en-vyftig rand in my rekening oorbemaak vir navorsing by die Max Planck Gesellschaft vir Biofisiese Geneeskunde in Göttingen, Duitsland. Ek weet nie waar dit is nie en is ook nie seker wat so ’n geselskap met so ’n fonds sou maak nie. Die vrou aan die ander kant van die lyn was nogal heel blasé oor die bedrag. So asof hulle daagliks daardie tipe donasies kry. Tienmiljoen seshonderden- twintigduisend tweehonderd-en-vyftig rand, en vyftig sent! Ek sweer. Die bietjie wat nou oor is in my rekening is steeds tienmiljoen seshonderd-en-twintigduisend vierhonderd-envyftig rand meer as wat Desember in my rekening was toe ek hier in Somerset-Wes opgedaag het as voormalige sweiser en voornemende toerbusdrywer. Met tweehonderd skille. In miljoenêrsterme: platsak. Ek verkies nie die woord voortvlugtige nie, omdat dit verkeerd sou klink. Ek het ontsnap maar het darem ook ’n bogemiddelde poging tot rehabilitasie aangewend. Op my eie. Sónder staatsfondse en die gekarring van ’n parooloffisier. Selfverbetering. Dit klink beter. Dis mos waarvoor vonnisse is. Uit die oue die nuwe in met een moerse gejuig. Almal verdien ’n kans om oor te begin. Sweiswerk kan so finaal wees. Totsiens en koebaai, uit die stram ou vasgelooptheid op weg na die nukkerige vryheid. Die één ambag, sweis, knoop los stukke in ’n beknoptheid saam by fel temperature, die ánder, busdryf, vermy knope en bars weg uit die stad die ooptes in met die koel wind deur die afgerolde venster. Lugreëling, gemak, selfs weelde; en ’n diep weidsheid wat voor jou windskerm verbyskuif. Nou praat ons. Ek gaan nooit weer fokken sweis nie. As ek die blou vlam van die asetileen nooit weer sien nie, sou dit te gou wees. Kyk hoe lyk die velle op my palms. Soos ’n satellietfoto van swart gebrande soutpanne. ’n Verskroeide aarde met vier skurwe wit kolle waar die kneukels moes wees.

R10 620 250,50.

Ek moes met hierdie hande die bedrag versigtig neerskryf omdat kerkmuisoë soos myne dié tipe syfers verwerp. Met ’n vuil nael het ek die syfers een vir een toegedruk. Meer as ene, tiene en honderde was ver bo my wiskundige vuurmaakplek. Die bedrag het dieselfde gebly.

Alles weg, net so, met ’n handtekening en die druk van ’n knoppie op my bankbestuurder se laptop.

“Desmond,” sug hy vir die sewende keer, “dis darem baie geldjies vir die behandeling van pankritiese …”

“Pankreatiese karsinoom,” help ek hom reg vir die hoeveelste keer. Ek moes self daaroor gaan lees. Eers nou weet ek hoe skielik en wreed dit kan wees.

“Dis ongeneeslik en oorerflik, maar fondse …”

“Ek weet,” breek hy in, roekeloos ver verby die punt van geduldige kliëntediens. Betroubare ou Ben. Die ronde mannetjie met die fisionomie van ’n buideldier. En dit lyk asof sy uitstaangebit sy aanmanings nie mooi wil deurlaat nie. Ek onthou sy opgewondenheid toe hy my persoonlik moes kom meedeel dat die saldo in my spaarrekening by hulle gespring het van R2 750 na meer as vyftigmiljoen skille. En dat dit tyd was vir ’n tjekrekening en sommer baie gesonde beleggings.

Nou gee ek elke laaste sent vlak voor hom weg. “Die fondse kan, ’m, ja ek weet, ’n deurbraak verseker … en al daai kak, Desmond. Jy vertel my dit oor en oor. Ek dink nie jy is kompismentis nie. Jy ly aan depressie en eet sleg. Jy’s irrasioneel, my vriend. Miskien moet jy eers met my baas praat. Hy’s op pad. Toe. Voor ons hierdie knoppie druk. Jan Prinsloo en At van Reenen kom ook. Hulle is goed met hierdie tipe ding. Hulle doen Lotto counselling. Het ek jou al gesê? Ek dink ek het. Wel, dié tipe van ding. Anyway, my baas het my die dood voor die oë gesweer …”

“Nee, dankie, Ben. Ek wil nie praat nie. Ek’s haastig. Waar druk ek?”

“Wat van jou vaste bates?”

“Veilig in my testament bemaak aan my ma. Waar druk ek?”

Daar is geen uitkomkans meer nie. Ben is geleer om kalm voor te kom in die teenwoordigheid van groot bedrae geld, maar die krake in sy mondering wys. Hy lyk selfs kwaad toe hy die laptop se swart knoppies teësinnig omswaai na my kant toe. Hy weet ek weet dat sy speel-vir-tyd hom min sal baat. Hy ken my. Hy weet dat daar niks is wat sy takbestuurder, sy prokureur en hul raadgewers my nou kan wysmaak oor waarheen ek my fondse wil oorplaas nie. Sy bleskop wieg swaar van links na regs en terug en dit klink of hy in pyn verkeer. Hy kyk een keer oor die kliënte wat niksvermoedend toustaan by die vier tellers buite ons kantoor se glasdeur. Daar ver in die regte wêreld. Hier sit ons, in ons bisarre akwarium van verlies. Dan kyk hy weer terug na my met dieselfde floute in sy hangwange.

“Maar …”

Ek is nie meer daar nie. Die onverteerbare hede is bloke waaruit ek lankal weg is. Ek is hulle een stap voor. Lank reeds nie meer daai vent vrot van die voorspelbaarheid nie. Hierdie is als bloot formaliteit om die gode te verstom. In wese is ek al klaar op pad begraafplaas toe. Ek weet presies waar om te stop vir ’n kardoes karoobossies. Haar gunsteling. Sy sal dit waardeer. My hand vryf in my binnesak oor die Taurus se Made in Brazil-embleem ingeëts op die kil vlakte tussen die rewolwer se draaimagasyn en sy houtkolf.

“Maar?”

“Maar, jirre, Desmond. Tienmiljoen seshonderd-entwintigduisend tweehonderd-en-vyftig rand …”

“… en vyftig sent,” voeg ek by terwyl ek die laptop voor my intrek. Ek het baie min tyd. Trouens, my tyd is verstreke. Geselsies is nie op my agenda nie. Ek verdien nie om te lewe nie maar ek wil nie sterf in ’n tronksel nie. Ek wil die general wees oor my lot. My regterhand voel die riffelpatroon op die rewolwer se kort kolf. My linkerhand se wysvinger vind enter. Ben snak na sy asem. Hy is deur baie. As ’n syferman met ’n verantwoordelikheidsin en belegging-savvy sou hy seker baie anders te werk gaan met sulke hope geld. Hy moes toekyk hoe die oorspronklike vyftigmiljoen rand in groot getalle afneem soos ek een oorplasing na die ander gemaak het.

Nou, terwyl die laaste sent daarvan verdamp, kyk hy diskreet weg, maak hy asof hy nie hoor nie, nie sien nie en nie wil weet nie. “Dis darem baie geldjies om net weg te gee,” piep hy vir oulaas.

                                                                                                         *

Wat sal ’n dooie man in elk geval met soveel geld maak. Dit het ek nie gesê nie, want Ben sou my vingers in sy laptop toeslaan en die gloed vanuit sy pankop sou die brandalarm aktiveer. Weet bleskoppe dat mense nie hul oë van blesse kan afhou nie? God het twee bere gestuur om ses-en-veertig kinders te verskeur omdat hulle Elisa daaroor gespot het. Daardie soort van toorn is ’n goeie argument dat die gode self moontlik pankop is. Dis darem baie Skriftuurlike prominensie vir haarverlies. Gaan op, Kaalkop. Gaan op. Asof Ben my gedagtes kon lees, het hy weer tevergeefs met ’n sakdoekie daaroor gevee. Dit het nie gewerk nie.

Toe ek uitstap, het ek nie gegroet nie. Net gedink hoe swak die banksekuriteit is om mense groot transaksies toe te laat met gelaaide rewolwers in hul baadjiesakke. Ou Ben was reg. Dit ís baie geld, maar armgatte soos ons kan nie oornag hierdie sprong na geldadel ’n suksesvolle sprong maak nie, ou Ben. Dit weet ek nou. Magtig, ek het probeer. Wat baat tafeletiket ’n honger kind? Het gedink ek kan in een jaar vermag wat Pretty Woman in een week kon regkry. Van ’n wurm tot ’n vlinder. Sommerso. Daardie raadgewers van jou moet eintlik ons kitsmiljoenêrs deur jare se kondisionering sit. Hoërskool vir oornag-begunstigdes wat jou die sprong van ongesteld na welgesteld met grasie kan leer hanteer. ’n Program wat jou bietjie-bietjie gee sodat jy nie jou nek beseer elke keer as die duurste karre die mees gegoede voorstede inry nie. ’n Hou-Jou-In-kursus. Delayed gratification. En dan ’n taalkursus. Kontantiaans. Wat jy met flair en ander groot woorde kan rondgooi by mense van jou nuwe portuurgroep. Maar dit is nie wat Ben se kollegas doen nie. Inteendeel, hulle stuur kamma-raadgewers om jou te werf vir hul bank se ongeëwenaarde rente. En hier sit ek. Ek kan nie eers die bedrag uitspreek nie. Selfs al lees ek dit voor my op papier.

Daar is meer nulle as wat ons Fouries kan tel, het my ma ook gefluister. En toe het sy êrens tussen agterdog en euforie haar asem verloor. My kind, my kind, my kind.

Dat ek nou aan haar moet dink. My eerste en laaste besoek aan haar ná my beroemde ontsnapping. Ma. Die bes moontlike vrou vir enige man ter wêreld. Niks soos Job se vrou nie. Mevrou Job het duidelik deur die huweliksformulier gesnork. Om haar man deur sy diepste beproewinge te ondersteun was nie op haar maandskedule nie. Superfeeks. Ek sou dink jou vrou staan jou by as jy sewe seuns, drie dogters en al jou kamele op een dag aan die dood afstaan. Ma was meer soos Job as Job se vrou. Oorweeg my dienaar Job. Oorweeg my ma, Isabella Johanna Fourie. ’n Moeder met ’n glimlag as roumantel. Ek moes weet geld kon nie so ’n ma omkoop nie.

Daar was aanvanklik veel meer in my rekening, maar ek het genoeg weggesit sodat Jan Bantjies se ma nooit weer hoef te werk nie. Ek het vir Cindy ’n sak vol kontant uitgehou sodat sy kon gaan studeer en seks kon hê met veel jonger mans as ek en daai siek etter, Hugo Taljaard. Daarna kon ek met gemak my duur dakwoonstel in die Strand, my ma se herewoning in Lynnwood Glen, haar nuwe Mercedes M-klas en my Land Rover LRX kontant koop. Ek het een Karoo-wildsplaas tussen Sutherland en Fraserburg gekoop en twee praghoewes langs die Bo-Dwyka afgelos. Onder die skuilnaam Desmond S’true Enterprises het ek Jazz Naidoo se vervoermaatskappy oorgekoop, ook kontant, bloot vir die voorreg om my vitterige baas, Hugo Taljaard, persoonlik in die pad te steek. Dit was die hoogtepunt van my jaar by Jazz Naidoo. Ek het in Taljaard se kantoor op hom gewag. Hy het verras opgekyk. Verras dat daar iemand in sy kantoor was en dit agter sy lessenaar. Maar meer verras dat dit ek, sy mins begunstigde werknemer, was.

“Baas Hugo, dankie vir jou tien jaar by Jazz Naidoo Transport & Travel.”

“Hè?”

“Tien jaar. Dis ’n lang tyd, meneer.”

“Dis my plesier, Faure. Maar ek het dit nie vir jou gedoen nie, toskop.”

“Ek weet. Gee my die kluis se sleutels, meneer Taljaard. Jy’s gefire en fok jou dood.”

                                                                                           *

Nadat ek my ma in Glenwoodweg gaan groet het, het ek op pad terug suid van die N1 gehou en drie dorpe in die onder- Vrystaat aangedoen. Tussen Reitz, Senekal en Bethulie het ek twee Michèle Nigrini-skilderye, een Walter Meyer, een kersiehoutkroeg met agt stoele, vier Persiese matte, spierwit beddegoed en ’n ongelisensieerde rewolwer aangeskaf. Vir wat ek gewillig was om daarop uit te splash, was die hele besending, buiten die Taurus .38 Special, twee uur voor my aankoms reeds buite my voordeur aan Kusweg, in die Strand. Die 24-uur-sekuriteitsman voor my hek het die driedubbelmotorhuis se deure met een lui gebaar laat oopgaan. Terwyl die deure een vir een geruisloos die dak in oprol, was dit my beurt om te snak na my asem. ’n Jaar gelede sou selfs ’n droom hieroor buite die kwessie gewees het. Die chroom-en-geel Iron 883 Harley en die 2011-Sensation 300 het goed gelyk so langs mekaar. Als wat kon blink, het geskitter. Ek het die Land Rover langs die boot geparkeer en die karweiers my besending maak uitpak in die een leë motorstaanplek. Op pad na my privaat hysbak het ek oor die silwer dak van die goudbrons Bentley Mulsanne gevryf en die reuk van rykdom diep ingeasem. Dit was nog vreemd.

Behalwe Ground was die enigste ander verdiepingopsie in die viermanhysbak Loft. Myne. So veilig soos ’n witkruisarend se nes op die kruin van Seinheuwel. Ek het my duim liggies op die raakskerm geplaas. Dit het dadelik my vingerafdruk geregistreer en die dik perspex-deur het sag toegeskuif. Somerset-Wes, Gordonsbaai en Kusweg het eensklaps miniatuur-topografie onder my ingevoerde stewels van Fermo geword. Dit was ’n mooi aand ná ’n lang dag op die pad. Die straatligte het ver links en regs uitgerol. My hysbak se omtrek was twee keer dié van ’n tronksel.

Bo in my sitkamer het ek my skoene oor my hakke afgetrap, moeg in my hemelbank weggesak en my bene oor die sandelhoutkoffietafel uitgestrek. Ek het teruggelê en die wynglas op my diafragma laat rus. In klein konsentriese sirkels het ek die bloedrooi Ouwingerd Private Collection in die glas geskommel en onder my neus gehou. Met my ander hand het ek die afstandbeheerder uitgesteek en die pers knoppie gedruk. Die vier meter hoë gordyn het voor die Hottentots-Hollandberge en die donkerblouste Tafelbaai weggekonsertina. Ek het dit weer toegemaak. En toe weer oop. Net sommer. Omdat ek kon. As Ma dít kon sien. Die wit knoppie het die dakliggies gedemp en toe ek die rooie druk, het die tamaai XDHD-skerm teen die muur aan kleur en klank ontplof. Maar ek was te pootuit vir ’n History Channel-reeks oor skepe wat gesink het tydens ’n Chileense eilandekspedisie. Who cares, jy weet. Ek’s ryk. Ryk soos ’n sjeik. Ek kan vier lande in Suid-Amerika se skuld oorneem met wat tans in my bankrekening aangaan. I have arrived.Tafelbaai-royalty. Ek was ek, maar nou’s ek mondig. My skip is in. My luck my valley. En daai luck het gedraai. One hundred and eighty degrees soeintoe, soos Pa altyd gesê het.

Die enigste bewyse dat daar êrens in die verlede ’n ander ek was, was hierdie hande en skamele besittings uit my vorige verblyf in Kraaifontein, Stikland Kraaines. Wat alles in een boks kon pas. Die boks moes waai en daarmee saam my hele ou kak verhaal. Vir die oumenshande is daar altyd rou lynolie. Ek sou Jan Bantjies, The Elephant Man, se foto hou en miskien daardie een onoopgemaakte brief bo-op die boks nog lees. My eerste pos in Kaapstad. Geadresseer aan Desmond Faure, Jazz Naidoo Transport & Travel, Somerset West. Ek kry pos. Dêmmit, it’s good to be me.

Kliek op die afbeelding om die eBoek Kapabel te koop!

#eBoeke

Die koerantbylaag By, Leserskring en RSG het saamgespan om die gewildste gedigte in Afrikaans deur die publiek te laat kies – en hier is die 100 gewildste gedigte uit die sowat 1 300 gedigte wat benoem is!

Kliek hier om die 100 gewildste gedigte te lees!

Om hierdie inisiatief te ondersteun maak myAfrikaans drie digbundels in eBoek formaat beskikbaar teen 'n spesiale aanbieding. Kliek op die afbeelding van die eBoeke om die digbundel aan te skaf.

Verweerskrif, Antjie Krog, Random House Struik, eBoek formaat 

Ko lat ons sing, Adam Small , NB uitgewers, eBoek formaat

Die beginsel van stof, Breyten Breytenbach , NB uitgewers, eBoek formaat

Henning J van Vuuren het ná skool aan die Universiteit van Pretoria in die regte studeer. Daarna sluit hy hom by die Suid-Afrikaanse Polisie aan, waar hy ’n offisier word. Hy bekwaam hom later as prokureur, maar sy passie vir skryf laat hom ’n kursus in Kreatiewe Skryfkuns en Joernalistiek loop. Hy het ook as joernalis vir die Laevelder in Nelspruit gewerk. Etlike kortverhale uit sy pen, in Afrikaans sowel as Engels, is op Litnet gepubliseer, en hy was in 2009/2010 een van die top-vyf in Tafelberg/Sanlam se Jeugromankompetisie.

Marius Visser skryf in Rapport dat Kruitvat deur Henning Janse van Vuuren ’n triomf is. Dis ’n karaktergedrewe heuningpot van intrige en spanning wat die ondenkbare regkry: Dit spin ’n storie in die hier en nou wat jou laat vergeet hy’s Afrikaans; wat enduit boei en oortuig met sy taalgebruik en gebeure; wat jou hardop laat lag en jou laat seker maak die voordeur is dig gesluit – sonder om, en dis nog een van die slaggate in Afrikaanse prosa, jou soos ’n 12-jarige te behandel.

Uittreksel uit die eBoek, Kruitvat:

“Adriaan.”

Adriaan wip soos hy skrik. Hy is besig om die deur agter hom toe te stoot.

“Genade, oom Bert!”

’n Fyn glimlag speel om die apteker se lippe.

“Skuldige gewete?”

“Nee wat. Hoekom sal ek hê?”

Bert Badenhorst steek sy hande in sy wit oorjas se sakke.

“Ek sien jy dra nie vandag jou kisklere nie.”

“Nee, Oom. Monica gaan …”

“Moenie sleg voel nie. Ek gaan ook nie daai korrelkop se begrafnis bywoon nie.”

’n Voetganger slenter nader, kyk belangstellend na sy eie weerkaatsing in Bosveldnuus se venster en drentel verby sonder om te groet.

“Maaifoedie,” snork Bert. “Ja, die wêreld is ’n beter plek sonder hom.”

Adriaan voel hoe sy bloeddruk styg.

“Hoe meen Oom?”

“Gmf, daai vent het my jare gelede by die Aptekersraad aangegee. Hy het loop en vertel ek meng bakpoeier met sout en verkoop dit as Panado. Regte ou nincompoop.”

“En?”

“En wat?” Bert rek hom tot sy volle lengte. Hy troon ’n halwe kop bo Adriaan uit. “Probeer jy ’n grap van my maak?”

Nog voetgangers stap nader. Bert staan kiertsregop, knik styf en wag met ingehoue asem tot hulle verby is, voor hy aangaan.

“Dis nie grappies nie. Ek was onskuldig.”

“Ek vra maar net. Ek weet mos nie.”

Bert lek vinnig oor sy lippe. Dit lyk of ’n bietjie kleur na sy gesig terugkeer.

“Adriaan, dié swart man wat hier by jou werk, is hy ’n Mosambieker? Ek het nou die dag al met Monicatjie hieroor gepraat. Maar sy het niks aan die saak gedoen nie.”

Bert se kop sak ’n aks vooroor.

“Oom praat seker van Onassis. Hy is ’n boorling van Mosambiek … as ek reg verstaan. Maar hy het Suid-Afrikaanse burgerskap. Ek het na sy ID gekyk.”

Dit tref Adriaan skielik dat hy nog nie Onassis se WVF-dokumentasie met die Departement van Arbeid uitgeklaar het nie.

“Kyk, Adriaan, ons het al vir meer as ’n jaar goeie buurmanskap. Dié man, Onassis as jy so sê … kyk, is dit nodig dat hy hier agter woon?”

“Hoe bedoel Oom? Pla hy? Raas hy dalk? Doen hy iets verkeerd? Daar is ’n woonstel beskikbaar en dis deel van sy diensvoordele!”

Bert vroetel in sy oorjas en lek weer vinnig oor sy lippe. Bosveldnuus se deur swaai oop en Monica kom handsak onder die arm uit.

“Haai, is jy nog hier, Adriaan? Môre, Oom.”

“Môre. Verskoon my.”

Hy verdwyn ding-dong by die apteek in.

Kliek op die afbeelding om die eBoek te koop teen slegs R86.76! 

Voel dit nie ook partykeer asof jy uitmis as kommentaar oor 'n nuwe niefiksie boek of oor sake van belang in die briewekolome van koerante verskyn nie.

Max du Preez skryf byvoorbeeld in The Mercury dat die toenemende onverdraagsaamheid en ondertoon van geweld in Suid-Afrika aangevuur word deur die houding en uitsprake van ons mees senior politici.

Feitlik elke dag , word ons gekonfronteer met iemand wat in die openbaar verklaar dat hy sal "sterf " vir iemand of iets. 

Wat staan in jou pad: Niefiksie boeke is ontsaglik duur in Suid-Afrika, besige mense kom nie altyd by 'n boekwinkel uit nie, die boeke se formaat is te lank vir jou besige skedule en dit is onprakties om 'n boek saam te dra vir ingeval daar iewers in die dag 'n paar minute is om verder aan die boek te lees.

Nou het Tabelberg Kortboeke, wat beskikbaar is by myAfrikaans.com, die oplossing: kort eBoeke, met sakpaspryse, oor aktuele kwessies wat geskryf is deur die voorste meningsvormers. Erika Oosthuysen, niefiksie uitgewer, het gesê: “Ons is in ons noppies met die loodsing vandag van ’n nuwe reeks eBoeke, Tafelberg Kortboeke, waarin van Suid-Afrika se topkommentators en -skrywers aan die woord is. Dis ’n formaat wat skrywers meer ruimte bied as ’n koerantartikel, met plek vir diepte en genuanseerde analise. Tog is dit maklik en vinnig om te lees op selfone of e-lesers. Kort eboeke pas reg in die kraal van besige lesers wat op hoogte wil bly en wat goeie skryfwerk waardeer. In die VSA is daar reeds meer as 2 miljoen kort eBoeke verkoop en die New York Times het die ‘nuwe genre’ verwelkom.”

Max du Preez se kort eBoek “A chief is a chief by the grace of his people” Once we had leaders vergelyk die Suid-Afrikaanse leiers van vandag met die tradisionele leiers van die verlede. Max haal vir Dr. Mamphela Ramphele aan wat van mening is dat die knelpunte in Suid-Afrika van die afgelope dekade hoofsaaklik te wyte is aan die feit dat leierskap monumentaal gefaal het.

As meningsvormers gevra word na watter tipe leierskap in Suid-Afrika krities belangrik is, word na Staatsmanne soos Franklin D Roosevelt en Winston Churchill of besigheidsleiers soos Steve Jobs verwys. Max dui suksesvol in hierdie eBoek aan daar 'n goudmyn is van navolgenswaardige en partykeer skouspelagtige leiers in Suid-Afrika se pre-koloniale en vroeë koloniale tydperk. Daar is in die Suid-Afrikaanse geskiedenis mans en vroue wat visie, waagmoed, dapperheid en beginselvastheid getoon het. Wat interessant vir my was dat Max aantoon in die eBoek dat sekere leiers wêreld wye aansien gehad. Met die sterwe van Hoofman Sekhukhune is soos volg berig deur die London Times op 30 Augustus, 1882 : “ We hear this morning from Durban of the death of one of the bravest of our former enemies, the Chief Sekhukhune...... The news carries us some years back to the time when the name of Sekhuhune was a name of dread, first to the Dutch and then to the English Colonists of the Transvaal and Natal” ( bladsy 8 van die eBoek).

Dit is dus nie nodig dat daar altyd buite Suid-Afrika gesoek moet word vir voorbeelde van visioenêre leiers nie. Max skryf dat as die leierskap- vaardighede, styl en visie van sekere Suid-Afrikaanse konings, sendelinge, en filosowe van gister ontleed word, vind ons dat vandag se leiers se verskonings van kolonialisme, apartheid, Westerse imperialisme, en neoliberalisme nie werklik water dra nie.

Max du Preez se kort eBoek “A chief is a chief by the grace of his people” beslaan 52 bladsye, word uitgegee deur Tafelberg Uitgewers en is beskikbaar by myAfrikaans.com vir slegs R38.42

The Zulu Warrior. Soos dikwel die geval is, is daar wanoppvattings oor die Zoeloes, die geskiedenis van daardie tyd en dus die houding van mense en selfs die van ernstige geskiedkundiges oor die mense en die gebeure. In hierdie boek is die geskiedenis getrou weergegee. Die relaas wentel om die denkbeeldige ervaring van een Zoeloe kryger vanaf die tyd toe hy 'n seun van vyftien jaar oud tydens die regering van Shaka was totdat hy 'n ou man tydens die heerskappy van die Zoeloe koning Cetewayo was.

.

Min bekende gebeure tydens die regering van Shaka word behandel. Waar Shaka as 'n Afrika Napoleon beskou word, word die juiste posisie duidelik gemaak en is dit sonder twyfel dat hy 'n bekwame krygsman was maar dat hy 'n volslae psigopaat was. 'n Interessante aspek is dat hy reeds toe metodes ontwerp het om witmense in 'n oorlog te verslaan - metodes wat nie deur Dingane gevolg was nie. 'n Ander siening van die traktaat tussen Dingane en Piet Retief word behandel en die slag van Bloedrivier word uit 'n ander oogpunt benader - soos die Zoeloes dit ervaar het. Die gebeure word geweef om die lewe van die kryger wat die naam van die "Die Wellustige" deur Shaka gegee was weens 'n insident in 'n geveg. Die geheel en al ineenstorting van die Zoeloe kewenswyse en hoe dit die gesinslewe vernietig het en die gevolglike emosionele trauma vir die Zoeloes word in die lewe van die kryger uitgebeeld. Dit is 'n verhaal van die geskiedenis van Die Zoeloes van daardie tyd, maar die stormagtige lewe en die verwoesting daarvan van die kryger en sy lewe en sy uiteindelike huwelik met 'n meisie wat 'n gevange was in Dingaan se isigodlo senkosi (harem) Hoe die meisie wat geen familie meer gehad het nadat haar mense uitgewis was nie, deur die kryger met 'n slim plan na sy ouers kon neem en uiteindelike met haar kon trou. Maar hoe sy by sy ouers gebly het al kon sy later na hom by sy militêre kraal gaan omdat sy nie die oumense alleen wou laat nie. Hoe hy later na die Slag van Bloedrivier na haar en sy ouers kon gaan, moeg van oorlog en swak regeerders

.

Kliek op die afbeelding om die eBoek te koop!

Wie glo dat Afrikaanse eBoeke duur is?!?

’n Lyf onthou, Afrikaanse eBoek deur Riette Rust is hierdie naweek beskikbaar teen halfprys!

Hierdie eBoek is ’n versameling kortverhale wat nie skroom om die liggaam en liggaamlike belewenisse vanuit elke moontlike invalshoek te belig en te beskryf nie. Met die lyf en lyflike begeertes as fokuspunt, word die versplintering van die openbare en geheime lewens van gewone mense na vore gebring – en veral die kwesbaarheid van die vroulike liggaam met gevoeligheid in die kollig geplaas.

Kliek hier om meer te lees oor die prys van Afrikaanse eBoeke

Riette vertel in Rapport:

Die ervaring van seksuele genot  soos beskryf in hierdie eBoek is vir sommige lesers nie net taboe nie, maar ook ’n taboe-onderwerp. 

“Jy praat mos nie daaroor nie... wat nog te sê skryf, beskryf? In Afrikaans?”

Liefde maak, orgasmes, belustigheid, bed-ekstase, onkonvensionele seks, gay seks, skelm seks, sadomasochisme, seksuele begeerte – onderwerpe wat in beskaafde Afrikanerkringe nog altyd met voorbehoude en omsigtigheid bejeën is. 

Seks-in-Afrikaans, in 17 verhale. Hier verander vertel-agter-die-hand in reguit praat. 

Ja, sy dink soms aan “wat gaan die mense sê”, sê Rust.

In hierdie eBoek skryf Marlene Malan het Riette met dapperheid  haar vrees oorrompel, haar nuuskierigheid oor en belangstelling in die wêreld se grootste dryfveer was vir haar veel groter as die felste kritiek.

“Ons Afrikanervroue is mos grootgemaak dat jy ’n maagd bly tot op 27, of tot jy trou. En dan word daar van jou verwag om in een nag in ’n seksvampier te verander...”

 

Kliek hier om die eBoek ’n Lyf onthou te koop! 

Volgens nuus24 het nie-regeringsorganisasie Section 27 het sy frustrasie uitgespreek omdat sommige skole in Limpopo steeds nie handboeke het nie.

Los die handboeke wat net nie wil opdaag nie en gee vir elke leerder 'n eBoek in die hand.

Indië wys wat gedoen kan word ! Die president van Indië, Pranab Mukherjee het Sondag 11 November 'n 7 duim tablet-rekenaar, die Aakash 2, bekend gestel wat versprei gaan word aan 100 000 universiteit studente en professors vir die ongelooflike prys van slegs R176.00. Die Indiese regering beplan om nog 5.56 miljoen te bestel. Hoe kan Indië dit doen? Die tablet-rekenaar word plaaslik vervaardig en Indië is die voorloper met die goedkoopste kompetente en vervaardiging van rekenaartoerusting. Die regering subsidieer 50% van die koopprys maar kompeterende tablet-rekenaars se beginprys is R400.00 en meer. Al subsidieer die regering die tablet-rekenaar nie, is die Aakash 2 die goedkoopste rekenaar in die wêreld. In Indië verdien 1 biljoen mense minder as $200 'n maand en 95% van die bevolking besit geen rekenaar toerusting nie. Die Indiese regering beplan om 'n tablet-rekenaar te verskaf in die toekoms aan Indië se 220 miljoen studente. Dit net wat gaan dit beteken aan die eBoeke mark in Indië. Die Aakash 2 is ideaal om eBoeke te lees. Die tablet-rekenaar se verwerker is so kragtig as die eerste iPad en twee keer soveel geheue. Google se Android bestuurstelsel word gebruik en die LCD raakskerm vertoon video's sonder hakplek. Studente kan die eBoeke toepassings gebruik en as 'n sleutelbord daaraan gekoppel word kan die toestel soos 'n tradisionele persoonlike rekenaar gebruik word.

Wat op aarde skryf ek oor in 'n eBoek

Paul Jun skryf in sy Blog dat dit regtig nie so moeilik is om 'n eBoek te skryf nie.

Die eerste vraag wat jy jouself moet afvra is: hoekom?

Jy het 'n storie om te vertel, dalk is jy 'n kundige op 'n sekere gebied of iets dramaties het in jou lewe gebeur!

Die vraag bly hoekom die moeite doen?

As jy 'n briljante idee het, is 'n eBoek die ideale voertuig om die idee aan jou profiel te koppel voor iemand die idee by jou steel. As 'n eBoek reg benader word sal dit ongelooflike blootstelling gee aan jou idee. 'n Suksesvolle eBoek kan die gevolg hê dat die skrywer as 'n gesaghebbende in sekere veld beskou  mag word. Die getal lesers van eBoeke het die afgelope jaar verdubbel en in die VSA besit een uit vier mense 'n tablet-rekenaar wat eBoeke funksionaliteit het. In Suid-Afrika is die penatrasie van slimfone ongelooflik groot en al meer gebruikers lees eBoeke daarop.

Volg drie stappe om jou eBoek te skryf

Stap1

Bepaal jou doelgroep

Sonder mense wat nie kan wag om die eBoek te lees nie, mors jy jou tyd! Paul Jun stel voor dat jy die volgende vrae aan jouself vra:

- Wie is jou doelgroep waarop die eBoek gemik is,

- Waarvan hou hulle?

- Hoe voel hulle oor 'n sekere aspek?

- Wat sal hulle graag wil leer of meer oor wil weet,

- Wat kan hulle baat deur die eBoek te lees,

- Hoe kan ek die eBoek aanbied om te verseker dat ek 'n verhouding met my lesers kan vorm. Gaan ek miskien idees en voorstelle verskaf wat die leser deel van sy lewe kan maak en hom verbind met ander lesers en die skrywer.

Stap 2

Het ek 'n platform of 'n seepkis?

Goed en wel jy het 'n eBoek geskryf, maar dit help nie veel as niemand van die eBoek weet nie. Dit is hoekom jy ook moet dink oor die kanaal waar jy jou boek beskikbaar gaan stel aan lesers.

Daar is verskeie opsies: Die eerste twee opsies is Kindle Direct Publishing en Smashwords.  

Kindle is eintlik glad nie 'n opsie op die oomblik nie omdat die uitgewer nie die Afrikaanse taal ondersteun nie en het onlangs alle Afrikaanse eBoeke wat skrywers daar gepubliseer het gedeaktiveer.

Smashwords en ander Amerikaanse selfPub-ondernemers verskaf 'n goeie diens maar die blootstelling van die eBoeke wat daar gepubliseer word aan die Afrikaanse mark is beperk. Aangesien die uitgewers op die Engelse mark gefokus is, is kans min dat die gepubliseerde eBoek sal opduik in 'n Internet soekenjin soektog.

MyAfrikaans.com se platform is ook 'n opsie om te oorweeg. Skrywers wat selfPub by myAfrikaans kry die volgende bloodstelling:

- 'n eBoekwinkel waar die eBoeke aan lojale gebruikers gelewer word. Die eBoekwinkel word as een van die top soek resultate verskaf deur die top soekenjins,

- 'n Facebook bladsy waar die eBoeke bemark word en interaksie verskaf met lesers,

- MyAfrikaans.com se Blogs: nuus op myAfrikaans.com, nuus24.com  en Maroela Media,

- Potgooi oor eBoeke, wat beskikbaar is by iTunes. Skrywers voorsien 'n mp3 opname waarin meer vertel word oor die eBoek,  

- Nuus oor die nuutste eBoeke op Twitter,

- Die nuutste eBoeke word ook vasgespeld op Pinterest .

 Stap 3 : Skryf die eBoek!

Die gehoor wat die eBoek gaan aanskaf is bepaal en  daar is sekerheid oor watter platform geskik sal wees om die eBoek aan te bied.

Wat nou?

Begin net eenvoudig die eBoek skryf!

Die ideale formaat is om die eBoek in MS Word te skryf. MyAfrikaans.com verkies ook dat die eBoek in Word formaat aan ons gelewer word, waarna dit verwerk sal word in 'n ePub eBoek.

Onthou 'n voorwoord en 'n inhoudsopgawe,

Gee duidelike 'n aanduiding waar 'n hoofstuk begin en eindig,

Hou die teks so eenvoudig as moontlik, gebruik standaard lettertipes en moenie kop- en voetteks invoeg nie,

“Bold”, kursief en opskrifte kan gebruik word en die word suksesvol verwerk in eBoek formaat,

Afbeeldings kan ook gebruik word, en die .JPGs formaat word aanbeveel.

Moenie verwysing vergeet as sekere bronne aangehaal word nie.

Dit is belangrik dat jy “dit net doen” en nie oorweldig word met die “boekskryf idee” nie. Die meeste eBoeke is einlik net 'n lang Blog-artikels.

Lees ook die eerste twee artikels in hierdie reeks:

Waarom Afrikaanse eBoeke

Selfpub van Afrikaanse eBoeke.

Palmbome en Seks

Uittreksel uit die eBoek:  

Kronkelpaaie: 'n bundel van 32 verhale uit die howe deur Andrew Barlow

Gedurende die negentien vyftiger jare was die Polisie en die hotel bestuurders op die Suidkus van Natal baie besorg oor die sedes en moraliteit van die jongmense. Die spulletjie wat elke jaar met vakansie soontoe gegaan het, was ietwat wild.

Dis een van die eienaardighede van die mens dat elke geslag dink dat hulle die aanloklikheid, pret, genot of wat nog van seks as, sê nou maar `n tydverdryf of vermaaklikheid, uitgevind het en dat die vorige geslagte op die gebied maar taamlik dom en agterlik was oftewel dan preuts en van baie goeie gedrag.

Hulle wonder nooit, dat as dit so was, hoe dit dan gebeur het dat die dierbare planeet van ons, oorbevolk is nie. In die verband dink hulle nie daaraan waar al die mense vandaan kom nie.

Eva, natuurlik met Adam as medepligtige, het `n ding begin wat eers sal eindig as die mens die dag van die aardbol sou verdwyn. En dis nog ver in die verskiet, tensy ........ Maar laat ons liewer nou nie te diep in die moontlikhede delf nie. Daar is genoeg onaangename dinge sodat ons nou nie nodig het om sommer so moedswillig meer te maak nie.

Kyk maar na die geskiedenis. Ons kennis strek nie baie ver in die verlede nie maar ons kan raai oor heelwat van die gebeure. Neem nou maar die ou Grieke. Hulle geskiedenis is vol van die manewales wat met en deur vrouens veroorsaak is. Alexander die Grote is in Persië deur `n hoë klas Griekse prostituut aangehits om `n pragtige paleis af te brand. Dat daar in daardie “beroep” ook klasse en stande kan wees ten spyte van die ononderskeibare sedelike en morele verval van die beoefenaars daarvan! Alexander, so lyk dit vir my, het nie juis in vrouens belang gestel nie, hy het sy seks pret by `n ander man gesoek en gekry. Sommer so terloops, dit lyk uiters waarskynlik dat hy en die vriend van hom eindelik in Persië aan Vigs dood is. 

Dan kan ons effens stilstaan by die Romeine. Hulle was as so iets moontlik is, wilder as die Grieke. Kyk na Cleopatra. Die oorlewering wil dit hê dat sy nie eens mooi was nie. Ja, ek weet sy was nie `n Romein nie, sy was Egipties maar twee belangrike Romeine het met haar gelol. Dit word gesê dat alle katte grou is in die donker maar so `n kat moet iets meer of anders hê as net daardie soort grouheid. 

En die Romeine het so erg gefuif en met seks deurmekaar geraak as stokperdjie, tydverdryf of verslaafdheid dat hulle hulle Ryk as gevolg daarvan verloor het. Terwyl hulle hulleself in Rome vermaak het met jong seuns en nie aandag aan die beheer, bestuur en behoud van die Ryk gegee het nie, het hulle vrouens snags na die “barbare?” buite die grense van Rome gegaan en daar by hulle die pret en vermaak gekry wat die Romeinse mans nie meer kon of wou verskaf nie. Die Griekse vrouens daarenteen het padgegee na die eiland Lesbos en eenkeer per jaar `n paar mans van die vasteland gaan haal vir `n bietjie pret en om die voortplanting van die spesie te verseker.

Dis moeilik om te verstaan dat terwyl daar op dese aarde van ons niks mooier as `n vrou is nie dat mans in ander mans kan belang stel. As daar enigiets mooier as `n vrou is, is dit nog nooit gesien nie. Alle vrouens is mooi – hier en daar is daar een wat miskien `n bietjie mooier is as die meerderheid – kyk maar mooi.  Ons kan net so vlugtig `n draai in Europa en Brittanje maak – na die tydperk van die  Grieke en Romeine. Hoeveel oorloë is deur die eeue in daardie geweste gevoer juis om `n vrou of vrouens. Hoe dikwels is hulle gebruik as die middel om mag en nog meer mag te bekom. 

En dan die arme Marie Antoinette. Die pragtige Oostenrykse prinses wat haar kop in Frankryk gaan staan en verloor het (letterlik) omdat die gepeupel kos wou hê en die middelklas meer mag en regte. 

En as u na die dinge so `n bietjie noukeuriger sal gaan kyk, sal u sien dat seks in almal teenwoordig was – onder draai die duiwel rond. Dis sommer so terloops; net om u eetlus oftewel u leeslus aan te wakker om meer uit te vind oor die mens se grootste swakheid.

Nou kan ons maar terugkeer na die Natalse Suidkus. Baie jongmense van die Witwatersrand het gereeld, veral in die winter soontoe gegaan met vakansie. Die hele jaar spaar hulle baie hard om vir twee of drie weke in die paradys te kan wees. Die paradys waar die slang `n welkome gas is.

Hulle het in die hotelle in mekaar se slaapkamers geboer. Daar het hulle dikwels nie eens die gordyne toegetrek nie en toevallige verbygangers kon dan dikwels tonele aanskou wat na bewering `n pornografiese film ietwat mak sou laat lyk het. 

Bedags op die strande het die spulletjie hulle nogal goed gedra. Die meisies het op die strande gelê en bak en af en toe geswem. Daar was toe al bikinis  en baie van die asters het die goed gedra. Die met `n beter begrip het die eenstuk swempakke gedra want hulle het geweet dat hulle `n mooi vulletjie se liggaam baie beter en treffender ten toon stel as die bikinis. 

Hulle het selde gemaak asof hulle verdrink of dat hulle in die moeilikheid is (dis nou in die water) om sodoende die lewensredders se aandag te lok, want dit was gewoonte om saans en snags al die nodige aandag van hulle te kry. Natuurlik was daar nie genoeg lewensredders vir al die meisies nie en kon die Vaalpens besoekers ook genoeg meisies kry.

Die bymekaar boerdery in die slaapkamers het vir die hotel bestuurders en die polisie `n groot probleem geword. Hulle was tog immers die beskermhere van die volk se sedes en moraliteit. Stry nou – sê/vra net: “wat het hulle daarmee uit te waai, `n mens kan mos maak wat en soos jy wil, niemand het daar enigiets mee te doen nie.” Ek gaan nie nou saam stry nie. Dis `n lang-lang storie en `n mens kan wye draaie met die ding loop.

Die polisie en die hotel bestuurders het koppe bymekaar gesit en die polisie belowe toe dat hulle al die moontlike ondersteuning aan die hotel bestuurders sal gee as hulle die onsedelikhede wil bekamp. Die kelners word toe opdrag gegee om dop  te hou en as hulle jong mans en meisies bymekaar in enige kamer kry, moet hulle dit dadelik aan die bestuurder rapporteer.

Die Southern Cross Hotel by Scottburgh was `n baie gewilde hotel. Dit was ook `n mooi hotel en die tuin was aantreklik en goed versorg. Opvallend was veral die palmbome. Hulle was oud en baie hoog. Die hotel het goed gesorg vir die vermaak van sy gaste en het gespog met `n baie imposante dansbaan. Destyds het die diskoteke nog nie bestaan nie. Daar was toe nog nie mense wat met `n spul plate en elektroniese speel apparate met yslike luidsprekers wat jou ore  van jou kop af blaas, om te sorg vir die musiek nie. Die blitsende, flitsende, rollende veelkleurige ligte het nog nie bestaan nie. Die musiek was, by die soort plekke, verskaf deur `n werklike orkes.

 Om ongeveer nege uur een nag kry `n paar kelners drie jong mans  by drie  jong meisies in afsonderlike kamers. Hulle was dom genoeg om drankies na die kamers te bestel. En dit na al die waarskuwings oor wat alles gaan gebeur met mense wat hulle nie wil of kan gedra nie.

Hulle het vir die bestuurder gaan roep en hy gee die drie jong mans opdrag om die hotel dadelik te verlaat – almal was toe gaste by die hotel. Hulle stry en praat mooi maar die bestuurder hou voet by stuk. Hulle moet trap.

Hulle gaan pak hulle goed en dit neem lank. Eindelik is alles klaar gepak en in die motor – die drie het saam daar aangekom. Hulle het lank gesloer en eers rustig die drankies wat hulle bestel het maar nie saam met die meisies kon drink nie, na hulle kamers geneem en dit tydsaam en uitgerek gedrink. 

Na `n lang ruk is hulle goed gepak en is hulle gereed om te ry. By die motor staan hulle rustig rond en bekyk die wêreld om hulle baie goed. Die hotel is stil. Dis donker behalwe vir die buite ligte. Die kroeë het destyds om tienuur saans gesluit. 

Terwyl hulle so getalm en tyd met die pakkery verspil het, het hulle planne gemaak om die hotel bestuurder `n les te leer. Hulle stap na drie van die mooiste palmbome wat daar groei. Die bome is al baie oud en troon hoog in die lug op – hulle kruine soos groot lewendige sambrele oor die mooi grasperk.

Elkeen grawe die grond om `n palmboom los tot `n diepte van ongeveer ses duim. Om elke palmboom in die voor sit hulle `n paar stokke dinamiet, maak `n lont en knaldoppie vas, krap die los grond bo-oor en klim in die motor en ry weg. Hulle was myners en waarom hulle dinamiet saam gekarwei het, het hulle self nie mooi geweet nie. Myners het nogal dikwels sulke onbesonne dinge aangevang.

Om een uur die oggend word almal in die hotel en die omtrek wakker gemaak deur drie harde knalle, erger as donderweer, toe die dinamiet ontplof. Toe die bestuurder eindelik herstel van die skok en buite gaan kyk, sien hy die drie palm bome treë weggeslinger met wortel en tak – of is dit blare?- uit die aarde geruk. 

Kliek hier om die eBoek verder te lees!

Ons gaan eendag 2012 onthou as die jaar van die multimedia tablet-rekenaar. Volgens publisherweekly.com het die meeste top rekenaarvervaardigers onlangs nuwe of verbeterde tablet-rekenaars op die mark gebring.

Die meeste tablet-rekenaars se het opgegradeerde eBoek funksies om die geleenthede in die groeiende e-lees mark aan te gryp. Die meeste tablet-rekenaars is as kompetisie vir Apple se iPad geposisioneer. Die Galaxy Tab van Samsung is 'n wêreldwye wenner en is met die Aldiko e-lees sagteware 'n gunsteling om eBoeke te lees. Apple het ook die nuwe iPad Mini bekend gestel wat veral gerig is op die ontluikende eBoeke mark.

E-lesers soos die Kobo en tablet-rekenaars gaan hierdie feesseisoen hoog op mense se presentlysies wees veral omdat die toestelle deesdae redelik geprys is.

Die mees opwindende tablet-rekenaars sluit die volgende in: (hoop kersvader lees hier!)

Google Nexus 7, Nexus 10

Prys: Nexus 7 begin by $199, Nexus 10 begin by $399

Skerm: Nexus 7, hoë resolusie 7 duim, Nexus 10, hoë resolusie 7 duim

Bestuurstelsel: Nexus 7 Android 4.1 (Jelly Bean), Nexus 10 Android 4.2

Verwerker: Nexus 7 (1.2GHz Quad core), Nexus 10 (1.7 GHz dual core)

Kamera: Nexus 7 (slegs van voor); Nexus 10 (voor en agter)

Toepassings: Google Play. Battery-leeftyd: 8 ure

Geheue: Nexus 7: 8GB, Nexus 10: 16 GB of 32 GB

Draadloos: Wi-Fi

Volgens publisherweekly.com vergelyk beide modelle goed met die iPad

Samsung Galaxy Tab 2 7 en 10 (gebruik en aanbevole deur myAfrikaans.com)

Prys: 7 duim in $250.00 of R3,247.00 en vir die 10.1 duim $400.00 of R4,849.00

Skerm: 7 en 10.1 duim hoë resolusie skerm

Bestuurstelsel: Android 4.0 (Ice Cream Sandwich)

Verwerker: 1 GHz dual core

Kamera: Voor en agter

Toepassings: Google Play Battery- leeftyd: 7.0 (12 ure); 10.1 (11 ure) Geheue: 7.0 (8GB wat vergroot kan word); 10.1 (16GB wat vergroot kan word)

Draadloos: Wi-Fi

Volgens publisherweekly.com was die Galaxy Tab die eerste werklike kompetisie vir die iPad

iPad mini

Prys: $326 Skerm: 7.9 duim hoë resolusie

Bestuurstelsel: iOS6

Kamera: Voor en agter

Toepassings: App-store

Battery-leeftyd: 10 ure

Geheue: A5 geheueskyfie 

Google

Navorsing toon dat die top eBoek kopers, wat eBoeke weekliks koop, al meer tablet-rekenaars verkies. Meer as 38% verkies tablet-rekenaars teenoor 19% 'n jaar terug.

Die grootte van die eBoek mark is ook besig om te groei.

Gebruikers wat multi-funksie tablet-rekenaars aankoop in plaas van e-lesers wat verbind is tot 'n sekere handelsmerk, toon ook aan dat hulle nou eBoeke koop by groot handelaars soos Amazon en kleiner onafhanklike e-winkels soos myAfrikaans.

Volgens Scott Redford die stigter van Diesel eBoeke het 50% van die respondente in 'n Diesel ondersoek aangetoon dat hulle e-lesers, 20% persoonlike rekenaars en 16% tablet-rekenaars gebruik om eBoeke te lees. Redford voorspel dat soos die prys van tablet-rekenaars daal, gaan die gewildheid om tablet-rekenaars te gebruik word om eBoeke te lees ook groei.

Dit is nie net die multi-funksionaliteit wat tablet-rekenaar gewild maak nie, maar die toestelle gee ook gebruikers die vryheid om eBoeke te koop waar die beste aanbod is.

Lori James, wat AllRomance-eBooks.com begin het, stem saam dat die gebruik van tablet-rekenaars om eBoeke te lees besig is om te groei. Haar data dui daarop dat die gebruik van multi-funksie tablet-rekenaars (iPad en Android) deur hulle gebruikers gegroei het van omtrent 17% tot 20% die afgelope jaar.

Google

Hoe sal jy voel oor ‘’n battery in jou slimfoon, tablet rekenaar of dalk jou kar wat in 5 minute vol laai en vyf keer langer hou as die beste lithium batterye?

Dis nie ’n ydele lugkasteel nie, maar die produk van Professor Amy Prieto van die Colorado Universiteit. Dit sal die eerste maatskappy wees wat gestig is uit die Universiteit se kommersiële program vir skoon energie.

Kliek hier om verder te lees! 

Aangesien eBoeke en e-lees nog so nuut is in Suid-Afrika is daar nie werklik betroubare data beskikbaar oor waarop lesers eBoeke lees nie.

Dit is interessant om te kyk wat die neiging in Amerika is. Volgens die Pew Research ondersoek is die mees gewilde toestel om eBoeke te lees vir die 16-29 ouderdomsgroep, 'n persoonlike rekenaar of  'n skootrekenaar. Selfs vir die 30+ ouderdomsgroep is 'n rekenaar of 'n skootrekenaar tweede keuse. Hierdie ondersoek sluit e-lees vir werk en studie doeleindes in. Om op 'n slimfoon te lees was die tweede gewildste toestel om eBoeke te lees, veral by jong volwassenes. Meer as 'n kwart van die deelnemers in die ondersoek het 'n eBoek die afgelope 12 maande gelees.

In die ouderdomsgroep 12-29 is eBoeke die mees gewildste by naskoolse studente. Vir eBoeke om werklik pos te vat in Suid-Afrika moet digitale inhoud gemik wees op die digitale toestel van keuse van jongmense: die slimfoon. Lees hier meer oor hoe om eBoeke op 'n slimfoon te lees.

Volgens die Pew-verslag het eBoeke in dieVSA 'n groot invloed op die lees gewoontes van jongmense wat deesdae meer geneig is om te e-lees in hul spaartyd. Jongmense lees nou eBoeke tydens reis- en wagtye.

Die diagram hieronder gee 'n aanduiding van die toestelle wat die ondersoekgroep die afgelope 12 maande gebruik het om eBoeke te lees.

Bron

Wat interessant is, is dat tablet-rekenaars die minste gebruik is om eBoeke te lees. Dit gaan definitief verander met die nuwe generasie Android tablet-rekenaars wat gebruikersvriendelike e-lees toepassings het. Kliek vir hoe om 'n eBoek op 'n tablet-rekenaar te lees!

Gaan die tablet-rekenaar die e-leser vervang as 'n toestel van keuse om eBoeke te lees? Die e-ink wat 'n e-leser gebruik, maak die toestel geskik vir die meeste omstandighede. Die Kobo,wat nou in Suid-Afrika beskikbaar is, kan in helder daglig gebruik word en vermoei glad nie die leser se oë nie. Tablet-rekenaars is weer meer gerieflik om in die donker te lees. Soos meer interaktiewe eBoeke en tydskrifte in e-formaat beskikbaar word sal meer mense tabled-rekenaars vir e-lees gebruik. Google

MyAfrikaans stel Desember nuwe moet-kry eBoeke van Struik Christen Media bekend.

Wie het jou brein afgeskakel?

Dit is soms frustrerend en moeilik om met die teenoorgestelde geslag oor die weg te kom, maar dit hoef nie so te wees nie. In die eBoek Wie het jou brein afgeskakel? wys dr.Caroline Leaf hoe mans en vrouens geskep is om mekaar aan te vul deur hul unieke sterkpunte.Mans en vrouens is nie dieselfde nie–ons dink, praat en gedra onsself nie dieselfde nie. Hierdie verskille is nie as gevolg van ons omgewing of opvoeding nie. Hulle is opsetlik deur God in ons ingebou.Die eBoek sal jou leer hoe die verskil tussen manlike en vroulike breinfunksie gesonde verhoudings kan skep pleks van miskommunikasie en konflik. Dit is propvol insig wat jou die geheimsinnigheid rondom die teenoorgestelde geslag sal help verstaan,sowel as praktiese hulpmiddels wat vinnig jou verhoudings sal verbeter. Die kombinasie van dr.Leaf se wetenskaplike kennis en wysheid uit die Bybel maak Wie het jou brein afgeskakel ’n unieke,moet-lees eBoek oor ’n onderwerp wat ons almal aanraak.

 Afrikaanse eBoek

Skrywer: Dr Caroline Leaf

Antwoorde oor die hemel

In die eBoek, Antwoorde oor die hemel beantwoord Billy Graham vrae oor die hiernamaals met insig en begrip.Die Bybel leer ons dat elkeen wat deel is van God se koninkryk hul na hul dood in die hemel sal bevind, maar hoeveel van ons weet regtig hoe dit daar sal wees?

Antwoorde oor die hemel is gegrond op Bybelse feite en word aangebied in vraagen-antwoord-formaat.Dit beantwoord vrae wat dikwels gevra word oor ons ewige bestemming en uiteindelike tuiste.Die vrae is opgedeel in ses afdelings:•Bestaan die hemel werklik?

•Hoe lyk dit in die hemel?

•Wat gebeur wanneer ons sterf?

•Wat gaan ons in die hemel doen?

•Kan ons seker wees dat ons hemel toe gaan?

•Watter verskil maak die hemel?Billy Graham se betroubare Bybelkennis bied interessante insig en ewige waarhede oor hoe gelowiges hul harte kan voorberei vir ’n ewigheid saam met hul Skepper.  

Afrikaanse eBoek

Skrywer: Billy Graham

Gideon se geskenk

Die eBoek vertel van een Kersfees, lank terug, toe Groot Big Earl Gibson die drie dinge wat vir hom die kosbaarste was, verloor – sy vrou en twee dogters. Gebroke en kwaad vir God en die wêreld, beland hy op straat. Gideon, ’n sewe-jarige dogtertjie met leukemie, is vasbeslote om uit te reik na Earl en hom te laat glimlag. Die geharde Earl is ewe vasbeslote om haar weg te stoot. Sy besluit daar en dan dat sy al haar geld gaan spaar om vir Earl ’n Kersgeskenk te koop. Dit kos ’n wonderwerk om Earl te help om uiteindelik die ware betekenis van Kersfees te begryp. Dit is eers dan dat hy vir Gideon kan dankie sê met ’n kosbare geskenk van sy eie – ’n geskenk wat sy en Gideon se lewens vir altyd sal verander.

'n Aangrypende eBoek om te lees.

Afrikaanse eBoeke

Skrywer: Karen Kingsbury

Hierdie Afrikaanse eBoek is onontbeerlik vir almal wat geïnteresseerd is in wetenskap en wonder of godsdiens en die wetenskap werklik versoenbaar is.

Die eBoek ondersoek die diepste waarhede van die lewe en die wêreld. Hierdie eBoek is geskryf vir lesers wat nie bang is om logiese feite in die oog te staar nie, en die ontstaan van die kosmos beter wil verstaan.

Die volgende onderwerpe word in die eBoek bespreek:

- Hoekom is Murphy se wet reg …... maar tog so verkeerd!

- Wat is God se antwoord op Stephen Hawking se veelbesproke uitspraak dat indien 'n enkele teorie kan verduidelik hoe alles ontstaan het, sal dit 'n triomf vir die mensdom wees want dan sal ons weet hoe God se kop werk,

- Wat die Logos is en wat die ware beginpunt van alles wat bestaan is,

- Waarom Einstein reg was deur te verklaar dat “God nie dobbelsteentjie speel met die heelal nie. ”

- Dat daar genoeg bewyse is dat die oerknal- en evolusie teorieë nie korrek is nie en dat die inligting wat die Bybel verskaf van meer belang is,

- Eenvoudige bewyse word in die eBoek verskaf oor byvoorbeeld: E=mc2, die beginsel van termodinamika, en wat Quantum-spronge is,

- Argumente teen die siening dat die Christengeloof mank gaan logika,

- Wat radiometriese ondersoeke en rooiverskuiwing vir ons sê oor die ouderdom van die aarde,

- Wetenskaplike onderwerpe word op 'n eenvoudige en verstaanbare wyse verduidelik deur die eBoek,

- Bewyse dat God werklik bestaan en alles instand hou en dat bewyse daarvoor in die Quantum fisika bestaan.

Die skrywer is 'n Afrikaanse predikant, maar skryf onder 'n skuilnaam sodat mense nie bloot vanuit vooroordeel sal besluit om nie die boek te lees nie.

Die uitdaging is: “See if you can cut me down to size!” Jy kan nie al wil jy!

Kliek hier vir meer inligting en om die Afrikaanse eBoek te koop.

Google

Die Afrikaanse eBoek, 'n Oomblik in die wind deur André P Brink is nou beskikbaar by myAfrikaans.com.

Dit is die jaar is 1749 in Suid-Afrika. Adam, 'n Hottentot slaaf kry 'n onverbiddelike opdrag van sy eienaar om sy eie moeder te gesel omdat sy weier om die eienaar se wingerd te snoei omdat sy haar moeder se begrafnis wil bywoon. Wanneer Adam weier om die opdrag uit te voer slaan sy eienaar hom deur die gesig met 'n stuk hout, 'n geveg breek uit en Adam dood sy eienaar.

Adam vlug in die Suid-Afrikaanse wildernis in en kom tot die redding van Elizabeth 'n wit vrou wat die enigste oorlewende is van haar man se ontdekkingsekspedisie na die binneland. Elizabeth wat alleen en vreesbevange is smeek die slaaf om haar terug te neem na haar tuiste in die Kaap. Adam glo sy hulp aan haar sal hom beloon met vryheid van die lewe as 'n slaaf. Hierdie eBoek vertel die epiese verhaal oor hul reis, hoe hulle mekaar se menswees ontdek, en hoe hul saamwees ontwikkel in 'n onvergeetlike, innige liefdesverhaal.

'n Oomblik in die wind wat nou as eBoek beskikbaar is in 1975 deur André P Brink voltooi. Vir die eerste keer wys die uitgewers Human & Rousseau ’n manuskrip van die hand uit vrees vir die sensuurwet. Die boek word dus as ’n beperkte uitgawe slegs aan intekenare beskikbaar gestel. Binne drie dae is Oomblik in die wind se tweede druk uitverkoop. In Oktober 1976 besluit die Sensuurraad dat die boek nie ongewens is nie.

Kliek hier vir meer oor André P Brink se eBoeke!

Google

Beth Moore skryf in haar nuutste eBoek dat daar hoop is vir mense wat in die modderput van die lewe weggesak het. Op haar eerlike en praktiese manier deel sy persoonlike ondervindings oor die lewe in die put en vertel sy hoe sy bevryding gevind het.

Sy gee raad in die eBoek aan mense wat vasgevang is in die een of ander vorm van put van wanhoop of pyn in hul lewe.

Volgens Dr ST Potgieter ervaar die meeste mense die een of ander tyd in hul lewe gevoelens van minderwaardigheid. Wanneer jy egter deurlopend en konstant gevoelens van minderwaardigheid ervaar, ontwikkel hierdie gevoelens in 'n kompleks. Die minderwaardigheidskompleks is wanneer jy jou vergelyk met ander mense en voel jy is nie goed genoeg nie.

Hierdie kompleks kan onder andere as volg ontstaan:

- Jy ervaar 'n fisiese tekortkoming of 'n gebrek soos dat jy te kort, 'n lelike eendjie, jou tande skeef is, jy te veel sproete het, jy lispel of hakkel. Dit kwes veral wanneer jy daaroor gespot word.

- Jy kom uit sosio-ekonomiese omstandighede waaroor jy skaam is. Byvoorbeeld jy het arm grootgeword en julle het aan die verkeerde kant van die dorp gewoon. Of jy het gevoel dat jou pa of ma se beroep minderwaardig is teenoor jou maats se ouers sin.

- Jy voel dat jy nie veel bereik het nie

- Jy vergelyk jou met ander en jy voel minderwaardig ten opsigte van jou sukses en prestasies, beroep, inkomste, motor en woonbuurt.

- 'n Lae selfbeeld en min eiewaarde.     

Die eBoek-skrywer Beth More:

Beth is gebore op weermagbasis in Green Bay, Wisconsen tydens die ergste donderbui wat die omgewing in vyf jaar beleef het. Beth is grootgemaak deur haar afgetrede majoor pa en haar tuisteskepper ma in Arkadelphia, Arkansas. Haar pa het die plaaslike bioskoop bestuur waar elkeen van broers en suster 'n werkie gehad het. Beth se werk was om lusmakers van springmielies en gaskoeldrank uit te deel. Soms as Beth toegelaat is om saam te kyk na die vertoning, het in die teater stoel, springmielies en kola in die hand, 'n liefde ontwikkel vir liefdes-stories. Beth hou daarvan om liefdes-stories te lees te vertel en te skryf. Die liefdes-storie van Jesus as verlosser wat sy in die Sondagskool gehoor het haar hele lewe oorgeneem.

Kliek hier om die eBoek van Beth More te koop!

Toni Lee Stephan se eBoek: You're Happy … You Just Don't Know It Yet, Random House Struik is beskikbaar by myAfrikaans.com teen slegs R95,55.

Toni Lee Stephan vra in haar eBoek wat geluk is, en hoekom sukkel vele so om dit te vind. Die eBoek stel dit dat die strategie en metodes wat ons gebruik om sukses te behaal in die materiële wêreld, ons nie regtig gelukkig maak nie. Dit wil voorkom hoe meer ons geluk najaag hoe meer bly dit buite ons bereik. Geluk kan nie soos 'n wilde dier gejag word nie - al wens ons dit was moontlik!

Lees gerus in die eBoek wat geluk is en hoe om dit te beleef maar begin om te besef wat geluk nie is nie....

Toni Lee Stephan skryf in haar blog wat die selfde titel het as haar eBoek dat daar twee aspekte is van die lewe wat nie geluk is nie:

- Geluk is nie gelykstaande aan jou bui of gevoel nie, want jou bui verander daagliks afhangende van wat in jou lewe aangaan,

- Geluk is ook nie gelyk aan jou materiële besittings nie want dit is ook van verbygaande aard en word beïnvloed deur jou finansiële status, resessies, en moontlike werkloosheid.

 'n Leidraad oor wat geluk is, wat verder in die eBoek bespreek word, kan gevind word deur kinders dop te hou. Mens vind geluk in sy natuurlike staat by kinders. Kinders word gelukkig gebore! Kinders se geluk  is onafhanklik van wat om hulle aangaan. Kinders laat hulle nie onder kry nie want die geheim van geluk lê diep in hul wese en nie in hul omstandighede nie. Doen jouself die guns en koop vandag die eBoek en belê in jou eie geluk!

Kliek hier om meer te lees oor die eBoek.

Google

Afrikaanse eBoeke dossier 2

Kliek hier om eBoeke Dossier: 1 te lees

Dit is die vrees van menige nuwe skrywer dat hulle nie 'n uitgewer gaan vind om hul boek uit te gee nie. Wat as die woorde wat die voornemende skrywer in die middel van die nag uitworstel te lig gevind word deur uitgewers. Jacqui Murray skryf dat sy nooit haar eerste soen en eerste afwysbrief sal vergeet nie. Volgens Jacqui is die frustrasie wat skrywers ondervind om hul werk gepubliseer te kry vinnig besig om te verdwyn met die uitgewersbedryf wat so vinnig verander.

Selfpublikasie maak baie deure oop wat vroeër streng beheer is deur die tradisionele uitgewers. Jacqui het in haar skrywersloopbaan haarself die vraag veelmaal afgevra: hoekom stel 'n uitgewer nie belang nie – is haar werk nie goed genoeg nie?

Die realiteit van die huidige ekonomiese situasie is dat uitgewers dit slegs kan bekostig om topverkopers uit te gee. Dit neem gewoonlik twee tot drie boeke voor 'n skrywer 'n topverkoper skryf en die tyd is verby dat 'n uitgewer 'n skrywer ondersteun tot sy spreekwoordelike skip inkom. Uitgewers soek skrywers wat VANDAG suksesvol is.

Dit nie nodig dat skrywers moet opgee as hulle nie oornag 'n blitsverkoper op die mark het nie. Die goeie nuus is dat daar 'n groot vraag is na bekostigbare eBoeke. Baie boeke wat deur tradisionele uitgewers afgekeur word is suksesvol in die eBoek mark. Vir die meeste skrywers is skryf 'n stokperdjie, wat hulle doen omdat dit hulle passie in die lewe is. Hierdie skrywers sal duisende rande per maand wil verdien met hul skryfwerk maar is tevrede met 'n paar honderd rand. Agente van uitgewers in die teendeel glo dat daar slegs 'n mark is vir blitsverkopers.

Hier is die uitdaging van selfPub om 'n nis mark te vind van lesers wat nie kan wag om jou eBoek te lees nie. Selfs 'n groot internasionale uitgewer soos Penguin, VSA begin die integrale rol wat selfPub in die besigheid speel raak te sien. Penguin, VSA het aangekondig dat hulle 'n selfPub-diens gaan begin aanbied deur Book Country , hul aanlyn sosiale gemeenskap. Molly Barton die president van Book County is van mening dat daar 'n groeiende hoeveelheid skrywers is wat direk na hul lesers toe wil gaan met hul eboeke. Book County respekteer hierdie nuwe realiteit en het eerder besluit om selfPub te ondersteun met die toepaslike tegnologie. Molly glo selfpub is 'n neiging wat nie gaan verdwyn nie.

Daar is vier (4) tipes van publikasie: Selfpubliseer, Tradisionele uitgewers en e-publiseer

Tradisionele uitgewers:

Hierdie was in die verlede die enigste manier om te publiseer. 'n Skrywer sou 'n boek skryf, dit finaliseer en die manuskrip na verskillende agente toe stuur. As 'n agent belang stel, sou hy 'n ooreenkoms met die skrywer aangaan en 'n uitgewer vir die boek kontrakteer. In Suid-Afrika was daar ook die praktyk om 'n manuskrip direk te stuur na 'n uitgewer. Indien 'n uitgewer die manuskrip aanvaar, was hulle verantwoordelik vir die redigering, taalkundige versorging , buiteblad en bemarking. Die uitgewer het geen betaling van die skrywer verwag nie en het hul gedeelte uit die omset van die boek ontvang. Volgens PopularSoda.com was die proses nie altyd deursigtig nie en het die persoonlike voorkeure van die redakteur 'n groot rol gespeel. Van die mees suksesvolle boeke van ons generasie is 'n paar keer deur redakteurs afgekeur voor dit met groot sukses gepubliseer is.

E-Publiseer:

 E-publiseer beteken eenvoudig dat 'n eBoek elektronies gepubliseer word. Daar is partykeer ook 'n gedrukte weergawe van die eBoek. Die e-Publiseer het die speelveld gelyk gemaak, 'n groot onderneming kan miljoene rande spandeer aan 'n spog uitgawe of 'n skrywer kan sy eie eBoek van sy huis af reg oor die internet versprei.

Ego- publiseer:

Volgens PopularSoda.com is ego-publikasie wanneer 'n skrywer 'n voltooide manuskrip verskaf aan 'n ego- uitgewer en duisende rande uitgee waar 'n redakteur basies die boek oorskryf en die skrywer min beheer het oor die finale produk het.

Selfpubliseer:

Die skrywer gee self sy boek uit en is in beheer van die totale proses van publikasie van redigering, buiteblad ontwerp tot bemarking. Dit beteken natuurlik nie dat die skrywer alles self doen nie, maar hy besluit van wie se dienste hy gebruik maak en hoe dit gedoen moet word. By myafrikaans.com is die skrywer in beheer en besluit watter dienste hy benodig en wat sy begroting is. Die skrywer het direkte toegang tot sy lesers. Die skrywer besit die kopiereg is sy boeke en besluit waar en wanneer sy boeke verkoop sal word. By 'n tradisionele uitgewer kan dit enige iets neem van 12 -15 maande voor 'n boek verskyn. By selfPub- uitgewers soos myafrikaans.com kan 'n eBoek binne 3 tot 4 weke verskyn. Waar skrywers by tradisionele uitgewers slegs 'n fraksie van die verkoop van die boek ontvang, ontvang hulle by selfPub-uitgewers 70% van die verkooprys en by myafrikaans.com selfs 80%!        

'n Nuwe Afrikaanse eBoek oor die Recces word vandag bekend gestel.

Oor die Recces soos hulle bekend is, die Spesiale Dienste of Verkenners is baie min bekend.

Daar is min oor geskryf en dit is ‘n jammerte. Hulle was uitgesoekte manne, die toetse wat hulle moes slag, beide die fisiese en die geestelike is byna bomenslik.

Hulle het, hulle moes dikwels alleen of slegs twee of ‘n paar meer ver agter in vyandelike gebied werk. Hierdie eBoek is ‘n denkbeeldige roman oor die lewe van veral een maar ook sy makkers se lewens as Recces.

Lees gerus hoofstuk 1 van Die Recce

Skryf gerus oor jou ervarings oor die rustelose tydperk in die Suid-Afrikaanse geskiedenis op Die Recce se Facebook blad.

Google

Pick n Pay het in die begin van November 'n vennootskap met Kobo aangegaan om die Kobo Touch e-leser as alternatief tot ander e-lesers in Suid-Afrika bekend te stel.

Kobo, 'n Kanadese maatskappy is 'n voorstander van oop-platform eBoeke. Volgens News24 verduidelik Todd Humphrey van Kobo, dat die verskil tussen die Kobo-leser en ander e-lesers is dat Kobo oop-platform eBoeke bevorder.

Maar wat beteken 'n oop platform?

Kom ons gebruik die hipotetiese geval van Anita wat belangstel om 'n e-leser aanteskaf. Sy koop 'n e-leser en besluit om ook 'n eBoek te koop by die selfde handelaar waar sy die e-leser gekoop het. Sy lees die eBoek en geniet dit, maar sien daar is ander eBoekwinkels wat ook interessante aanbiedings het. Dit is hier waar die probleem inkom, die e-leser wat sy gekoop het laat haar nie toe om eBoeke by 'n ander eBoekwinkels soos myAfrikaans.com te koop nie.

Kobo gebruik die vergelyking van 'n persoon wie se boeke aan 'n boekrak vasgeketting is en nie op 'n ander plek gelees kan word nie. Die eBoeke is ook nie regtig jou eiendom om mee te maak wat jy wil nie. Die Kobo -leser gee die eBoek -leser vryheid om ePub eBoeke te koop waar die beste en interessantste aanbiedings bestaan en dit dan eenvoudig te laai op die Kobo-leser. Die Kobo-leser stel ook die leser in staat om eBoeke te leen by 'n plaaslike biblioteek wat die diens aanbied.

Hoe kan ek Afrikaanse eBoeke lees op die Kobo -leser?

Stap1

Verkry 'n Adobe Digital Editions (ADE) id en wagwoord. Kliek hier om te kyk hoe om dit te doen. Kliek hier om meer inligting van Kobo te verkry oor ADE.

Stap 2

Magtig die Kobo- leser met jou Adobe Digital Editions (ADE) id en wagwoord

Koppel die eLeser met jou rekenaar kies “Manage Library” op die e-leser

Open ADE jou rekenaar, as jy reeds ADE gebruik sluit dit en gebruik die “Device Setup Assistant” funksie.

Kies matig toestel “Authorize Device”

Bevestig dan met “Finished” en jou e-leser is gemagtig.

Jou e-leser sal verskyn as een van jou boekrakke in ADE.

Nadat jy 'n Afrikaanse eBoek gekoop het by myAfrikaans.com, gaan eenvoudig na myeprodukte by jou rekening by myafrikaans.com en kliek op die PDF of ePub skakel.

Die eBoeke van myAfrikaans.com sal verskyn in jou ADE biblioteek en sleep dan eenvoudig die eBoeke oor van die biblioteek na die Kobo -leser boekrak.

Ontkoppel die e-leser en jou eBoeke is gereed om gelees te word.

Google

Tafelberg, 'n druknaam van NB-Uitgewers, stel 'n splinternuwe reeks digitale boeke met trots bekend: Tafelberg Kort.

Tafelberg Kort eBoeke is vol vars insig en prikkelende analise van aktuele Suid-Afrikaanse kwessies, in maklik verteerbare dosisse, deur ons beste skrywers, spesiaal vir besige lesers.

Volgens Erika Oosthuizen, nie-fiksie uitgewer van Tafelberg, is hulle opgewonde om 'n nuwe reeks indringende opinie stukke deur die top Suid-Afrikaanse meningvormers en skrywers bekend te stel. Die kort eBoek formaat bied skrywers die geleendheid om 'n meer indiepte en genuanseerde analise van 'n aangeleentheid te verskaf as wat moontlik in in die beperkde spasie van 'n koerantartikel. Hierdie kort eBoeke maak dit moontlik vir die besige leser om vinnig, gerieflik en maklik oor aangleenthede van belang te lees op 'n eLeser, slimfoon of 'n tablet-rekenaar. Erika Ooshuizen noem ook dat hierdie genre van eBoeke baie gewild is by lesers met min tyd in dat in die VSA kort eBoeke al die 2 miljoen merk verby gesteek het.

Laas Donderdag het Apple die iPad mini aan die mark bekend gestel met die doel om toe te tree tot die eBoek mark.Die iPad mini is spesifiek ontwikkel om die geleenthede van die groeiende eBoek mark aan te gryp met die nuwe 7.85 duim tablet-rekenaar.

Die laaste paar jaar het die Amazon Kindle Fire, die Nook Table, en die Samsung Galaxy Tab daarin geslaag om eLees en multimedia te kombineer in 'n bekostigbare toestel van omtrent R1800.00. Apple het in 2001 die iPod bekend gestel gebaseer op die groeiende MP3 mark. Die prys van die nuwe iPad mini begin by $329.

Twee jaar later is die iTunes Musiek winkel ontwikkel en kon Apple daarin slaag om die prys van die iPod te sny en koper het toegang verkry tot 'n wye musiek databasis. Daar word voorspel dat die iPad mini die selfde invloed gaan hê op die eBoek landskap as die iPod.

Volgens Apple het hulle die afgelope naweek 3 miljoen iPad's laas naweek verkoop wat dubbel van die verkope van die vorige iPad bekendstelling in Maart, hierdie jaar. Saam met die iPad mini het Apple ook die 4de generasie iPad bekend gestel.

Nie eers orkaan Sandy het die kooplus gedemp nie en alhoewel verskeie Apple winkels in Manhatten Vrydag gesluit was, is die iPad mini vinnig uitverkoop in New York.

Google

MyAfrikaans publiseer vandag die eerste van 6 artikels oor die belangrikste aspekte van eBoeke en ePublikasie. Die artikels sal soos volg daar uitsien:

1. - Waarom Afrikaanse eBoeke?

2. - Selfpub van Afrikaanse eBoeke

3. - Wat op aarde skryf ek oor in 'n eBoek?

4. - Die redigering van eBoeke

5. - Die vervaardiging van eBoeke

6. - Prys van eBoeke bemarking en die belang van sosiale media.

Waarom Afrikaanse eBoeke?

eBboeke het vinnig die voel-voel begin fase verby gesteek en vandag verkies miljoene lesers eBoeke bo die gedrukte boek. Stap net in Europa en Amerika deur enige aankomssaal of koffiewinkel en sien hoe lesers die nuutste topverkoper roman, tydskrif of self strokiesprente geniet op hul eLeser, Android-toestel, Ipad of slimfoon. As lesers gevra word hoekom hulle digitale teks verkies word die volgende redes opgenoem: bekostigbaarheid, gerief, die draagbaarheid van die eLees-toestelle en toeganklikheid tot miljoene eBoeke met die druk van 'n knoppie.

Dit nog nie nodig om jou boekrakke by 'n motorhuisverkoping aan te bied en braaivleis met die boeke te hou nie maar eBoeke is besig om vinnig veld te wen.

Die groei van die eBoek-mark in Amerika behoort vir ons 'n aanduiding te verskaf van wat die res van die wêreld te wagte is. 21% van volwasse Amerikaners het die afgelope jaar 'n eBoek gelees en wat verbysterend is dat eBoek-lesers 'n gemiddeld van 10 boeke meer gelees het as die gewone leser per jaar. Die digitale rewolusie verander ons leesgewoontes en keer die uitgewersbedryf op sy kop. Lesers gryp die digitalisering van boeke aan en lees meer omdat eBoeke nou werklik met mobiele Internet uit die lug gegryp kan word, waar jy ook al is. Mense met eLesers verkies ook om eerder 'n eBoek te koop as om dit te leen. Lesers lees ook nie slegs eBoeke op eLesers nie: 42% het dit op 'n persoonlike rekenaar, 41% op 'n eLeser, 29% op 'n selfoon en 23% op 'n tabled-rekenaar gelees.

Wat interessant is dat die aanhangers van eBoeke ook nie opgehou het om gedrukte boeke te lees nie, 88% van mense met eLesers het laas jaar ook 'n gewone boek gelees.

Die eBoek-mark ontploffing wat vir hierdie Desember verwag word in Suid-Afrika het reeds in 2010 in Amerika plaasgevind met die volgende gebeure:

• Apple stel sy rewolusionêre iPad bekend en verkoop 3 miljoen toestelle in 80 dae! Nooit was dit makliker en lekkerder om digitale inhoud soos eBoeke te verbruik nie.

• Amazon verlaag die prys van hul Kindle-leser na $189 wat dit toestel binne die bereik sit van die massas.

• In Julie 2010 maak Amazon bekend dat hulle 143 eBoeke teenoor slegs 100 hardebandboeke verkoop het die vorige 3 maande.

• Gedurende die laaste 3 maande van 2010 verkoop Amazon meer eBoeke as sagtebandboeke.

• Mei 2011 reik Amazon 'n persverklaring uit dat meer eBoeke verkoop is die afgelope jaar as sagteband- en hardebandboeke gesamentlik.

Daar word verwag dat die bekendstelling van die Kobo-leser net voor Kersfees in Suid-Afrika teen slegs R996 die selfde gaan beteken vir die Suid-Afrikaanse eBoek mark.

Google

In Suid-Afrika is een van die struikelblokke wat in die pad staan van die fenomenale groei wat eBoeke in die ontwikkelde lande toon, die beskikbaarheid van bekostigbare eLesers. Kobo het besluit om Afrika nou deel te maak van die groeiende eBoek-mark.

Kobo het 30 Oktober by hul hoofkantoor in Toronto, Kanada bekend gemaak dat hulle hul bekroonde Kobo Touch eLeser vanaf November by Pick n Pay  winkels en aanlyn in Suid-Afrika verkoop gaan word. Kobo is een van die voorlopers in die eLees veld wêreldwyd. Dit is wonderlike nuus vir liefhebbers van Afrikaanse eBoeke en die gebruikers van die myAfrikaans eBoek-winkel, omdat die Kobo eLesers die ePub formaat gebruik maak.

Die Kobo-leser sal teen 'n bekendstellings aanbod van slegs R996 beskikbaar wees. MyAfrikaans.com se eBoeke is in die internasionale ePub formaat beskikbaar en die Kobo eLeser is die ideale toestel om ten volle Afrikaanse eBoeke se voordele te geniet. Die doemprofete wat glo dat eBoeke nie werklik sal posvat in Suid-Afrika nie word deeglik verkeerd bewys deur Pick n Pay se toetrede tot die digitale mark. Volgens Bronwen Rohland, die Besturende Direkteur van Pick n Pay is daar geen manier om weg te kom van die werklikheid dat die wêreld al meer digitaal gefokus word. Deur die Kobo-leser teen 'n mededingende prys beskikbaar te stel word eBoeke nou meer toeganklik tot die Suid-Afrikaanse mark.

Hoe lyk die Kobo Touch e-leser?

Die raakskerm eLeser in dun en lig, en is beskikbaar in swart en wit met die ander keuses van silwer, blou en pers. Die lesers maak gebruik van pêrel e-ink tegnologie en die leeservaring is presies soos om ink op papier te lees. Die eLeser maak geensins jou oë moeg nie en kan ook in helder sonlig met gemak gebruik word. Die batery leeftyd is soos met ander eLesers ongelooflik.

Die Kobo-leser is op die mark gebring as teenvoeter vir die Kindle-lesers van Amazon. Die Kobo-leser se bekendstelling is 'n groot verligting vir gebruikers wat al hoe meer ongemaklik word met die geslote sisteem van Amazon. Amazon se lesers besit nie die eBoeke wat hulle gekoop het nie en die boeke kan enige tyd deur Amazon van jou rekening verwyder word. Techdirt waarsku gebruikers al jare dat hulle nie die boeke besit op hul Kindle-leser nie. Nou het Amazon gedoen waarteen hulle gewaarsku het en 'n gebruiker in Noorweë se rekening gesluit en al die boeke op haar Kindle-leser ontoeganklik gemaak.

Google

Hoekom verskil die vervaardiging van eBoeke van tradisionele boeke?

Baie lesers, veral in Suid-Afrika glo dat 'n eBoek slegs 'n digitale weergawe is van die papier- weergawe.

Die vervaardiging van eBoeke verskil per definisie van die gedrukte boek. Eboeke word so ontwerp dat die leesbaarheid van teks van hoë kwaliteit is op leestoestelle van verskillende skermgrootes. Dit het ook tot gevolg dat 'n eBoek verskillend sal uitsien op verskillende e-lesers. Die standaard eBoek formaat is ePub wat 'n afkorting is vir die term elektroniese publikasie.

EPub is 'n gratis oop-bron eBoek standaard wat ontwikkel is deur die Internasionaal Digital Publishing Forum (IDPF). EPub is ontwerp om plooibaar (reflowable) te wees wat beteken 'n ePub-leser die teks aanpas om nommerpas op die spesifieke toestel leesbaar te wees. So het die skerm van 'n slimfoon minder teks op as wat daar sal wees op die skerm van 'n tablet-rekenaar.

Deur die boek van 'n skrywer te verwerk na 'n eBoek in die ePub formaat het ook die volgende voordele behalwe dat dit plooibaar is:

- Die skrywer het toegang tot die nuutste innovatiewe tegnologie waar sy eBoek gelewer kan word aan gebruikers van mobiele-toestel aflaaibare inhoud wêreldwyd,

- Toegang tot toepassings sagteware vir slimfone en tablet -rekenaars (app's ) waar skrywers, uitgewers en e-boekwinkeks soos myafrikaans.com sonder moeite digitale inhoud reg oor die wêreld kan versprei,

- Die ePub formaat stel lesers in staat om eBoeke op 'n wye reeks toestelle vinnig en ononderbroke met die beste eBoek ervaring te lees.

Die groot verskil tussen 'n eBoek en 'n tradisionele is dat die leser die kaptein van die skip is. Met 'n tradisionele boek is die uitleg, lettergrote en lettertipe 'n gegewe maar met 'n ePub kan die leser die formaat van die eBoek beheer volgens sy eie voorkeure. Om hierdie rede is ePub die ideale formaat vir teksdokumente soos 'n roman maar vir dokumente met baie tabelle sal die normale PDF formaat meer gebruikersvriendelik wees omdat die skrywer nie wil hê dat tabelle rondgeskuif moet word in die dokument nie om verwarring te voorkom. Dokumente met baie grafieke en tabelle sal ook nie goed leesbaar wees op die klein skerm van 'n slimfoon nie , daarom sal PDF verkies word vir wetenskaplike dokumente en brosjures.

Tog is PDF nie ontwikkel as 'n eBoek formaat nie en kan kwalik gelees word op klein skermpies. Skrywers van romans en teksboeke word aangeraai om hul boeke te laat verwerk in die ePub formaat omdat dit 'n uitstekende eBoek ervaring bied, fantasties lees op mobiele- toestelle en lesers toegang het tot toepassings om hul eBoeke biblioteek te beheer.

Kliek hier om meer inligtingsdiens te kry oor die verwerking van eBoeke in die ePub- formaat.

In hierdie resessie is poste baie verminder,  firmas sny op nuwe aanstellings en vind mense dit steeds moeiliker om werk te bekom.

Die Afrikaanse eBoek, Skryf ’n wenner-CV  eBoek bevat stap-vir-stap riglyne vir die opstel van CV’s, resumés en aansoekbriewe, asook ’n menigte voorbeelde wat lesers as ’n raamwerk vir die opstel en bywerk van hul eie dokumente kan gebruik. Voorbeelde word in Afrikaans asook Engels gegee om Afrikaanse kandidate te help wat Engelse resumés of CV’s moet voorlê.

As jy die riglyne in hierdie boek lees, verstaan en toepas, sal jy beslis ’n voorsprong hê bo ander by die uitsoek en verkryging van die beste loopbaan vir jou. En dít bewys dat gesonde verstand en ’n bietjie beplanning al wat nodig is om die regte werk los te slaan!

Dr ST Potgieter verskaf die volgendende raad in sy nuusbrief vir iemand wat werk soek in hierdie moeilike ekonomiese omstandighede:

Netwerk:

Hierdie is een van die beste metodes om 'n werk te kry. Familie en vriende gee gewoonlik om vir jou en sal jou aanbeveel by 'n werkgewer. Dit is ook hulle wat jou meer inligting sal verskaf, jou inlig sodra 'n pos oopgaan en dan 'n goeie woordjie vir jou sal doen. Werkgewers reageer dikwels gunstig wanneer 'n voornemende werksoeker voor 'n onderhoud reeds sterk aanbeveel word. Die les is dus om jou familie en vriende te vra om jou te help uitkyk vir werk in hul werksomgewing en jou aan te beveel by die bestuurder. Vrywillige werk: Dit kan jou baat om vrywillig by 'n firma te werk, sonder vergoeding, vir 'n korter periode. Jy is byvoorbeeld 'n opgeleide paneelklopper, maar kan nie werk vind nie. Klop aan by Paneelkloppers ABC en onderneem om vir 'n week by hulle te werk sonder betaling. Indien jy 'n goeie indruk maak op ander werkers mag hulle jou aanbeveel by die eienaar van die besigheid wanneer daar 'n betrekking oopgaan. 'n Bestuurder of eienaar kom dikwels na sy werkers om te hoor of hulle iemand ken wat goed en bekwaam is wanneer 'n betrekking oopgaan.

Personeelagentskappe:

Gee jou naam op by personeelagentskappe, veral by 'n agentskap wat spesialiseer in die beroepsveld waarin jy gekwalifiseerd is. Byvoorbeeld jy is 'n chef, dan sal dit help om by personeelagentskap aansoek te doen wat spesialiseer in plasing van chefs in die gasvryheidsbedryf. Die fout wat werksoekers soms maak is om al hul hoop slegs op personeelagentskappe te vestig. Daar steek waarheid in die gedegde om nie al jou eiers in een mandjie te sit nie - soek ook op ander wyses vir jou werk.

Skakel besighede:

In Engels is daar die uitdrukking om 'n "cold call" te maak. Meeste mense skram daarvan weg, maar dit is 'n goeie manier om werk te soek. Jy kan byvoorbeeld die Geel Bladsye neem en maatskappye en besighede skakel wat moontlik oor die tipe betrekking beskik waarin jy belangstel. Op die manier kan jy dalk hoor van 'n betrekking nog voordat dit geadverteer word. Wanneer jy skakel maak seker dat jy met die regte persoon praat wat met personeelaanstellings werk soos die Menslike Hulpbronbestuurder.

Advertensies:

In die beroepsbylae van koerante verskyn gereeld advertensies van poste. Moenie net op een aansoek staatmaak nie. Stuur soveel moontlik aansoeke weg as jy kan. Wanneer jy aansoek doen, skakel 'n week na die aansoek en vra of hulle jou aansoek ontvang het en meer inligting van jou verlang. Dit sal aan die firma toon dat jy werklik belangstel en pro-aktief is. Ander vaardighede: Wanneer jy werkloos (en daarom moedeloos mag wees) is dit belangrik om 'n opname te maak van al jou vaardighede, ervaring, talente, kennis en so meer. Soms haak 'n mens vas by 'n sekere perspektief van wie jy is. Met 'n dieper selfondersoek mag jy dalk vind dat jy oor ander vaardighede en kennis beskik wat jou opsies in die arbeidsmark verbreed. Jy kan byvoorbeeld in 'n tegniese rigting gekwalifiseerd wees, maar ook oor die talent en persoonlikheid beskik om opleiding te gee. Dalk het jy leierskapsvaardighede oor die jare bekom wat goed deur 'n besigheid ingespan kan word. Die feit is jy moenie net een-dimensioneel na jouself kyk en jou so aan voornemende werkgeweres voorstel nie. Ontdek jou volle menswees en potensiaal en gebruik dit in jou aansoek en ook in die werksonderhoud.

Jou CV en aansoek:

Dra sorg dat jou CV op datum is en die korrekte en relevante inligting daarop aangedui is. Soms is dit 'n goeie idee om die firma vooraf te skakel en seker te maak in watter formaat hulle jou CV verkies. Dra sorg dat jou aansoek netjies getik of ingevul is, en betyds ingehandig word.

Lees ook die Afrikaanse eBoek: Skryf 'n wenner-CV.

Hierdie boek wys jou hoe om die regte werk vir jou, in die onderneming waar jy wil werk, te kry. Jy sal uitvind hoe om jou wenner-resumé en CV op te stel sodat dit gemik is op die werk en onderneming wat presies reg is vir jou.

Die onderhoud:

Berei jou voor vir die onderhoud. Dit is reeds moeilik om 'n werksonderhoud te kry wanneer daar 'n hordes aansoekers is. Jy wil dus die beste maak van jou werksonderhoud. Vind meer uit die firma waarvoor jy aansoek doen, want dit kan vir die onderhoudvoerders toon dat jy werklik belangstel. Doen ook navraag presies wat die pos behels, sodat jy seker kan maak dat jy geskik is vir die betrekking. Daar is ook spesifieke vrae wat jy te wagte kan wees en waarop jy jouself kan voorberei. Dit is vrae soos: "Vertel vir ons meer van jouself" of "Waarom stel jy spesifiek in ons firma belang" of "Vertel ons jou sterk en swak punte." Hoe meer inligting jy oor die firma en die geadverteerde pos het, hoe beter kan jy jou voorberei.

Internet:

Die koms van die internet het ook as ontwikkel as 'n bron om werksgeleenthede te soek. Twee webwerwe wat nuttig gebruik kan word is Twitter en Linkedln. Selfs Facebook sal waarskynlik in die toekoms al meer vir hierdie doel ingespan kan word. Hierdie is as't ware sosiale kubernetwerke. Daar is ook webwerwe wat spesifiek ingestel is vir beroepsadvertensies. Die internet bied nie net die geleentheid om in Suid-Afrika werk te soek nie, maar ook om oorsee na werksgeleenthede te kyk.

Houding:

'n Mens kan negatief raak wanneer jy talle aansoekvorms wegstuur en nie 'n werk kry nie. Dit is belangrik om positief te bly, steeds alle moontlike maniere te probeer om aansoek te doen en 'n werk te vind. Sommige mense is egter te kieskeurig met hul werksoekery. Soms is dit nodig om uit te spring en 'n werk te aanvaar al pas dit nie heeltemal in by jou verwagtinge nie. Wanneer daar nood is moet 'n mens maar doen wat jou hand vind om te doen, al is dit net vir 'n tydelik periode.

Verdere opleiding: Jy kan verdere opleiding deurloop of jou inskryf vir 'n kursus om jou kwalifikasies te verbeter. Wees egter versigtig om nie net vir enige kursus in te skryf nie. Mense het hulle vingers al verbrand deur baie duur kursusse te doen en steeds nie 'n werk te kry nie. Kies 'n relevante kursus wat werklik vir jou beroepsgeleenthede sal skep. Doen dus eers die nodige navorsing voor jy inskryf.  

Bid:

In moeilike tye wanneer jy op moedverloor se vlakte sit, is dit goed om steeds vir die Here te bid, en Hom te vra vir leiding en uitkoms.

Teken hier in vir Dr ST se nuusbrief.

Kliek hier om die Afrikaanse eBoek: Skryf 'n wenner-CV te koop

Image courtesy of FreeDigitalPhotos.net

eBoeke sal waarskynlik in Afrika 'n unieke ontwikkelingskontinuum toon, as in die Westerse lande. Selfone is die sleutel om eBoeke toeganklik te maak vir elke sterfling in Afrika, selfs al bly hy in Timbuktu. Om eBoeke op selfone beskikbaar te maak is 'n amper onontginde mark in Afrika. Noudat die mark vir luitone en speletjies versadig word, kan eBoeke 'n nuwe mark wees vir selfoonoperateurs.

By die pas afgelope Frankfurt-boekskou het 'n paneel gekyk na die potensiaal van eBoeke in Afrika. Ben Williams, die stigter van die Suid-Afrikaanse digitale uitgewer Avusa Digital Books: 'n eBoek platform vir Afrika, is van mening dat die mobiele bankdiens M-PESA as een van die mees gesofistikeerde dankdienste 'n ideale platform is vir die verspreiding van eBoeke in Afrika.

Txtr 'n Duitse eBoek ontwikkelaar, het 'n nuwe spotgoedkoop e-leser, die Beagle by die Frankfurt-boekskou bekend gestel wat waarskynlik groot potensiaal in Suid-Afrika het. Hierdie e-leser ontvang eBoeke vanaf jou selfoon. Selfoonoperateurs in Europa beplan om die e-leser te subsidieer en beskikbaar te stel vir so min as 10 euro. Hierdie e-leser se skerm is 5 duim breed, 5 mm dik, en maak van e-ink gebruik. Wat verbasend is, is dat 'n leser tot twee jaar kan lees met standaard AAA batterye. Hierdie e-leser het nie 'n raakskerm of Wifi nie, maar beskik wel oor Bluetooth waarmee jy in 'n japtrap eBoeke van jou Android-foon kan aflaai op die e-leser. Die Beagle het 'n 4 MB stoorkapasitiet vir eBoeke en weeg slegs 128 gram. Baie lesers geniet reeds die gerief om eBoeke op hul Android slimfoon te lees.

Volg die volgende stappe om die eBoeke Android slimfoon te lees:

Laai die Aldiko-leser op jou Android toestel.

Verkry 'n Adobe Digital Editions ID

Maak die Aldiko-leser oop.

Gaan na “store”

Gaan na keuselys

Kies “mycatalogs”

kies +

tik die Url: http://myafrikaans.com/customer/account/login

Teken aan by myAfrikaans.com

Kies My e-produkte

Kies die Pdf of Epub dokument wat jy aflaai.

Aldiko gaan ook outomaties ADE wagwoord die eerste keer vra.

Die eBoek sal nou in die Aldiko-leser oopgemaak word.

Geniet nou jou eBoek op jou slimfoon!

Die Kristal Grot Frederick J Smith

Lees hoofstuk 1 van hierdie Afrikaanse eBoek

Hoofstuk 1

Janke Theron is hoogs befoeterd toe hy uiteindelik by die bank uitstap. Elke keer as hy die bank besoek ( en dit is maar een maal per maand ) moet hy wag totdat die gesette, onbeskofte boekhouer met sy weglê snor hom kan sien. Hy wat Janke Theron is, is ‘n gelowige kerkman, maar soms is te veel net te veel, dan kook sy gemoed oor en raak hy buite homself van woede - hy is immers een van die bank se finansieel beter kliёnte...’n gesiene boer wat beter behandeling verwag as wat hy tans kry: “Sulke bliksems!”

Hy klap sy ou Ford bakkie se deur met mening toe en wens dit was daardie arrogante boekhouer se mond wat die hou kon kry. Al waaraan hy nou dink is om by Oasis, sy plaas, te kom waar sy geliefde vrou Mollie vir hom wag... Voor dagbreek vanoggend is hy al weg van die plaas af. Mollie het hom vier uur vanoggend wakker gemaak met ‘n stomende beker koffie en vars gebakte beskuit wat sy die vorige aand gestaan en bak het. Dit was vandag sy maandelikse rit dorp toe om al sy banksake, mark en ander sake te doen. Gelukkig kon hy vroeg Mollie se inkopies doen, anders weet hy nie waar hy kans sou kry om dit ook nog te kon inpas na die bank episode nie. Hy loer in sy tru spieel en merk hoe moeg hy lyk, nee, meer bedonnerd as moeg.

Hy sien op teen die tagtig kilometer terug plaas toe, maar wat, hy is honger en dors en weet dat Mollie sal regstaan met sy bordjie gekookte kos en gemmerbier... Hy luister na die nuus en weerberig. Die voorspelling is nie baie bemoedigend vir hom nie. Hy verwelkom die reenvoorspellings, maar die mis oor die pas wat hy moet ry, die moontlike rukwinde en rotsstortings maak hom effe benoud... die grondpad wat hy moet ry, grotendeels deur dig bebosde gebied, is in elk geval ‘n nagmerrie om te trotseer, veral in die donker; hoeka is die bakkie vandag swaarder gelaai as gewoonlik met al die proviand wat hy moes aankoop. Janke Theron is ‘n gesoute boer in murg en been. Hy is die enigste oorlewende seun van vier en het nooit susters gehad nie. Die ouer broer het op ‘n onverklaarbare wyse in die ou plaasdam aan die voet van die berg verdrink. Die twee broers jonger as hy se afsterwes was ook in omstredenheid gehul – die een se verskeurde liggaam is in die digte woude teen die berghang deur die plaaswerkers gekry, die jongste een is aan ‘n hoe boom gekry met `n tou om sy nek... sy klere was verskeur, sy liggaam onherkenbaar vermink. Tot vandag toe kon sy twee arms nerens opgespoor word nie.

Terwyl die ou Ford bakkie krakend en knarsend oor die stowwerige kronkelpad voort ploeter, flits Janke se gedagtes terug oor die jare op hul familieplaas. Daar was die gelukkige tye, veral oor Kerstye as al die familie van die stad af kom kuier het, dan was daar ook die bittere hartseer tye – eers is oumatjie Theron skielik, sonder enige waarskuwing deur die dood weggeraap, ‘n paar weke later was dit oupatjie Theron se beurt. Verlede jaar is pa Duan dood – hy het van die trekker afgeval waarna die stroper oor hom gery het... sal hy ooit daardie dag vergeet!

Ma Susara was van daardie dag af in ‘n koma waaruit sy nooit gekom het nie en is drie maande na Pa oorlede. In die afgelope tien jaar het die ou familie begraafplaas gegroei tot sewe grafte. Janke is die laaste oorlewende van die Theron familie. Hy is bitter trots op die dertig duisend hektaar familieplaas wat hy geёrf het en bedryf. Die plaas is ‘n vrugbare juweel en le uitgestrek tussen twee bergreekse aan weerskante. Die opstal kan net van een rigting af bereik word omdat die twee berge op hul verste punte ontmoet-pa Duan het altyd gepraat van die vallei van liefde. Dit is sterk skemer toe Janke die steiltes van die enigste toegangspad tot die plaas begin uitklim. Die wind pluk geniepsig aan die bakkie, maar gelukkig help die swaar vrag vanaand om die ou bakkie redelik stabiel op die grondpad te hou. Janke stuur die een gebedjie na die ander na Bo – hy is ‘n gelowige man, maar besef nogtans die gevare wat moontlik op hom kan wag vorentoe... Die oeroue bome se takke swiep in die wind en word soos slap linte deur die lug gewaai. Die mistigheid dwarrel soos mini kolke in die swak lig voor die Ford bakkie... Janke Theron prewel hardop sy gebede na Bo: “Vader, U is my Behoeder vannag, al dwaal ek deur ‘n vallei van doodskaduwee, sal ek nie vrees nie Vader, U is met my... en Vader wees ook met Mollie, U weet hoe bang sy is in hierdie weer Vader, behoed en bewaar ons...!”

Janke verstyf van skok toe ‘n uil, asof van nerens, rakelings by sy voorruit verby vlieg – vir ‘n vlietende oomblik sien hy die wydgesperde geel oe van die uil... hy trap die rem effens te hard en die bakkie knars feitlik tot stilstand, maar met twee vinnige pompe van die versneller en ‘n laer rat beur die bakkie weer vorentoe. Dit sou volmaan wees as die weer nie vanaand so sleg was nie, nietemin glip daar so hier en daar ‘n maanligstraal deur die miswolke. Dit omtower die gewoonlik sprokiesagtige landskap in ‘n misterieuse, onheilspellende, vreesaanjaende donker woud... Janke hoor hoe die wind mistroostig om die bakkie loei, die temperatuur begin sak, hy voel hoe die angssweet oor sy liggaam begin uitslaan. Dit verg die uiterste konsentrasie van hom om die pad in die swak sigbaarheid te volg. Die weerkaatsing van die ligte in die toenemende digte mis verblind hom, maar teen ‘n slakkepas dreun sy getroue ou bakkie die steilte uit. In sy drie en veertig jaar wat hy die aarde bewandel, weet Janke dat daar bitter min dinge is waarvoor hy werklik bang is. Sy grootste vrese is vir die elemente... weerlig, storms, verspoelings... ja, alles wat nie deur die mens se invloede veroorsaak word nie. ‘n Sweepslag weergalm uit die donker dieptes van die hemelruim, Janke skrik, pluk die stuurwiel na regs en mis rakelings ‘n puntige rots aan die kant van die nou erg glibberige grondpad. Alhoewel nou veel kouer as voorheen, rol dun stroompies sweet van sy voorhoof af... Janke besef dat hy onder hewige spanning verkeer... hy besef dat as sy konsentrasie nou verslap, hy moontlik nie die bakkie verder sal kan beheer nie, hy stuur weer ‘n skietgebedjie na Bo terwyl sy hande krampagtig vasklou aan die stuurwiel. Nog twee slap draaie na regs, dan sal hy die piek van die kronkelpad bereik. Van daar af kronkel die pad afdraend vir ongeveer ses kilometer tot by die plaas opstal. Dit voel alreeds vir Janke Joubert asof hy al vir ure op die pad is, asof die pad vannag heel verder is as gewoonlik... diep binne-in hom knaag ‘n onrus wat hy nie kan verklaar nie, ‘n onrus wat vererger word deur die volgehoue blitse wat die omringende woud pynig met sweepslag na sweepslag. Die drywende miswalms begin versag en Janke kan ten minste vyf meter voor die bakkie uitsien – hy nader die tweede draai voor hy die piek van die kronkelpad bereik en verminder spoed deur terug te rat. Toe hy om die draai gaan, flits die soveelste weerligstraal oor die woud... asof teen ‘n muur vasgejaag, ruk die bakkie tot stilstand. Janke sit versteen van skok want die enjin het nie uitgesny nie en loop nog teen volle omwentelinge. Vir ‘n stonde dink hy dat hy die rem per ongeluk getrap het, maar nee, slegs sy regter voet le nog stewig op die versneller pedaal.

Janke probeer die mis deurpriem om verder te probeer sien as slegs die vyf meter sigbaarheid voor hom, maar tevergeefs – die bakkie se agterwiele grou diep gate in die nat modderpad, maar ‘n onsigbare krag of kragte verhoed die bakkie om vorentoe te beweeg... Janke voel hoe sy liggaam van ongekende angs en spanning verstyf. ‘n Doodse, lam gevoel neem besit van sy ledemate en hy besef dat hy vannag hier te doen het met iets waarmee hy nog nooit van tevore mee te doen gehad het nie. Deur sy benewelde verstand deur prewel Janke weereens ‘n gebedjie... Janke laat sak sy kop vooroor op die stuurwiel, trap die versneller dieper in, die enjin wentel vinniger, maar bly botstil staan op dieselfde plek waar hy vasgesteek het, alhoewel die bakkie steeds in tweede rat is. Duisende emosies flits deur Janke se gemoed, vrees, angs, magteloosheid, verwardheid, paniek... emosies wat hy nog nooit in soveel felheid ervaar het nie. “Bliksem!”gil Janke dit uit van moedeloosheid en slaan met gebalde vuiste op die bakkie se stuurwiel: “Hoe en waar begin ek nou soek vir die probleem, wat kan fout wees?” Sy hardop vraag aan homself klink hol en niksseggend in die donkerte van die kajuit – hy haal die bakkie uit rat en reik na die deurknip om dit oop te maak. Met ‘n verdere skok besef hy dat die deur nie wil oopmaak nie, hy probeer die venster afdraai, maar die ruit wil ook nie beweeg nie. Die een verlammende skokgolf na die ander trek deur Janke se liggaam toe hy besef dat hy ‘n gevangene in sy eie bakkie is. Met wydgesperde oe staar hy voor die bakkie uit, die weerlig slaan weer, tref ‘n ou boom links van hom, binne enkele oomblikke staan die ou verrotte boom in ligte laaie. ‘n Sagte rooi gloed weerkaats teen die bakkie. Janke slaak ‘n sug van verligting, nou kan hy ten minste die omgewing beter sien, kan hy ten minste sien waar hy is... Janke sien hoe die bome steeds deur die loeiende wind gestraf word, hoe groot druppels reen op die grond neerplof, hoe die reen die brandende boom probeer blus, hoe die miswolkies in vlae oor die bakkie gejaag word... en weer bid hy hardop terwyl die enjin steeds luier. Dit is volmaan, maar die wolke verhoed dat die volle maanlig die omgewing bereik, sporadies breek ‘n maanligstraal deur om dan weer net so vinnig geblok te word deur die swaar, swanger wolke. ‘n Weerligstraal flits weer deur die lig en tref ‘n hooivurk wat vasgeklem word in ‘n onsigbare hand hier voor die bakkie – Janke se liggaam verstyf, ‘n doodse angs le vlak afgeets oor sy gesig. Hy staar stip na die figuur hier voor sy bakkie... hy sien die swart kappie, die lang monnik gewaad en die hooivurk... Janke se oe brand van die intensiteit soos hy probeer om die figuur se gelaatstrekke te sien, maar hy sien geen liggaamsdele aan die figuur nie, ook geen gelaat nie, geen voete, hande of enige teken van ‘n mens nie...!

“Vader behoede my vannag, Vader wees met my...!” Voordat Janke sy gebed kan voltooi, swaai sy deur oop en staan die figuur minder as ‘n meter van hom af. ‘n Muwwe, onaardse reuk tref sy neusgate en verlam sy sintuie. Janke besef dat hy baie beslis nie hier met ‘n aardse wese te doen het nie... of ten minste nie met ‘n lewende aardse wese nie... Janke word met brute krag uit die bakkie se kajuit gepluk, die onaardse krag waarmee hy hanteer word laat Janke sidder. Hy trek die skaal op agt- en- negentig kilogram, het geen oormatige vet aan sy liggaam nie en is alombekend vir sy krag. Hy probeer homself verset toe die figuur hom op die grond neergooi en die hooivurk teen sy keel vasdruk. Janke voel hoe die koue, skerp punte van die hooivurk sy keelvel prik, hy voel hoe die warm bloedstraaltjies oor sy koue skouers begin afloop... Met nog ‘n weerligstraal wat Janke verblind, ontplof ‘n duisend sterre voor sy oe toe ‘n onmenslike hou hom teen die kop tref. Hy le asof verlam, hy voel geen pyn meer nie, hy hoor slegs die drup van water, die geloei van die wind deur die bome... dan tel iemand sy voete op en begin hom trek. Deur erg benewelde oe staar Janke na die hemelruim, hy sien die donker onweerswolke daar hoog bo die boomtoppe, hy sien hoe die boomtakke, asof van strooi gemaak, deur die wind rondgepluk word, hy voel die plof van groot, koue reendruppels teen sy gesig, genadiglik voel hy nie hoe die skerp rotspunte waaroor hy gesleep word, sy rugvelle skaaf nie... Na wat vir Janke soos ‘n ewigheid voel, voel hy nie meer die reen op sy wange nie, sien hy nie meer die wolke daar bo en die bome om hom nie... Janke spits sy oe en besef hy word in ‘n grot ingesleep – in die pikswart donker kan hy geen voorwerpe sien nie en voel hy ‘n gladder oppervlak waaroor hy gesleep word... dan word hy in ‘n dof verligte rotskamer in gesleep. Die figuur lig Janke op asof hy ‘n strooipop is en le hom op ‘n kliptafel neer... hy sien die aapagtige gevreet, die glimmende lang, wit slagtande wat oor die bloedbevlekte onderlip van die ‘gedrog’ hang, hy sien die mistige figure wat in die grotvertrek rond sweef... met elke aanraking van die figure skiet ongekende elektriese pynskokke deur Janke se liggaam.

‘n Ondraaglik-walglike reuk hang in die grotkamer, Janke voel hoe hy onwillekeurig vomeer, hy stik en begin onbedaarlik hoes... tussen sy hoesbuie deur sien hy die skitterende prag teen die rotswande – dit weerkaats alle denkbare kleure in die dof verligte grotkamer, die skakerings van die kristalle teen die rotswande omtower die vertrek in sprokiesparadys van kleure. Janke sluit sy oe, hy voel hoe hy in ‘n bodemlose put afwentel, hoe verder hy val hoe minder voel hy die ondraaglike pyne wat sy sinne oorheers, wat soos brandnetels sy sensitiewe senupunte aanval en verlam... Janke dank die Vader vir die genadiglike redding uit die kloue van die mistige figure wat hom so martel...

Kliek hier om die eBoek trilogie van Frederick J Smith te koop

Natuurlik het die topverkoper trilogie: Fifty Shades of Grey deur E.L. James baie aandag ontvang by die Frankfurtse boekskou, wat pas ten einde geloop het.

Fifty Shades of Grey wat die lig gesien het as 'n self-pub eBoek en later bekom is deur Random House het meer as 50 miljoen kopieë wêreldwyd verkoop. Hierdie suksesstorie is voorgehou oor hoe tradisionele uitgewers en self-pub uitgewers, soos myAfrikaans.com kan saamwerk.

Holger Volland, Visie-President:  Media Industrie van die boekskou, het die volgende eBoek tendense geindentifideer:

Om 'n suksesvolle besigheidmodel te skep wat op eBoek verkope gebaseer is, is 'n multinasionale projek noodsaaklik

Deur slegs te fokus op die plaaslike mark kan uitgewers van eBoeke groot geleenthede misloop. Die getal Afrikaanse lesers in die buiteland groei voortdurend en die getal Nederlandstalige lesers is meer as 20 Miljoen wêreldwyd. MyAfrikaans.com se eBoeke kry veral groot belangstelling van die Vlaminge van België, wat oor die algemeen Afrikaans met gemak kan lees. Self-pub by myAfrikaans.com is gerig op die internasionale Afrikaanse leser.

Die uitgewer ekosisteem van die toekoms gaan die grense laat vervaag tussen self-pub, skrywer en uitgewer

'n Wye verskeidenheid eBoek -dienste is beskikbaar aan amateurs, eboek-lesers, professionele skrywers, ondernemings en bemakers.

Kliek hier vir meer oor die eBoek -dienste van myAfrikaans.com.

Besighede sien eBoeke as produkte, wat tot die gevolg het dat die inhoud van eBoeke gedemokratiseer is. Uitgewers is nie meer die hekwagte wat besluit wat gepubliseer word en wat nie. Dit is net die storie wat tel en of die storie eBoek -lesers se verbeelding gaan aangryp.

By Frankfurtse boekskou het die volgende innoverende uitstallers top-tegnologie dienste aangebied vir die eBoek ontwikkelaar

• -Diensverskaffers van data- omskakeling vir eBoeke, databasisbestuur, inhoudryk multimedia integrasie van eBoeke, redigering en e-bemarking, 
• -Vervaardigers en bestuurders van verbeeldingryke en tegnologies gevorderde platforms wat self-pub van eBoeke vergemaklik, 
• -Ontwikkelaars van woordverwerking, dokumentbestuur en redigeringsagteware,
• -Diensverskaffers van konsultasie-dienste met nuwe strategieë vir die bemarking van eBoeke, 
• -Nuwe en gevestigde diensverskaffers in die veld van “Digitale Uitgee”.

'n Voorbeeld van die ontwikkelings wat plaasvind in die eBoeke arena is readandnote.com wat die leser instaat stel om notas in ´n eBoek te maak. 

Kyk gerus na die video. 

Radikale prysstrukture  

Om die wedloop om gebruikers vir die eBoek mark  te wen, maak e-Boekwinkels en e-uitgewers van innoverende veldtogte gebruik. Total Books van Israel het 'n stelsel van laai soveel boeke of as wat jy wil en betaal daarvoor soos wat jy lees (pay as you go). Ebookplus in Brasilië plaas advertensies aan die begin en die einde van eBoek hoofstukke, maar die eBoek is gratis. Pubslush doneer vir elke eBoek wat verkoop word, 'n boek aan 'n behoeftige kind. MyAfrikaans.com verskaf die afslag-koeponkode: leessept1 waarmee nuwe lesers van eBoeke 20% korting op hul eerste aankoop verkry.

Innovasies word minder Anglo-gedomineerd

Al hoe meer kom die nuutste eBoek tegnologie en innovasies nie van Engeland of die VSA  af nie, maar uit die uithoeke van die wêreld. Holger Volland gebruik die voorbeeld van Acapela wat sagteware ontwikkel het wat teks omskakel na gesproke taal, met intelligensie en emosie. Acapela is 'n gesamentlike projek van ondernemings van België, Swede en Frankryk. Kliek hier om te kyk hoe Acapela werk.  

Dit is net weereens 'n aanduiding wat moontlikhede daar vir Afrikaans is in die eBoek landskap, veral as die belangstelling van die Nederlandse Taalunie in Afrikaans in ag geneem word.

Sosiale Netwerke speel 'n belangrike rol in die bemarking van eBoeke

Skrywers van eBoeke wat 'n aanhang het in sosiale netwerke verkry makliker finansiering vir hul projekte en verkoop amper al die boeke nog voor dit beskikbaar is. Besoek gerus die Facebook bladsy “Afrikaans sommer lekker” waar skrywers se eBoeke lojale ondersteuners verkry. 

Dood - ek vrees jou, ek bewonder jou, ek haat jou, ek sien uit na jou koms......

Soveel van ons word baie seergemaak deur die dood wat op een of ander stadium in ons lewens iemand van ons wegruk. Die dood is die oorsaak van soveel pyn, leegheid en smart.

“Hoe goed onthou ek nog die eerste keer se gevoel van skok, pyn en verplettering toe ek gehoor het dat iemand naby my deur jou, die Dood, weggeruk is. So gou, so skielik, so genadeloos, so finaal. Jy het nie my pyn en smart in ag geneem nie. Jy kom en ruk my lewe in skerwe, en laat my platgeslaan en alleen bly staan. Nog nooit het ek so duidelik verstaan wat dit beteken om mense om jou te hê, en tog stoksielalleen te voel nie. Gestroop, kaal en leeg. Ek probeer sterk staan, maar hoe staan jy sonder bene? My bene is onder my weg geslaan. Ek wil jou probeer wegredeneer, maar jy, Dood, roof my van logiese denke en denkpatrone. Skielik is alles weg wat normaal en standvastig was, en niks maak meer werklik sin nie. Ek staan in helder sonskyn, maar orals ervaar ek nag. My oë staar voor my uit, maar hulle is dof, gestroop van alle tekens van geluk, liefde en lewe. Ek kyk, maar sien niks. Emosies ruk my rond. Skok, ontkenning, woede, vrees, hartseer, pyn... ontsaglike pyn. Ek probeer sterk wees, maar weet ek kan nie. Ek kan nie meer nie, ek wil nie meer nie, ek voel oopgebreek, stukkend, leeg... Ek voel hoe my eie lewenskrag uit my uitstroom, ek lek, ek word net meer en meer leeg. Ek kan huil, tot ek so leeggehuil is dat ek nie kan glo daar nog enigsins ‘n traan in my oor is nie. Leeg gehuil, moeg gehuil, ek wens ek kan vergeet... Dan, soos uit die niet kom herinneringe weer deur my verwardheid gestroom, en ek huil, ek kan nie meer nie, maar ek huil...

Ek wil my geliefde sien, ek moet hom/haar met my eie oë sien! Ek weier om dit te glo as ek dit nie self gesien het nie... As dit nie moontlik is nie, word ek kwaad, ek wil skree, ek wil baklei... ek moet my geliefde sien, anders weier ek om dit te glo...

As ek my geliefde mag sien is ek bang... Wou ek “dit” regtig sien? Dit lyk so anders... Ek wil my geliefde ruk, en skree... 

“Word wakker, jy het lank genoeg gespeel! Word wakker, dit is nou genoeg, Staan op! Word asseblief tog net wakker...” Ek moet afskeid neem, my geliefde moet lykshuis geneem word...

Ek wil nie, ek kan nie... hoe kan ek toelaat dat my geliefde geneem word, weggevat word, om nooit weer terug te kom nie...? Dit skeur ‘n deel van my siel uit as my geliefde weggevat word, en ek kan nie meer saam daar wees nie... NEE, asseblief, moenie dit doen nie... ! Tog weet ek in my logiese denke, dit kan tog nie anders nie. Ek moet sterk wees vir ander, my trane probeer verberg. Ons kan tog nie almal huil nie, iemand moet sterk staan... Wie bluf ek...? My stukkend en seer bly vreet soos ‘n kanker. Ek dra swaar, maar ek moet aangaan, ek mag nie ingee nie... Hoekom doen jy dit aan ons? HERE, help tog...!

Kan ek nie maar sterf nie?. Ek kan nie aangaan met die gevoelens in my nie... ek is so leeg getap, ek kan maar net sowel sterf... Dood, hoekom het jy my nie eerder gevat nie, en kan nie so ly nie...

Jy speel speletjies met my gedagtes... As ek net daar was, dalk sou ek kon help, kon keer... As ek meer mediese kennis gehad het, as die dokters dalk anders opgetree het. As ons vroeër gery het, of ‘n ander pad... Ek moes vrede gemaak het, ons het nog nie sekere dinge uitgepraat nie... Dit is my skuld... Al die dinge maak my mal... Hoekom? Waarom? Sê nou maar...? Dit kon soveel anders gewees het.

Dit moet iemand se skuld wees... Sulke dinge gebeur nie net nie... Die dokters moes iets opgetel het... Dronk mense mag nie op die paaie wees nie, die verkeerskonstabels moes ingegryp het... Die wetteloosheid van ons land, misdaad ruk hand uit, en die regering doen niks... As ek net vroeër huistoe gekom het, as ek maar net vir jou kon sê hoe lief ek jou het...

Die paramedisie moes vinniger daar gewees het... 

“Here, hoekom het U dit gedoen?!”

Dit voel verkeerd om deur my geliefde se goed te gaan... Dood, jy het my geliefde van my gesteel! Dit voel verkeerd om in jou privaatspasie te wees, ek weet jy sou nie daarvan gehou het nie, en as jy nou hier sou instap, was ek in groot moeilikheid. Maar jy is nie meer hier nie, en ek wil jou vra wat moet ek doen, wat was jou wens, maar ek kan nie, my geliefde... Dood, kan ek nie maar net nog ‘n paar minute weer my geliefde sien nie, daar is dinge wat ek moet sê, moet weet, so graag wil hoor... Asseblief ...? Daar is geen reaksie nie.

Mense, liewe mense... Almal gons om my rond, almal wil met my praat, my troos, ek wens hulle wil net weggaan... 

Ek weet hulle bedoel goed, maar as nog een vir my moet sê dat die Here Sy mooiste blommetjie kom pluk het, gaan ek skree! Ek soek net iemand om daar te wees, iemand wat sal verstaan. ‘n Vriend wat kan saam huil, en saam kan lag oor die goeie ou dae... 

Iemand wat langs my sal stap en sal help, sonder dat ek vra... 

Wees net daar. Woorde kan dit wat in my aangaan nie wegredeneer nie en maak

dikwels net seer. Ek weet hulle bedoel goed... 

Ek waardeer dit tog dat hulle moeite doen... maar ek wens ek kon net alleen op die hoogste berg gaan sit...

Selfs dan is dit lekker om te weet, alhoewel my ware vriende my toelaat om alleen op my berg te sit, sit hulle so paar tree verder op die berg, naby as ek hulle nodig het, maar hulle los my nie alleen nie. Tog, ek smag dat iemand my sal vashou, my sal troos, en verseker dat dit alles net ‘n nare droom is...

Ek hoor iemand lag; hoe kan hulle? Hoe ongevoelig... Besef hulle nie die Dood was hier nie...? Dit maak my kwaad, en maak my seer... verstaan hulle nie die pyn en rou seer wat ek het nie... Hoe kan mense nog lag ? Ja, logika sê vir my dit is dalk kinders in die straat, of iemand in die buurt wat totaal onbewus is van ons situasie en geensins daardeur geraak is nie. Maar tog...ek wil nie weet van geluk en blydskap nie. Ek wil selfsugtig hê die hele wêreld moet saam met my rou en treur... Ek wil hê almal moet die verlies van my geliefde so intens ervaar soos ek...

Iemand sê ek moet sterk wees, my familie het my nodig... Wat van my? Wie is daar vir my? Hoekom moet ek altyd daar wees vir ander? Wie is daar vir my? Ek is ook deur die dood geraak, mag ek nie ook rou en treur nie? ... My familie... ek wil nie meer familie en geliefdes hê nie. Dit is te seer as ek een van hulle moet verloor. Ek wil nie meer liefhê nie, ek kan nie weer deur soveel pyn gaan nie... Nooit weer nie. Ek bou ‘n muur om ander buite te hou, ek gaan myself nie weer toelaat om deur hierdie hel te gaan nie...

Ek voel kwaad! Hoe kon my geliefde dit aan my doen, hoe kon my geliefde my in diè situasie los? Hoe selfsugtig was dit nie van hom nie, en kan hy nie sien waardeur hy my sit nie... Ek weet in my verstand dat hulle nie ‘n keuse gegun was nie, die Dood het hulle van ons weggeruk, sonder dat hul gevra het daarna, maar tog is ek kwaad dat hulle gegaan het. Selfsugtig wil ek my geliefde blameer vir die seer wat deur hulle heengaan my platgeslaan het.

Iemand moet tog skuldig wees... Dan voel ek weer skuldig, hoe kon ek so dink? Sommiges sê dit is normaal, maar ek dink ek word mal.

Wat gaan van ons word? Wie gaan die belangrike rol wat deur ons oorlede geliefde vertolk was nou vervul? Wie gaan aan ons geliefde se rol van voorsiening en liefdesdiens ons nou vlees gee? Ek voel magteloos, vreesbevange, onseker, benadeeld. ‘n Deel van my sekuriteit is weggeruk.

Wat nou? Tog moet niemand dit waag om voor te gee dat hulle my geliefde kan vervang nie. Niemand en niks kan my geliefde se plek inneem nie.

Alles wat rondom my gebeur voel soos ‘n film wat afspeel, onwerklik. Ek kyk daarna en ervaar dit soos ‘n video wat teen hoë spoed afspeel. Ek kyk, maar neem nie in nie. Dit is te onwerklik, die emosies en gebeure is iets waarmee ek nie kan identifiseer nie. Die situasie waarin ek my bevind, is iets totaal vreemd, niemand het my hiervan geleer nie, ek weet nie wat om te doen nie, ek voel so magteloos... Is dit dan ‘n werklikheid ? Ek weet nie meer nie...

Wat moet ek maak? Ag help my tog ! Wat word nou van my verwag? Ek wil vlug van die onbekende gevaar, maar ek kan nie, ek moet optree, en iets doen... Maar wat?

Die dae wat volg is nie veel beter nie. Soveel om te doen, soveel om te reël. ‘n Begrafnis moet gerëel word. ‘n Kis moet gekies word, draers moet aangewys word. Dit voel so hard, so harteloos... Dit voel of ons wil ontslae raak van ons geliefde, tog vrees ons die begrafnis, die laaste groet. Ons reël dit, maar hoop van harte iemand sal kom sê daar was ‘n fout... my geliefde het bygekom, my geliefde was nie regtig dood nie... Maar, dit kom nie. Die ondernemers wil weet watter blomme ek sou verkies... Hoe belaglik!

Blomme?! Ja, ek weet dit moet gedoen word... maar wil ek my regtig nou bekommer oor blomme, en kleurskemas? Tog wil ek dit spesiaal maak vir my geliefde... Die diens moet iets wys van my liefde... My laaste respek! Self klein keuses, soos die kies van ‘n kis, die blomme, die liedere wat gesing moet word en draers wat aangewys moet word, voel soos enorme take wat verrig moet word. Dit dreineer my, laat my moeg en leeg... Waar is my kragte heen?

Daar moet ‘n huldeblyk geskryf word, die woorde van die begrafnisbrief moet gekies word... Dit maak seer... Dit is ek en ‘n stukkie papier. Ek moet deur die herinneringe van my geliefde blaai, die mooi en minder mooi herleef, en daaruit moet ek woorde kies wat gepas ‘vaarwel’ sal sê. Trane vloei as die ink moet...

Daar is ‘n enorme hol kol in my maag. Dit kan egter nie vergelyk word met die hol kol in my borskas nie, die leegheid van die plek waar my hart eens vol liefde was. Die leegheid daar binne voel egter so swaar soos ‘n klip – leegmaar so swaar. Ek is naar, ek wil nie eet nie... Snaaks dat almal kos aandra, want niemand wil eet nie. Tog is ek baie dankbaar vir elkeen wat iets bring, want ons weet ons moet onsself dwing om ‘n ietsie te eet, anders gaan ons totaal ingee... Ek weet nie een van ons het krag of energie om te kook nie.

Mense stroom na ons huis toe, gelukkig is daar iets om dan voor te sit... Ek kan nie eet nie... Niks kan tog die hol kol vul nie... Ek is nie honger nie... Maar ek weet ek moet...

Party mense dra pille aan, iets om my te help ontspan en iets om my te help slaap... Maar ek wil nie... ek wil nie slaap nie en kan nie ontspan nie. Ek wil nie vergeet nie, ek wil nie droom nie. Wat gaan dit tog help... dit kan net my pyn en rouproses verleng en uitrek... Ek moet dit nou konfronteer. Ek moet dit nou begin verwerk... Ek wil nie die proses langer uitrek as wat nodig is nie.

Uiteindelik kom die slaap wel as gevolg van emosionele uitputting... As jy dit slaap kan noem, want die brein en gedagtes bly draaie hardloop met jou... Ek ruk wakker, hoop dit was ‘n droom, maar besef, dit is wel so. Ek lê en wag vir my geliefde se bekende geluide as hulle laat sou inkom, of selfs die bekende hoesgeluide, iets wat kan bewys dat dit net ‘n slegte droom was wat sal weg gaan. Dit het nie weggegaan nie. Moeg, asof ek nooit gerus het nie, word ek verder meegesleur deur die gebeure om my... Ek ervaar dat ek in elk geval geen beheer daaroor het nie... ek gaan net saam, onwillekeurig, soos ‘n lam wat gelei word na die slagpale... wil nie, maar weet ek het geen keuse nie.

Die begrafnis...

Ek trek my mooi klere aan, dit word mos van my verlang om te lyk soos iemand wat begrafnis toe gaan. Ek moet respek bewys. Die familie het gekies om ons geliefde te kan sien voor die begrafnisdiens. Ons word geneem na ‘n kamer waar die kis staan. Ek sien die deksel is oop. Ek stap stadig nader, bang om te sien wat daarin is, bang, al weet ek wat op my wag. Die beeld wat ek voor my sien wanneer ek in die kis staar ruk my diep in my binneste.

Dit is seer... “Hoekom doen jy dit aan my?!” Word tog net wakker... Dit lyk so “onnatuurlik”. Dit lyk asof my geliefde opgemaak is soos ‘n pakkie wat weg gestuur moet word... My geliefde lyk rustig.. tog anders.. Ek voel ek kan vir ewig daar staan en kyk... ek wil dit nooit laat gaan nie... Ek wil die proses so lank uitrek as wat moontlik is, want as die kis nou toe gaan, sien ek jou NOOIT weer nie. Ek weet dit kan nie... Ek moet groet. Ek moet omdraai en loop, ek is verskeurd tussen gevoelens wat my wil laat weghardloop en nooit weer terugkyk nie en ‘n drang om jou vas te gryp en nooit te los nie... Maar die mense wag by die kerk... Ek moet groet, tot by die kerk.

Verslae, verpletterd wag ons by die kerk vir ons geliefde om te kom. Dan sien ons die lykswa. Dit kom stadig aangery en parkeer netjies voor die kerk. Mense kom verby, en almal wil bemoedig, almal wil troos, almal wat omgee...

Ek waardeer dat almal gekom het, maar wens ek kon hulle eerder vermy. Almal se trooswoorde, liefde en bemoediging maak dit soveel moeiliker vir my om my gedagtes eerder nie by die realiteite van die gebeure te hou nie. Dit speel af soos ‘n film voor my. My brein het afgeskakel, ek kyk, maar sien nie werklik nie. In my kop speel die program af. Ek weet ons moet ons geliefde die kerk indra... Ek weet ons moet nader staan... Ek moet ‘n begrafnisbrief kry... Ek probeer konsentreer op die verrigtinge, doelbewus, want ek wil nie aan die finale afskeid dink nie.

Ek staar na die inhoud van die lykswa. Ek sien die mooi blink kis, en die groot bos blomme wat daarop is. So mooi, so afskuwelik! Ons word gehelp deur die ondernemer oor hoe om die kis presies te vat en te dra. Ek doen dit, al voel dit vreemd, aaklig, tog ‘n eer om dit te mag doen. Vir oulaas kan ek iets vir my geliefde doen. 

Wat ‘n moeilike geleentheid. Ek stap in ‘n kerk vol mense, met almal se oë op my, almal wat wil sien hoe ek gaan reageer. Dus probeer ek sterk wees, maar dan word die oomblik net te groot. Alles skeur in my en die trane rol. Dit is tog my beurt om te treur en te huil oor my geliefde as ek wil, maak nie saak wat ander dink nie! Ek het ‘n afsku ontwikkel in die opinies van ander wat sê:

“Boys don’t cry”. Diè wat so sê het duidelik geen benul van die pyn binne my nie. Ek sit en staar voor my uit. Die predikant praat en preek, maar die woorde spoel oor my, sonder dat enigiets werklik insink. Dit voel of alles voor my afspeel, en ek nie werklik deel daarvan is nie, soos televisie kyk.

Uiteindelik is dit alles verby in die kerk, en die pad na die begraafplaas word aangepak. Daar gekom sien ons duidelik waar die graf voorbereid en wagtend gaap, reg vir ons om te kom. Weereens moet die kis gedra word.

Nou, vir die laaste keer, al wil my brein dit nie glo nie. Maar niks kon my voorberei vir die gevoel nie. Ek onthou dit nog so duidelik, die gevoel toe die kis begin sak, ek hoor nog

hoe die bande van die aflaatmasjien kreun en steun, terwyl die kis stadig begin neerdaal in die oop aarde. As ek gedink het die pyn van vroeër was erg, besef ek nou dit kan erger. As ek gedink het dat ek reeds afskeid geneem het, besef ek weereens ek kan nie laat gaan nie, ek wil nie! Dit voel of ek kan skree, NEE !, Moenie....... asseblief? Maar ek kan nie. Ek voel ek wil saam in die aarde se skeur inspring, en net sterf, want dit kan nie erger wees as die seer wat ek nou ervaar nie.

Hoe los ek jou hier, in ‘n gat in die grond, hoe loop ek weg van hier, en los jou alleen? My hart word opnuut uit my borskas geruk, ek is so leeg... ‘n Deel van my sterf vandag saam met my geliefde, en ‘n deel van wie ek is, en was, word saam begrawe. Die rol wat my geliefde in my lewe gespeel het was so dinamies dat dit deel was van my vorming, my karakter, my menswees.

Vandag sterf iets binne my. Die begrafnis is nie net die van ‘n geliefde nie, maar ook ‘n deel van my.

Daar word ‘n geleentheid gebied vir ons om te help om die graf toe te maak. Ek moet help, ek voel dit is my plig. Wat ‘n afgryslike klank as die rooi grondkluite op die deksel van die kis beland. Die dowwe slag teen die hol hout. Stadig word die klank sagter, hoe meer ons vorder, tot ‘n hopie grond al is wat oor is as teken van die gapende wond in die aarde.

Dit is verby, ons moet gaan. Ons moet ons geliefde hier laat, en vertrek, want daar is gereël vir tee en eet goed na die begrafnis. Tyd om ‘n glimlag op te plak, en te maak of jy “okei” is. Aan die een kant is daar ‘n verligting want dit is verby, maar aan die anderkant wens jy jy kon net alleen wees, net vlug om alleen op ‘n berg te gaan sit en skree. Skree so hard as wat jy wil, en niemand in sig om jou te sien nie... Maar die lewe gaan aan.

Stadig maar seker, in die dae wat volg op die begrafnis, begin almal weer terugkeer na hulle onderskeie huise en werke, en dan kom die groot alleen, en die groot gemis. Waar jou huis eers soos ‘n bynes gevoel het net na die dood, vind jy jouself eers nou weer werklik alleen. Alhoewel jy gesmag het om alleen te wees, begin jy dit vrees. Alleenheid gee jou tyd om te dink, te herleef, en dit maak seer. Ek probeer besig bly, want as ek besig bly, hoef ek nie te dink oor wat gebeur het nie. Ek probeer om die herinneringe en pyn te vermy. Ek vlug vir myself, maar sukkel om weg te kom. Ek wonder of mense my nou doelbewus vermy, of is dit net ek wat soek na mense om my, omdat ek nie realiteit wil konfronteer nie?

Ek het nou iemand nodig wat my kan help, iemand om mee te praat, iemand wat sal verstaan. Snaaks, ek soek iemand wat kan verstaan, maar dit maak my so kwaad as mense sê dat hulle weet hoe ek voel, want hoe kan hulle?

Niemand kan nie! My situasie is tog so uniek, niemand anders kan daarmee vergelyk nie... Miskien is hulle dalk al deur iets soortgelyk, maar ek wil nie hoor van hulle pyn nie, want myne is nog te groot. Selfsugtig wil ek my pyn as belangriker, en groter as die van ander sien, want ek smag daarna dat dit vertroos moet word... Ek voel dit is nie verkeerd nie, maar ek is beslis ook nie in ‘n toestand van 100% objektief wees nie... Die gevoelens is nog te rou, te seer.

Ek vind my keer op keer terug in die begraafplaas. Ek moet gereeld gaan kuier vir my geliefde. Ek kan tog nie my geliefde net alleen daar los nie. Elke dag moet daar nuwe en vars blomme op die graf kom. My geliefde moet weet dat ek nooit van hom/haar sal vergeet nie. Na ‘n maand of twee word die kuiertjies minder, soos die verpligtinge en werkslas weer toeneem.

Aanvanklik voel ek skuldig, maar sorg dat ek elke naweek daar uitkom. Maar partykeer kry ek gaste vir ‘n naweek, of moet ‘n kursus gaan bywoon vir ‘n naweek, week, of twee. Na ‘n paar maande vind ek dat dit slegs by geleentheid gebeur dat ek wel daar uitkom en voel skuldig... Ek weet my geliefde is nie werklik meer daar in die begraafplaas nie, en dat dit slegs die stoflike en verganklike deel is wat daar rus, maar tog klou ek vas aan dit wat tasbaar was. Tog soek ek die wete dat my geliefde net hier by my in die graf is. My brein oortuig my dat my geliefde weg is van die liggaamlike af en voortleef. Maar dit vat baie tyd om afstand te probeer kry van dit wat tasbaar was, en die bewys was dat my geliefde eens hier tussen ons geleef het in vleeslike vorm, soos ons hierdie geliefde geken en onthou het.

Ek weet ek moet my geliefde laat rus in vrede, en werklik my geliefde die rus gun, maar selfsugtig soek ek my geliefde terug in die vlees, by my, tasbaar, sigbaar, en in die aardse, bekende vorm...

Die voorafgaande is ‘n poging om, uit my eie ondervinding en emosies, jou te help verstaan waardeur ‘n persoon gaan wat iemand baie na aan hulle aan die dood afgestaan het. Ek kan slegs deel uit persoonlike ervaring en gevoelens, en vertrou dat dit vir jou ‘n stukkie van die seer wat ‘n persoon beleef in so ‘n situasie, sal duidelik maak.

In hierdie skrywe wil ek graag met jou deel hoe ek, as kapelaan in die nooddienste, byna daagliks vir etlike jare reeds konfronteer word met soortgelyke situasies en wat ek gevind het behulpsaam is en jou ook daardeur dalk mag assisteer om vir ander tot meer hulp en bystand te wees, wanneer hulle deur die dood van ‘n geliefde gekonfronteer word.

Let egter daarop dat ek nie hiermee probeer te kenne gee dat ek al die antwoorde het nie, en dat ek glo dat my manier van benadering die enigste is wat werk, of selfs reg is nie. Al wat ek poog is om met jou uit my ervarings te deel, en te hoop dat dit vir jou van hulp sal kan wees.

Kliek hier om die eBoek vir slegs R2.22 te koop!

Bron foto

Afrikaanse eBoek:  Kronkelpaaie: 'n bundel van 32 verhale uit die howe

Dis gradeplegtigheid by die universiteit en Sue het pas `n graad cum laude verwerf. Haar professor kom nader en wens die drie geluk. Hy sê vir Sue dat as sy daar aanbly en verder studeer sal sy na haar meestersgraad `n dosente pos aangebied word. As sy dit doen sal sy daarna ook baie vinnig kan vorder. Hy groet en loop weg. Haar ouers praat met haar en probeer haar oorreed om tydens die komende jaar verder te studeer; hulle wil baie graag hê dat sy dit moet doen. “Mammie, pappie, ek weet nie, ek wil nog `n bietjie daaroor dink. Maar ek voel al lankal dat ek wil gaan werk.”

Haar pa sê dat daar geen haas is nie, sy kan tydens die vakansie daaraan dink. Hulle gaan na die Natalse Suidkus met vakansie en sy kan daar goed daaroor nadink.

Dirkie Bronkhorst boer op die familie plaas in die Swartland. Die plaas is al sewe geslagte in die familie. Hy boer hoofsaaklik met koring en sy pa het hom na matriek na `n landbou kollege gestuur waar hy drie jaar gestudeer het. Met die en die oorgedragte kennis van al die vorige geslagte het hy `n uitmuntende boer geword. Sue is hulle enigste kind en die Bronkhorst lyn loop met hom dood. Sy wens, sy droom, sy diep begeerte wat hy nooit met iemand gedeel het nie, is dat sy sou trou met `n jong man wat wil boer. `n Jongman met boere bloed in sy are, `n man met `n liefde vir die aarde en wat die aarde meebring, `n man wat die plaas sou bewaar soos die voorgeslagte dit bewaar het en daardie liefde aan sy kinders sou oordra. Dan sou die lyn tog in sy dogter se kinders en kleinkinders bly voortleef – net die van sou verdwyn maar die bloedlyn sou tog nog daar wees.

Hierdie leemte, die feit dat daar nie `n seun is nie, dat daar nie `n seun ooit kan wees nie, is die enigste berou wat hy in die lewe het. Daaroor het hy nooit met enigiemand gepraat nie. Nie met sy vrou of die dominee of met enigiemand anders nie. Dit sou te maklik te veel na `n verwyt kon klink. `n Verwyt aan sy vrou, sy God en die noodlot. Hy blameer niemand nie, hy aanvaar dit soos dit is. Sy vrou het hy nog net so lief as op die dag toe hulle getrou het. Het hulle dan nie letterlik deur dik en dun bymekaar gestaan nie. Geldelike nood het hulle nooit ondervind nie maar geldelike nood is verreweg nie die enigste en nie eens die grootste nood in mense lewens nie. Daar is groter nood, die angs, die vrees, die onsekerheid, die twyfel, die wanhoop wat elke mens op een of ander tyd in sy lewe beetpak en nie `n oomblik los nie. Nie gedurende die dag as die son helder en warm skyn nie. Nie in die nag nie. Veral nie in die nag nie. As die donker met sy lang dik vingers oor jou siel kruip word hierdie angs, vrees, onsekerheid, twyfel en wanhoop te veel om te verdra.

Dit was op sulke tye dat hulle bymekaar was, en aangevoel het hoe die ander een voel, wat hy of sy deurmaak en gehelp het. Stil, sterk, bemoedigend, troostend sonder om woorde te gebruik. Want woorde is dikwels leë blikke wat geraas maak sonder inhoud. Al die lang jare was hulle so bymekaar.

En die baie, die baie volop vreugdevolle dae en weke en maande en jare was hulle bymekaar en het hulle daardie tye ook gedeel en saam dankbaar gewees en mekaar daar deur ook gehelp en bygestaan. Want in sulke tye moet `n mens ook nie alleen wees nie, moet daar iemand wees om by jou te wees. Soveel om voor dankbaar te wees want hoe min mense het sulke maats? Hy onthou dat hy eenkeer gelees het dat `n Engelse geestelike gesê het dat geen mens `n eiland is nie. Dit is eeue gelede gesê toe Engels nog op `n eienaardige manier gespel was, maar dit is nog net so waar. Hy dink daaraan dat waarhede nie verander nie, hulle bly dieselfde.

Nadat hulle van Natal af teruggekeer het, het Sue in Kaapstad gaan werk. Sy het dadelik `n goeie betrekking gekry en sy was baie gelukkig in die werk. Haar klein woonstelletjie na aan die middestad was ideaal. Dit was naby haar werk, sy het nie eens nodig gehad om bus te ry werk toe nie. Sy kon Tafelberg vanaf haar balkon sien en die blomme- en groentemark was naby.

Haar ouers het haar dikwels kom haal om naweke tuis te wees en dit het sy geniet. Sy het daardeur nog gevoel asof sy deel van die intieme familiekring was. So het dit vir ongeveer `n jaar lank aangehou. Gaandeweg het van haar kollegas en kennisse haar genooi om saam te gaan na nagklubs en partytjies. Aanvanklik was alles baie mooi en stigtelik en het hulle nooit baie laat van die plekke en gesellighede weggegaan nie.

Later het hulle haar na ietwat wilder nagklubs geneem. Iemand het haar een aand `n sigaret aangebied by een van die nagklubs en alhoewel sy nooit tevore gerook het nie, het sy dit aanvaar. Sy het die rook nie ingeasem nie en die man het haar geterg en gesê dat sy dit moet inasem. Na `n paar teue het sy eienaardig gevoel; asof sy sweef, asof sy nie behoorlik in die wêreld is nie maar êrens elders waar dit mooi en aangenaam is. Dit het haar roekeloos laat voel.

Daarna by die nagklubs en partytjies het sy dadelik sigarette aanvaar en toe sy later uitgevind het dat die sigarette se tabak met dagga gemeng was, het sy nie omgegee nie. Toe as haar ouers na haar werk geskakel het om te reël dat hulle haar vir `n naweek sou kom haal, het sy allerhande verskonings aangevoer waarom sy nie huis toe kon gaan nie. Sy kon nie meer van die nagklubs wegbly nie. Daar het sy self dwelms gekoop en gou verslaaf geraak aan die sterker middels.

Kliek hier om die eBoek te koop om die verhaal verder te lees!

Almal geniet 'n storie en eBoeke is die kampvuurgeleentheid van die toekoms. Daar sal altyd 'n mark wees vir 'n goeie storie, maar die res van die uitgewersbedryf is besig om nuwe grond te breek. Sekere topverkopers begin selfs om self eBoeke uit te gee.

Agente begin weer om manuskripte wat risiko-trae uitgewers afkeur self uit te gee. Selfs tradisionele uitgewers begin senuagtig word oor die opkomende mark vir self-pub. Penguin uitgewers het onlangs die eerste tradisionele uitgewer geword wat 'n self-pub onderneming bekom het, deur Author Solutions Inc vir $ 116 miljoen te bekom. Dit is uitgewers wat die meeste geraak word deur die nuwe eBoeke landskap!

Die onlangse ekonomiese krisisse het uitgewers gedwing om hul dienste tot op die been te sny. Dwyer bevestig dat daar van vandag se skrywers verwag word om self te belê in redigering en taalkundige versorging van die boek, hulle eie bemarking te doen en te betaal vir die ontwerp van die buiteblad. Al wat die uitgewer doen is om hul netwerk van bemakers te gebruik om te verseker dat die boek op die rakke van die boekwinkels kom.  eBoeke het nie boekwinkels nodig nie en baie eBoekwinkels word besit deur multinasionale ondernemings soos Apple en Amazon en nie deur uitgewers nie.

Wat staan skrywers nou te doen in hierdie verwarrende tyd in die boekmark? Baie skrywers vra hulself af hoekom hulle enigsins 'n uitgewer moet hê! As hulle self vir die redigering en buiteblad moet betaal, self bemarking op Facebook, Twitter en hul Blogs moet doen – hoekom ontvang hulle slegs 20% van elke boek wat verkoop word?

Hierdie is die rede waarom myAfrikaans.com skrywers ondersteun om self uit te gee en die proses omgedraai het waar skrywers 80% van die opbrengs van die boek ontvang.

eBoeke het die ekonomie van die uitgewersbedryf verander. Omdat ernstige en hoogaangeskrewe skrywers soos Joe Konrath, John Locke and Amanda Hocking nou self-pub, veloor verloor self-pub nou sy ego-uitgee beeld.

Die uitgewersbedryf het altyd gepraat van die kritiese realisasiepunt waar genoeg lesers e-lesers of ander toestelle besit, wat die bemarking van eBoeke winsgewend sal maak. In die internasionale mark het dit blykbaar gebeur tussen Oktober en November 2010. Volgens Dwyer het Amazon in Mei, 2012 bekend gemaak dat vir elke 100 boeke wat hulle verkoop, 105 eBoeke verkoop word.

'n E-leser of 'n tablet rekenaar plaas die boekwinkel op jou skoot en die eBoek in jou hand sekondes nadat dit gekoop is.

Kliek hier om Phil Dwyer se Blog te lees

Kliek hier om meer inligting te verkry oor self-pub by my Afrikaans.com 

Swartskaap Odette Schoeman, NB uitgewers, Afrikaanse eBoeke, R153.04

My Ma en Pa was nie jou ordinary ma en pa nie. Hulle is altwee in die 1950.s gebore in brandarm huise aan aan die verkeerde kant van die treinspoor. Teen die tyd dat hulle mekaar as tieners in die hippie-era ontmoet het, het hulle reeds baie in gemeen gehad.

My ma is een van 13 kinders: agt dogters en en vyf seuns. My oudste boetie, Bennie, het 'n teorie oor haar donker kreatiewe streep.

Hy sê 'n mens kan nie geboorte gee aan dertien kinders en verwag dat almal normaal moet wees nie. Die wet van gemiddeldes waarborg nie almal se normaliteit nie. Na vyf raak dit risky. Na agt raak dit hoogs gevaarlik. Na tien is dit fataal. My ma is die dertiende kind.

Luister na Afrikaanse eBoeke op iTunes

Klik hier om die Afrikaanse eBoek te koop.

Podcast Powered By Podbean

Wat kan ons leer uit die lewe van Steve Jobs, om elke dag werklik te lewe?

Jobs se reaksie toe hy op ouderdom 30 afgedank is by Apple, gee ons leidrade oor hoe ons elke dag kan lewe asof dit ons laaste is. Een dag was hy 'n sukses en die volgende dag was hy op straat. Tog het Jobs besef dat dit die beste ding is wat met hom kon gebeur het. Hy het besef dat hy mal was oor wat hy by Apple gedoen het en wil voortgaan om dit te doen in die toekoms. Hierdie besef het hom gemotiveer om Pixar te begin en as 'n wenner triomfantlik terug te keer na Apple.

Jobs het in 2005 by 'n Stanford gradeplegtigheid sy lewensfilosofie aan graduandi verduidelik. Jobs het die realiteit besef dat van die dood positief is en as 'n dryfveer gebruik moet word om te lewe soos dit vir jou bedoel is. Jobs vertel toe hy 17 was het hy iewers 'n aanhaling gehoor wat iets soos die volgende geklink het: Lewe elke dag asof dit jou laaste is, want eendag sal jy verseker reg wees. Dit het so 'n groot indruk op hom gemaak dat hy dit as 'n riglyn gebruik het in al die groot keuses wat hy in sy lewe gemaak het.

Hy het verder gegaan deur te vertel dat omtrent alles – jou verwagtings, trots, vrees om verneder te word of om te misluk nietig word in die skadu van die dood. Slegs die belangrike dinge bly oor. Om te onthou dat jy sterflik is, is die beste manier om die slaggat te vermy waar jy glo dat jy iets het om te verloor. Omdat ons nou reeds naak staan soos die dag wat ons gebore is, is daar geen rede hoekom jy nie jou hart kan volg nie.

Lees gerus ook die eBoek Oordenkings uit: Dis jou oomblik van die wêreldbekende prediker en internasionale topverkoperskrywer Joel Osteen.

Hy jou sal wys hoe om elke dag in ’n geleentheid vir ’n beter lewe te omskep. Joel Osteen skryf in sy eBoek dat dit tyd is om na God se guns te soek en om Hom in beheer oor jou lewe te stel sodat jy vervulling van sy planne in jou lewe kan vind. Hierdie 90 oordenkings sal jou help om jou lewe anders te benader en daardeur jou lewe onherroeplik te verander – ongeag van waar jy in die lewe staan.

Dis jou oomblik is by myafrikaans.com beskikbaar vir slegs R62.71

Kyk hier vir meer Christelike eBoeke!

Volgens dailymail.com kos Jk Rowlings se nuwe boek vir grootmense £9 by Amazon, die boek is afgeprys van £11 af. Die eBoek weergawe word by die selfde webwinkel aangebied teen £11.99.

eBoeke verteenwoordig ongeveer 15% van die boekmark in die Verenigde Koninkryk (VK). Die grootte van die totale boekmark bedrae £26 miljoen vanjaar. Amazon verkoop tot 80% van alle eBoeke wat in die VK verkoop word. Volgens dailymail.com erken uitgewers dat hulle meer as 5% spaar as 'n titel as 'n eBoek uitgegee word alhoewel BTW op eBoeke hoër is.

Tom Tivnan van die uitgewer konsultante: The Bookseller, reken 'n eBoek behoort tussen £2-£3 goedkoper te wees as die gedrukte weergawe. Benedict Evans van die navorsing agentskap Enders Analysis het aan dailymail.com genoem dat eBoeke nie noodwendig goedkoper hoef te wees as harde kopieë nie. Hy is van mening dat die kostestrukture van uitgewers in 'n groot mate 'n gegewe is. Die koste om 'n boek as 'n finale produk op die mark te kry verskil nie veel as die titel as 'n eBoek verskyn nie.

Vroeër die maand het die Europese Unie ook bevind dat Apple en vier ander uitgewers EU kompetisie voorskrifte verbreek het, deur die prys van eBoeke regoor die mark te verhoog.  eBoeke is ook kontroversieel in die Verenigde State, waar die Justisie Departement bevind het dat prysvasstelling deur agentskapooreenkomste veroorsaak het dat lesers miljoene dollars teveel vir eBoeke betaal het.

Kliek hier om meer te lees.

Hoe vergelyk myAfrikaans.com se eBoeke pryse met slapbandboek pryse?

Die meeste van myAfrikaans.com se eBoeke is tot 30% goedkoper as die slapband weergawe.

Hiervandaan, Dana Snyman

175.00 (slapband) en R125,43 (eboek)

Feniks deur Deon Meyer

R215.00 (slapband) en R158,87 (eboek)

Abel se lot deur Chris Karsten

R195.00 (slapband) en R125,43 (eBoek)

Praat mekaar se taal, Emerson Eggerichs, Struik Christian Media, Afrikaanse eBoeke, R 66.53

Dr. Emerson Eggerichs is 'n internasionaal bekende spreker oor die verhoudingsdinamika in man-vrou verhoudings. Sy kennis spruit voort uit meer as drie dekades as 'n verhoudings- terapeut en is op wetenskaplike en geestelike navorsing gebaseer. Eggerichs het saam met sy vrou Sarah die “Love and Respect Conference” ontwikkel, wat hulle regoor die VSA aanbied.

Wat is Liefde en Respek?

Eggerichs glo dat liefde die sterkste motiveerder vir vroue is, in teenstelling met respek wat mans motiveer. Navorsing in huwelikskonflik toon dat mans gewoonlik negatief reageer as hulle ervaar dat hul huweliksmaats disrepekvol teenoor hulle optree en vrouens hoofsaaklik as hulle ongelief voel. In 'n ondersoek is 7000 mense uitgevra oor die rede vir konflik in hul huwelik: is die oorsaak omdat hulle ongelief voel of omdat hulle beleef dat hul huweliksmaat disrespekvol teenoor hulle optree? 72% van die vroulike deelnemers het ongelief as rede aangedui en 83% van die manlike deelnemers het disrespek aangetoon.

Alhoewel mense respek èn liefde nodig het, is hierdie 'n aanduiding dat mans en vroue verskillend bedraad is en die verskille kom veral in konflik situasies na die oppervlakte.

Volgens Eggerics is daar drie belangrike aspekte wat aangespreek moet word in 'n verhouding:

Hoekom tree ons negatief teenoor mekaar op?

Hoe kan ek my huweliksmaat aanspoor om meer positief op te tree

Wat moet ek doen as my huweliksmaat volhou om negatief op te tree, self as èk liefdevol en respekvol optree?

Mans en vrouens antwoord die vrae verskillend en Eggerichs verduidelik die verskillende reaksies op hierdie kwessies met drie sirkels wat op die drie vrae gegrond is.

Die mal Sirkel: Wat is die “issue” nou weer?

Mans en vrouens kyk met verskillend gekleurde brille na 'n aangeleentheid en dit veroorsaak konflik.

Wat laai jou maat se batterye?

Om te weet wat jou maat se diepste behoeftes is, is die sleutel om die persoon te motiveer om positief op te tree in 'n huwelik.

Laastens die wins-sirkel: dit is die onverwagte wins vir die persoon wat Efesiërs 5.33 toepas.

Hierdie eBoek verduidelik die vyf winsaspekte vir die eggenoot wat snap waar die negatiewe energie in 'n huwelik vandaan kom, self al tree die ander eggenoot passief op.

Die Afrikaanse eBoek Praat mekaar se taal, bespreek die drie kwessies in detail.  

Kliek hier vir meer oor Afrikaanse Christelike eBoeke!

Voorkoms

Navorsing toon aan dat mense aangetrokke voel tot lede van die teenoorgestelde geslag wat ons herinner aan ons ouers. Verder het die Kognitiewe Sielkundige, Dawid Perrett van die St Andrews Universiteit in Skotland bevind dat deelnemers in 'n ondersoek foto's van hul ideale maat gekies het wat eintlik 'n verwerking van hul eie foto was. Mense voel dus aangetrokke tot iemand wat se voorkoms gelyksoortig aan joune is.

Persoonlikheid

Soos met voorkoms voel ons gereeld aangetrokke tot mense wat se persoonlikhede ons herinner aan ons ouers of ander mense wat 'n groot rol gespeel het in ons kindertyd.

Feromone

Menslike feromone is in 1986 ontdek deur wetenskaplikes van Chemiese Sintuig Sentrum in Philadelphia en hul kollegas in Frankryk. Die hormoon is in die sweet van sekere mense gekry. Alhoewel feromone nie aanwesig is by alle mense nie, speel reuk definitief 'n rol in aantrekkingskrag- wat aangedui word deur die groot parfuum-industrie.

Staar in mekaar se oë

Professor Aron het studies gedoen oor hoe mense verlief raak en het bevind dat mense verlief raak deur in mekaar se oë te kyk. In sy studies moes twee persone van die teenoorgestelde geslag vir 90 minute oor intieme details oor hulself gesels, en daarna 4 minute in mekaar se oë kyk sonder om te praat. Die resultaat was dat die paartjies na die eksperiment aangetrokke tot mekaar gevoel het en twee paartjies het selfs 6 maande na die ondersoek getrou.

Bron 

Om die liefde te vier maak myAfrikaans drie Afrikaanse eBoeke beskikbaar teen 'n spesiale prys.

Tuiskoms, Irma Joubert, NB uitgewers, Afrikaanse eBoek, R123.44

In hierdie boek word ’n baie gewilde skrywer se lekkerlees-kortverhale vir die eerste keer byeengebring. Hier is ’n ryke verskeidenheid stories, onder meer oor geleenthede soos Kersfees, Vadersdag, ensovoorts, en liefde – in sy vele fasette uitgebeeld – is die gemene deler. In al die verhale is Irma Joubert se fyn waarnemingsvermoë merkbaar, asook haar intieme kennis van en deernis met haar karakters.

Reen oor die Serengeti, Connie Luyt, Afrikaanse eBoek, R139.89

John Barklin wil ’n nuwe begin vir hom en die plaaslike Maasai maak met sy safarikamp by Ngaro Sero. Gretchen Schmidt, ’n fotograaf uit Oos-Duitsland, kom na Ngaro Sero om die man te sien wat indirek haar dogter se dood veroorsaak het. Albei moet vrede maak met die verlede voor hul verder kan gaan.

Satyn Omnibus 1, Marijke Greeff, NB uitgewers, Afrikaanse eBoek R139,89

In Marijke Greeff se Een keer in ’n leeftyd lê Alexandra se wêreld aan skerwe. Ure nadat sy met Neil getroud is, beland hulle in ’n ongeluk en verloor hy sy sig. Om die lewe vir haar nog moeiliker te maak, verskyn Maria, ’n beeldskone ouer en ervare vrou, op die toneel en probeer haar bes om Neil af te rokkel. In Vita du Preez se Hartsake is Linka ontsteld wanneer die plaas Njala, wat sy nog altyd as haar geboortereg beskou het, aan Ryk Hattingh toegeslaan word. Dié man is boonop besonder sexy, ’n regte haan onder die henne. En in Ettie Bierman se Vlinder teen die ruit neem Surita haar voor om alle mans uit haar lewe en uit haar hart te verban. Maar dan raak sy op Hendro, haar swaer, verlief . . . Of is dit Douw, die man met die “sjokolade-stem”, wat haar lewe in ’n nuwe rigting gaan dwing?

eBoeke om enige krises te hanteer

Kyk gerus na die Afrikaanse eBoek, Oorkom enige krises deur Myles Munroe .

Lane Romero-Reiss, 'n motiveringspreker, glo dat die sleutel tot sukses is om te leer om krisisse te hanteer nog voor dit ontstaan. Die geheim is om jouself te bemagtig om krisisse kop-eerste storm te loop en verder jou doelwitte na te jaag. Lane en sy vrou was op pad na Las Vegas om 'n besigheidsontwikkelingseminaar aan te bied, toe hulle motor ewe skielik net uitsny op die snelweg. In die video hieronder verduidelik Lane dat jy strategieë in plek moet hê voor 'n krisis ontstaan.

Deur die volgende strategieë te gebruik sal jy voorbereid wees om krisisse te oorwin

Kalmeer

Al is dit hoe moeilik, gebruik al jou krag om kalm te word. Selfs vyf sekondes se rustig asemhaal kan 'n groot verskil maak. Baie mense se reaksie op 'n krisis is gerig op die stres wat die situasie veroorsaak, nie oor die rede vir die krisis nie.

Kry jou perspektief in plek

Neem 'n stap terug en kyk na die situasie objektief. Veral as dit 'n komplekse probleem is of oor jou geliefdes gaan, kan 'n professionele persoon of 'n vriend of familielid vir jou perspektief verskaf. Dit kan ook baie beteken om met 'n persoon te gesels wat deur dieselfde krisis gegaan het.

Fokus om jou doelwitte

Om te onthou hoekom jy 'n sekere weg aangedurf het, kan jou perspektief verskaf om hierdie krisis suksesvol te hanteer. Iemand wat 'n struikelblok in 'n besigheid beleef moet onthou wat die rede in die eerste plek was dat die besigheid begin is, byvoorbeeld om jou eie baas te wees of om meer tyd met jou kinders deur te bring.

Tel jou seëninge

Dit is nie altyd maklik in 'n krisis nie, maar om te dink aan alles waaroor jy dankbaar is sal jou sommer laat beter voel. Dankbaarheid verskaf ook energie om krisisse suksesvol te hanteer.

Leer iets hier uit

Is dit nie so dat sekere slegte ervarings oor en oor met sekere mense gebeur nie? Sekere mense word byvoorbeeld herhaaldelik in besigheid ingedoen. Die realiteit is dat, tot jy nie die les geleer het nie, sal die selfde krisse weer in die toekoms voorkom. In Lane se geval moet hy leer om sy motor beter te onderhou sodat hy nie weer op pad in die steek gelaat word nie.

Weet wanneer om vir hulp te vra

Weet wat jou beperkings is -  vra die hulp van 'n kundige indien nodig. As jy elke jaar 'n belasting-krisis het as  jy self die belastingvorms ingevul het, is dit dalk tyd om van 'n belastingadviseur gebruik te maak

Myles Munroe skryf in sy eBoek dat almal die een of ander tyd 'n krisis die hoof moet bied. Ons beland onverwags of onvermydelik in situasies waaroor ons geen beheer het nie. Ongelukkig beskik ons nie altyd oor die nodige intellektuele, emosionele, sielkundige en geestelike toerusting om sulke omwentelinge geslaagd en doeltreffend te trotseer nie. As dit vir jou bekend klink, is hierdie eboek vir jou bedoel.

Lees Oorkom enige krisis en besluit vandag om bo jou omstandighede uit te styg en die krisis te oorkom.

Matthew Cain skryf in sy Blog dat baie biblioteke in Engeland deesdae beheer word deur vrywilligers of selfs heeltemal hul deure toegemaak het. Volgens Matthew is die algemene ontevredenheid deur publiek oor die stand van sake te verstane maar volgens hom is daar nog 'n aspek wat 'n invloed het op die toekoms van biblioteke: eBoeke.

Baie biblioteke in Engeland het begin om eBoeke uit te leen. Die leser laai 'n eBoek direk af van die biblioteek se webtuiste, en as die uitleenperiode verby is verdwyn die eBoek eenvoudig van die e-leser of tablet-rekenaar af.

Janene Cox, die president van die Vereniging van Hoof Bibliotekaresse in Engeland is positief oor die invloed wat eBoeke kan hê op biblioteke. Volgens haar moet biblioteke relevant bly om te verseker dat gebruikers voortgaan om hul dienste te gebruik. Die voordele van eBoeke vir gebruikers van biblioteke is dat dit 24/7 gerieflik afgelaai kan word op die gebruiker se eie toestel.

Die realiteit wat biblioteke in Engeland in die gesig staar is dat 10% van alle boeke wat verkoop word eBoeke is. Amazon verkoop reeds meer eBoeke as gedrukte boeke. Biblioteke sal eBoeke moet uitleen om relevant te bly. Daar is natuurlik volgens Matthew die vrese dat die eBoeke wat biblioteke uitleen, onwettig gekopieer sal word. Die vraag is ook as gebruikers eBoeke gratis kan leen, of enige iemand ooit weer 'n boek gaan koop.

Die oplossing is moontlik die skema in Engeland waar skrywers elke keer as 'n Boek uitgeneem word vergoed word en daar word beplan om die stelsel uit te brei na eBoeke.

Die lekkerste stories word vertel met aangrypende klank en meesleurende video beelde. Dink net watter inpak sal eBoeke hê as dit ontplof van die bladsye af! eBoeke laat verskeie onderwerpe net nie tot sy reg kom nie. Dink net hoe radikaal sal 'n kook- eBoek wees wat na die bestanddele-lys ook sommer vir jou 'n video wys oor hoe die gereg berei word. Ek het onlangs 'n beskadigde skerm van 'n skootrekenaar vervang en het stap vir stap die instruksies van 'n You Tube video gevolg. Enige handleiding moet eintlik klank en beeld by hê.

Nou is daar 'n uitgewer wat dit moontlik maak: vook. Vook staan vir Video + Book. 'n Vook is 'n warmgemaakde eBoek wat teks, video en internetskakels kombineer. Die video is geintegreer op die eBoek bladsy, en die leser kan na die video kyk soos wat hy of sy die teks lees.

Hierdie multimedia eBoeke is baie indrukwekkend op 'n iPad maar Vook het ook 'n persoonlike rekenaar-leser. Die gebruik van tablet- rekenaars is besig fenomenale afmetings aan te neem en die kyk van aanlyn- video's is besig om te ontplof.

Kombineer multimedia met self- publikasie en eBoeke sal die mark transformeer soos wat die mp3 speler of die iPod gedoen het. Self- publikasie van eBoeke is nie meer gestigmatiseer nie en gereeld wen eBoeke  gedrukte weergawes met verkope.  Net deur die feit dat die leser hierdie artikel NOU lees is 'n teken dat tegnologie die uitgewersindustrie omgedop het. Multimedia eBoeke verskaf 'n kreatiewe, dinamiese medium om uit te staan, die slimfoon- mark te kaap en inpas te bly met die nuutste tegnologie.  Laat myAfrikaans jou eBoeke kombineer met 'n vook.

Kliek hier vir meer inligting oor selfPub by myAfrikaans!

Richard C. Frank, MD vertel van 'n paartjie wat verslae in sy spreekkamer gesit het. Hul liggame het sommer onwillekeurige bewegings gemaak, soos 'n styfgespanne rekkie wat breek.

Richard skryf dat dit sy werk is om hulle pyn op 'n manier beter te maak – maar hoe?

Die paartjie was in hul sestigs, al getroud vir jare en mal oor die lewe. Die diagnose twee jaar gelede was verpletterend, longkanker. In hierdie pasiënt se geval was daar 'n ligpunt, die spesifieke kanker reageer goed op behandeling. Die standaard behandeling van ses dosisse chemoterapie het 'n slagveld van haar liggaam gemaak. Die kanker het vir twee jaar weggebly danksy gevorderde medikasie wat die probleemselle onskadelik maak.

Lewe was weer 'n fees van reis, staproetes, inkopies en om mekaar se geselskap te geniet.

Maar op 'n dag vind die kanker toe 'n manier om die medikasie 'n streep te trek. Haar man kon dit net nie aanvaar dat daar nie meer 'n kuur vir haar siekte was nie, en het vas geglo dat die wetenskap 'n oplossing sal voorsien. Iemand sal iewers die antwoord hê! Die realiteit was: hulle het ophou lewe. Sy het nie die fisiese of emosionele energie gehad om die dinge te doen wat hulle van hou nie en hy het kompulsief 'n kuur vir die siekte gesoek.

Richard het besef dat hy hulle sal moet wakker skud en het met soveel moontlike oortuiging aangespreek  “Julle moet vir vandag lewe!”.

-Dit het gelyk of hulle 'n bietjie ontspan-

Richard het sy reguit manier verder gegaan: “ Julle weet hierdie kanker kan nie genees word nie, meer behandeling is nou nodig maar dit moet gekombineer word met 'n gehalte lewe. Moenie uitstel om werklik te lewe nie want niemand weet hoeveel dae oor  is nie. Lewe vir vandag!”

Dit was nie vir hulle lekker om dit te hoor nie, maar hulle het die boodskap gekry. Hulle het geglimlag, begin ontspan en mekaar se hande vasgehou soos hulle uit die spreekkamer gestap het.

“All you have is today. The past is gone. The future is yet to be. Peace of mind only exists in the present. Worry about the past and fear of the future are two emotions that keep you from living the moment and rob you of the beauty of today. Living in the present is living life to the fullest, as if each day were your last. The simple pleasures of the moment are yours for the asking. All you have to do is take the time to pause by the flowers and savor their scent, hug your children and tell them you love them every chance you get, savor the smells of the food you are cooking, and give thanks for the gift of life and waking up to a brand new day.”

Lees gerus die Afrikaanse eBoek : Elke Dag 'n Vrydag oor hoe die beste van elke dag te maak.  

Laai die Aldiko eBoeke leser op jou Adroid toestel

Verkry 'n Adobe Digital Editions ID op 'n persoonlike rekenaar

'n ADE ID kan ook direk verkry word op die Android toestel:

Maak die Aldiko-leser oop

Kliek op die keuse ikoon (3 strepies) regs bo in Aldiko

Kies instellings (settings)

Kies Adobe DRM

Teken in as jy reeds 'n ADE ID en wagwoord het, en jou Android toestel sal gemagtig word vir ADE

Indien jy nie reeds 'n ADE ID het nie, kies registreer (register) en verkry 'n ADE ID

Druk op die groen registreer ikoon en jou Android toestel sal gemagtig word vir ADE

Doen die volgende om die eBoek wat jy gekoop het by myAfrikaans aftelaai op die Android toestel:

Kies die winkeltrollie ikoon

Kies dan langs die winkeltrollie die drie strepies wat 'n keuse-lys sal oopmaak

Kies my katalogus en daarna die + teken regs bo

Voeg dan myafrikaans in by die katalogus deur die url

myafrikaans.com/customer/account/login/ in te voeg

Die skakel na myafrikaans kan enige naam gegee word

Kies dan die pyltjie langs die myafrikaans url en teken in by jou rekening by myafrikaans

Kies My e-produkte

Kies die Pdf of ePub dokument wat jy wil aflaai.

Aldiko gaan nou outomaties die ADE wagwoord die eerste keer vra.

Die eBoek sal nou in die Aldiko-leser oopgemaak word.

Video: Lees van eBoeke op 'n Galaxy Tab of ander Android toestel

< /div>

]]> Sat, 30 Jun 2012 19:31:29 +0000 http://myafrikaans.com/blog/in_n_oogwink/

 

Die Afrikaanse eBoek: In 'n oogwink nou slegs R62! Sarah Harper sal enigiets doen om sukses te behaal. Sy staan nie vir enigiets of enigiemand terug nie. By die werk moet sy net eenvoudig bo uitkom; by die huis dryf sy haarself om ‘n superma te wees. Die pas waarteen sy leef is so vinnig soos die motor waarmee sy ry. Die lewe is bedoel om geleef te word, en Sarah Harper is daarop uit om alles uit die lewe te haal wat sy kan. Vir haar kinders is Sarah so lief dat haar asem skoon wegslaan as sy daaraan dink. Sy het haar man ook baie lief, maar ongelukkig voel dit vir hom hy moet met haar werk kompeteer vir haar aandag. Dit laat haar skuldig voel, maar die begeerte om ‘n sukses te wees is allesoorweldigend. Tot een koue, reënerige herfsoggend. Soos gewoonlik jaag Sarah werk toe en wanneer sy ‘n brug oorsteek, begaan sy ‘n berekeningsvout. En so verander haar lewe in ‘n oogwink. Haar motor verlaat die pad en sy beland in die rivier. Die kanse dat sy kon oorleef, is skraal en reddingsbeamptes begin naarstiglik soek na haar liggaam. Wat hulle nie besef nie. Is: Sarah leef nog. Dit wat Sarah in hierdie oomblikke beleef, beïnvloed haar hele uitkyk op die lewe – die verlede, die hede en die toekoms. Haar wêreld sal nooit , ooit weer dieselfde wees nie. In ‘n oogwink is ‘n meesleurende roman geskryf deur Joyce Meyer en Deborah Bedford. Verdiep jou in die verhaal van ‘n vrou wat die dood moes ervaar om die lewe te verstaan. http://myafrikaans.com/in-n-oogwink.html

]]> Sat, 30 Jun 2012 10:30:01 +0000 http://myafrikaans.com/blog/prof/

Hoekom dit sin maak om 'n Professionele eboek te publiseer by myafrikaans.com!

Die publikasie van 'n beroepsgerigde eboek is 'n uitstekende bemarkingstap en met die hulp van myafrikaans.com nou makliker as ooit. 'n Eboek kan dalk net die kompeterende voordeel verskaf wat jou onderneming laat uitstaan teen mededingers. 'n Beroepsgerigde eboek is 'n toonvenster van die kundigheid van die outeur en moontlikhede van die nuwe besigheid wat dit kan inbring is legio.

Die voordele om jou eie eboek te publiseer is oorweldigend, maar daar is ook sekere slaggate! Om jou beroep/besigheid te ken is een ding, maar om dit oor te dra op 'n wyse dat die leser dit interessant sal vind is heeltemal 'n ander ding. Die doel van die eboek moet eerstens verkope wees en tweedens om die markaandeel van die besigheid te vergroot.

Vyf nuttige wenke om 'n Professionele eboek op myafrikaans.com te publiseer:

1. Kies 'n nis-mark. Daar is baie self gepubliseerde boeke op die internet en dit is moeilik vir kopers om die regte een te kies. Deur jou onderwerp baie spesifiek te maak sal jy kopers aantrek om jou eboek te koop. Deur jou onderwerp te fokus op 'n spesifieke aspek van jou kundigheid word die geleentheid geskep om in detail die onderwerp te bespreek en die lesers die waarde van jou kundigheid te laat besef. Voorbeelde van gewilde eboeke is:  Hoe om jou eie lapa te bou of Ontwikkel jou eie webwerf.

2. Skryf die eboek persoonlik maar moet dit nie self taalkundig versorg nie. Jy is 'n kundige in jou veld maar nie noodwendig ervare met die versorging van dokumente nie, wat 'n spesialisveld is.

3. Ontwerp 'n voorblad wat die oog vang. Die voorblad kan dalk net die rede wees hoekom jou boek word gekies bo 'n ander.

4. Die groot klagte teen Afrikaanse eboeke boeke is dat dit te duur is. Bemark jou eboek met 'n onder die markwaarde koopprys . Dit beteken 'n laer wins maar 'n goeie sirkulasie wat meer besigheid en kontakte sal beteken.

5.Bemark die boek op myafrikaans.com te plaas!

Image: FreeDigitalPhotos.net

]]> Fri, 29 Jun 2012 15:13:19 +0000 http://myafrikaans.com/blog/meyer/ Ongelooflik, 30% korting met Deon Meyer Afrikaanse eBoek naweek.

Een speurder. Ses Slagoffers. Sewe Dae ...

Ek sal elke dag ‘n poliesman skiet, tot julle die moordenaar van Hanneke Sloet aankla, lees die dreigbrief aan die SAPS. En dan begin hy hulle afmaai. Bennie Griessel is die een wat die dossier moet heropen. Die saak is 40 dae oud, die spoor is koud. Daar’s geen motief nie, geen leidrade nie, net ‘n reeks naakfotos, ‘n hoogs ingewikkelde saketransaksie, en onmenslike druk van topbestuur, die media, en die meedoënlose, onpeilbare sluipskutter. En deur dit alles moet Griessel sy nuwe vriendin, die sangeres Alexa Barnard, weghou van die bottel voor haar groot terugkeer-konsert, sy seun keer om nie skandes te maak nie, sy kollegas weerhou om die ondersoek te kelder, en sy eie, verterende lus vir die helende kragte van die drank in toom probeer hou. Sewe dae van hel.

Kliek hier om die gewilde Afrikaanse eBoek Sewe dae te koop!

 

The Boeke Prys Fanatics Choicetoekenning vir 2011 is die jongste eer vir 'Dertien Uur', net twee weke nadat die boek aangewys is as die Beste Spanningsroman in die Barry Awards by Bouchercon in St Louis, VSA, op 15 September 15. "Dit was 'n reuse-eer om tuis en oorsee dié soort erkenning te kry," sê Deon. Dié roman was ook op die kortlyste vir die 2011 Macavity Award vir Beste Speurroman, die Britse CWA International Dagger-toekenning en die Suid-Afrikaanse Sunday Times-letterkundeprys. Dit het in 2009 die ATKV-Prys vir Beste Spanningsroman en die Mees Filmiese Roman-toekenning van M-Net ontvang.

Kyk na die Afrikaanse eBoek 13 uur!

Spoor was vir twee maande die nommer een topverkoper in Suid-Afrika, en word in 2011 in Engels in die VSA, Brittanje en Kanada uitgereik met die titel 'Trackers'.

In Duitsland sal dit in Oktober beskikbaar wees (Duitse vertaling: 'Rote Spur') en in Frankryk teen September. Die Franse titel is nog nie bekend nie. (Loer gerus op die Engelse blad na die voorblaaie van die buitelandse uitgawes.)

Die boek sal ook in 2011 en 2012 in Sweeds, Noorweegs, Nederlands en Italiaans beskikbaar wees.

Kliek hier om Deom Meyer se Afrikaanse eBoek te koop.

]]> Fri, 29 Jun 2012 09:22:32 +0000 http://myafrikaans.com/blog/weldade/

Hierdie lekker lees Afrikaanse eBoek van Piet Schoombie maak mens weer lus om Afrikaans te lees!

Die temas in die boek kan opgesom word as verteenwoordigend van die eeu-oue stryd tussen goed en kwaad. Daar is verhale met ’n Bybelse agtergrond, verhale met ’n evangeliese strekking, misdaad in verskillende vorms, so wel as sosiale euwels en probleme van die hedendaagse lewe. Daar is selfs ’n verhaal met ’n sterk wetenskapfiksie-inslag.

 Uittreksel uit die kortverhaal uit die vars Afrikaanse eBoek: Doodstyding

Dries het eers laataand uit die gemeente by die pastorie teruggekom. Hy was moeg en emosioneel gedreineer na verskillende sieke-besoeke. Die laaste daarvan was by oom Flip Koekemoer. Hy en sy twee susters woon in ’n beskeie kliphuisie in die middel van hierdie klein dorpie tussen die berge. Nie een van hulle was ooit getroud nie en het in hulle jonger jare as bywoners op ’n plaas in die distrik gewerk. Nou is hulle oud, arm en alleen en baie op mekaar aangewese.

Oom Flip is die afgelope tyd ernstig siek en swak en word deur sy susters versorg met behulp van die klinieksuster, wat hulle een maal per dag besoek. Dries en die plaaslike dokter het al gesoebat en gesmeek, maar die susters weier dat hy in die buurdorp se hospitaal opgeneem word. Hulle glo dat ’n mens in jou eie bed moet sterf. Geen ordentlike mens behoort in die onpersoonlike kliniese atmosfeer van ’n hospitaal dood te gaan nie! Dit is die gedagtes wat in Dries se kop ronddraai nádat hy in die bed geklim het. Die susters het belowe dat hulle hom sou bel as die einde aanbreek. Dries sug terwyl hy sy moeë lyf dieper tussen die warm lakens inwikkel.

Dit is winter en die sneeu lê spierwit op die bergpieke rondom die dorpie. Hy hoop maar dat oom Flip nog dié nag sal oorleef. Dit is ’n marteling om in die ysige koue jou warm bed te moet verlaat om ’n sterwende en sy familie te gaan bystaan nie! Terwyl hy dieper en dieper in die salige newels van die slaap wegsink, was daar tog êrens in sy brein ’n wekkertjie gestel. ’n Meganisme wat soort van gewag het dat die telefoon êrens in die nag-ure moes lui. Toe die telefoon wel lui, het Dries outomaties gereageer en die gehoorstuk vinnig opgetel, sodat sy vrou nie sou wakker word nie. “Flip is op sy laaste, dominee. Kom asseblief?”

 

Kliek hier om die lekker lees Afrikaanse eBoek te koop!

Image: FreeDigitalPhotos.net

]]> Thu, 28 Jun 2012 18:59:56 +0000 http://myafrikaans.com/blog/venter/

Al J Venter is 'n kenner oor die rol van die huursoldaat in konflikte.'

"“Huursoldaat” is ’n gelade term. Wat is jou siening?

Ek het geen probleem met die mense waarna die media as “huursoldate” of “mercenaries” verwys nie. Dit is dieselfde beroepsoldate wat verskeie oorloë in Angola en Sierra ­Leone omgedraai en in die proses talle lewens gered het. 

Daardie ouens is almal ervare, gedissiplineerde troepe wat in oorloë betrokke was – en party van hulle is steeds in die Midde-Ooste en Sentraal-Asië en meer onlangs in en om Somalië.

Westerse weermagte (en die Israeli’s, neem kennis), met enkele uitsonderings, val nie in dieselfde kategorie nie. Hul troepe is ondoeltreffend opgelei vir ongenaakbare omstandighede, die veeleisende woestyn- of oerwoud­omgewing, en het sag geword. 

Hulle het hul selfone nodig, iPods en baie, baie rus en ontspanning. Die meeste van dié troepe is huiwerig om inisiatief te neem tydens oorlog. 

Nie daardie Suid-Afrikaanse veterane wat die wekroep beantwoord het en respek afdwing vir hul kundigheid oorsee nie – hoewel jy ver sal moet soek na ’n Brit of Yank wat dit in die openbaar sal erken. Maar dis net hoe dit is."

Lees die volle berig in Beeld.

Al J Venter se kan-nie-neersit eBoek is nou beskikbaar teen 40% korting. Kliek hier.

 

Foto: Beeld.com

]]> Thu, 28 Jun 2012 08:26:36 +0000 http://myafrikaans.com/blog/rock/ Verassende uittreksel uit die Afrikaanse eBoek Mieke rock uit, waarin die 25-jarige, pasgeskeide Mieke die pad vat saam met haar sussie Kayla en ‘n band genaamd “Siek”: Mieke klap die kattebak van haar Chico hard toe. Maar die ding spring terug en tref haar amper in die gesig. “Kaylaaaa!” roep-skree sy. Kayla verskyn in die voordeur. “Jy sal jou koelsak voor by jou moet hou.” Mieke maak die kattebak heeltemal oop, tel Kayla se drankvoorraad met ’n gesukkel uit. Kayla tuit haar mond. “Maar Darling en al haar stuff moet ook nog inpas, onthou?”

Mieke asem stadig in. Hier staan sy, karretjie gepak vir die Siek Pad Partytjie (soos Kayla dit gedoop het), voor haar ouerhuis op ’n laatmiddag in Pretoria. Wat het met haar gebeur?

Was dit omdat die onderhoudvoerder by die aanlyn-tydskrif haar duidelik laat verstaan het dat honderde ander kandidate vir die vertaalpos aansoek gedoen het? Of was dit omdat hulle haar nooit vir ’n tweede onderhoud gebel het nie? Was dit toe dat iets in haar brein uitgehaak het?

 

Lees verder by NB Uitgewers

Koop die Afrikaanse eBoek hier!

Afbeelding: Rapport

]]> Wed, 27 Jun 2012 14:24:47 +0000 http://myafrikaans.com/blog/topverkopers/

 

TOPVERKOPERS 11 tot 17 Junie 2012

Kliek op die titel om een van die Afrikaanse eBoek teen 80% korting te koop.

Dis ek, Anna – Elbie Lotter / Anchien Troskie

Die staat teen Anna Bruwer – Anchien Troskie

Jesus is die een - Prof. Johan Janse van Rensburg

Klein lewe – Wilna Adriaanse

Bron: Boeke 24

Graffiti-boekwinkels, Pretoria

Fiksie
1. Die staat teen Anna Bruwer – Anchien Troskie
2. Grensoorlogstories – Jeanette Ferreira
3. Dis ek, Anna – Elbie Lotter / Anchien Troskie
4. Eendagmooi – Kristel Loots
5. 50 Shades of Grey – E.L. James
6. Boere-oorlogstories 2 – Jeanette Ferreira
7. Soekend na liefde – Kristel Loots
8. Tjoklits vir die siel – Susan Coetzer
9. Klein lewe – Wilna Adriaanse
10. Karos orie duine – Hans du Plessis

Nie-fiksie
1. Riaan Cruywagen : Wat’s nuus – Riaan Cruywagen 
2. Toe slaan die tronkdeure agter my toe – Koos Swart
3. Politically Incorrect – Peter de Villiers
4. Onthou – Elria Wessels
5. Afval & Afvalligheidjies – Dine van Zyl
6. Briewe aan my kinders – Jonathan Jansen
7. Ons was daar – Jannie Geldenhuys
8. Boerekryger – Albert Blake
9. Neem beheer oor jou emosies – Joyce Meyer
10. Niklaas van Rensburg die Siener – AWG Raath

 

Protea Boekwinkel, Brandwag-sentrum, Bloemfontein

Fiksie
1. Boereoorlogstories 2 - Jeanette Ferreira
2. Grilbrigade - Fanie Viljoen
3. Om 'n ster te vang - Elana du Toit 
4. Nova 3 Bloedbroers - Fanie Viljoen
5. 13 Spookstories - Fanie Viljoen, Jaco Jacobs en Francois Bloemhof
6. Grensoorlogstories - Jeanette Ferreira
7. Moord op Francis Victor - Jan van der Merwe
8. Gatiepie se groot grapboek - Kevin Ehrenreich
9. Games of thrones - George Martin
10. Staat teen Anna Bruwer - Elbie Lotter

Nie-fiksie
1. Boerekryger - Albert Blake
2. Politically incorrect - Pieter de Villiers
3. Wie het God geskep - Jan van der Merwe
4. Jesus is die een - Prof. Johan Janse van Rensburg
5. Boer Whore - Nico Moolman
6. Wat is my doel op aarde - Rick Warren
7. Suid-Afrikaanse alfabet - Alex Latimer 
8. Golgotha van die oseane - Jeanette Grobbelaar 
9. Boerperd - Kobus du Toit 
10. Raai raai riepa - G. van Rooyen &  S. Pellissier

]]> Fri, 22 Jun 2012 11:43:37 +0000 http://myafrikaans.com/blog/lysie/

Die Afrikaanse eBoek Lysies vir die liefde is vandag slegs teen R27.41 beskikbaar.

 

’n Roos, ja, maar een met luise en dorings

 Cecile Cilliers in Beeld  

Amalie laat weet sy gaan vandag vir haar tiener ’n Valentynstee gee, met kolwyntjies en hartjies en ’n groot pienk koek. Sommer vir die lekker. Soos die meeste van die VSA is haar geweste se winters gewoonlik bitter koud en bitter lank. Veral lank, dié dat die Amerikaners konstant rede soek om te vier, ’n kleurvolle vrolikheid om die grysheid op te kikker. Nie dat ekonomiese redes buite rekening gelaat moet word nie – die Amerikaanse volk is verbruikers by uitstek. Wanneer die herfsblare begin verkleur, word Hallowe’en gevier, met alles wat geel en oranje is in die winkels. Dan volg Thanksgiving, en oornag neem die Pelgrimvaders en kalkoene oor en stroom al wat Amerikaner is huis toe, ma toe, vir die tradisionele ete. Dan kom Kersfees met ’n oordaad van versierings en dinge wat te koop is, en vyf weke later Valentynsdag. Nou wemel dit weer van rooi rose en rooi harte en pienk strikke en vonkelwyn in die glas: Die liefde word voluit gevier. Met Paasfees loop die wintervierings oplaas ten einde.

Paaseiers en -hasies kondig die lente aan en die begin van die lang, warm somer. Hoe klakkeloos loop ons agterna! Nie hééltemal klakkeloos nie, want ons seisoene werk dit teë. Maar Hallowe’en (wat gaan dié vreemde fees ons tog aan?) begin al hoe meer kop uitsteek soos verkoopsgeleenthede gesien word vir grieselige goeters en makabere maskers. Coca-Cola se Kersvader met sy ronde, rooi gesig en sy dawerende “Ho Ho Ho” het ook van óns Kersgety simbool geword. Thanksgiving is ons nie beskore nie, dis uit en uit ’n historiese Amerikaanse fees. Ongelukkig, want dis die een fees, die hype daaromheen ten spyt, wat vir ’n ganse nasie ’n bindende, samesnoerende faktor beteken, sonder enige politieke of rassekonnotasies. Broodnodig vir óns.

En Valentynsdag? Dis ’n ou fees. Sint Valentyn het as Christenmartelaar gesterf aan die einde van die 3de eeu. Hoe hy gesterf het, weet ons nie, weet wel sy feesdag was 14 Februarie. Die stuur van briefies en die gee van geskenke op daardie dag is egter ’n heidense gebruik uit die aanbiddingsrites van Juno, koningin van die Romeinse gode. Dat dit met Valentyn se feesdag saamval, is bloot toevallig. Myns insiens, synde vroulik, is dit ’n mooi fees, mits perspektief behou word. Jare gelede bring ek een Februarie-oggend vir John ontbyt stoep toe. Op my servet het hy ’n roos neergesit wat hy oomblikke gelede met sy knipmes in die tuin gaan sny het. Ek tel dit gevlei op. Gelukkige Valentynsdag, sê John. Ons was nooit wafferse tuiniers nie en die mooi kleur ten spyt is die roos vol plantluise, die steel vol dorings. Dankie, sê ek, nie sonder waardering nie, maar lig skepties. Dis soos die liefde moet wees, sê hy. Immer romanties, maar met die nodige perspektief. 'n Valentijn Roos.    

Lees die rubriek op Beeld.com

Image(s): FreeDigitalPhotos.net

]]> Thu, 21 Jun 2012 06:46:58 +0000 http://myafrikaans.com/blog/nou/

Is jy moeg en tam, lusteloos?

deur Dr ST Potgieter

Sukkel jy om deur een dag tot ‘n volgende te kom? Strompel jy voort sonder om werklik jou drome en doelwitte te bereik? Voel jy soos ‘n mislukking?

Mense sien hoe geleenthede soos treine verbystoom en jy bly alleen op die stasie staan. Dis net die leë spore, want die trein van geleentheid is weg. Jy wil huil van frustrasie, want jy voel magteloos om iets te doen om jou volle potensiaal en menswees uit te leef. Die jare stap aan en jy wil so graag nog veel bereik, maar dis of vrees en finansies, mislukkings uit die verlede en onkunde jou blokkeer.

Dalk is jy hoogs suksesvol – miljoene in die bank. Maar jy is ongelukkig en ontevrede met jou lewe.

Voel jy die weke en maande loop onkeerbaar soos water deur jou vingers? Dit raak naderhand jare – en dis soos verlore jare – en jy wonder by jouselwers: “Wat de flip het van my lewe geword?”

 

Maak jou drome 'n werklikheid!

Hoekom bly jou drome jou ontwyk?

Hoekom bereik party mense net nooit hulle drome nie?

Onthou jy jou drome?

• Die skildery van Tafelberg wat jy nog wou gemaak het
• Plekke wat jy nog wou besoek het
• Die boek wat jy wou skryf
• Die rugsaktoer deur Europa

Wat het geword van jou idees en jou drome?

Wat is droom werd?

Wat is ‘n idee werd?

Op sy eie is ‘n droom of idee eintlik niks werd nie.

• ‘n Gholfstok op sy eie beteken niks. Maar sit die gholfstok in Ernie Els se hande en dit is ‘n ander storie.
• ‘n Mikrofoon alleen is maar net ‘n mikrofoon. Maar sit Neil Diamond agter daardie mikrofoon en duisende mense word betower.
• Wat is sleutelbord en rekenaar nou eintlik. Maar sit Deon Meyer agter daardie rekenaar en jy kry die beste in spanningsverhale.

Daarom jou idee is nie veel werd op sy eie nie. Dit is eers wanneer dit in jou hande is en jy daadwerklik iets daarmee doen, dat jou idee en droom krag en energie kry. Dis eers wanneer jy jou idee in aksie omskep wat sukses bereik word.

Wat keer mense om voluit vir hulle idee / drome te gaan? Hier is ‘n paar faktore:

• Veilig – mense verkies hul gemaksone
• Vrees – bang vir mislukking
• Luiheid
• Nie duidelike doelwitte nie
• Breek nie die droom in kleiner doelwitte op nie
• Gebrek aan deursettingsvermoë
• Jy bly aanhoudend uitstel

Wat is die gevolge daarvan as jy jou drome laat gaan?

• Minderwaardigheid  - jy sien wat ander bereik het
• Selfverwyt – “AS EK MAAR NET”
• Depressie - neerslagtigheid

Het die oorgang na verskillende fases iets te doen met ‘n mens se drome?

• Oorgang van adolessensie na jong volwassenheid – hier word jy nou met ander werklikhede gekonfronteer. Studies, eerste blyplek, eerste werk, moontlike verlowing en huwelik, jou eie kinders.
• Volwassenheid na middeljare – nuwe werklikhede. Jy moet byvoorbeeld dink aan jou aftrede, jou kinders se studies, jou bevordering in die werk.
• Middeljare na oud word - wat gebeur met jou drome wanneer jy die finale fase van jou lewe betree? Wanneer jy besef dit wat jou jeugdrome was, nooit gerealiseer het nie?
• Dan is ook LEWENSVERANDERENDE gebeure – soos ‘n motorongeluk, die dood van jou kind, ernstige siekte, jy verloor jou werk, jy wen die lotto, jy maak ‘n groot deurbraak. Dit het ‘n groot impak op jou drome en jou idees.
• Daar kom ‘n tyd om ou drome te laat gaan en plek te maak vir nuwe drome

Hoe kan jy jou drome bereik? Watter beginsels is belangrik?

• Jou droom moet gerugsteun word deur aksie. Sonder aksie beteken jou drome niks. Neem klein stappe en jy sal sien elke klein stap lei tot ‘n volgende stap en uiteindelik tot die verwesenliking van jou droom.
• Kies ‘n dinamiese en positiewe houding. Moenie jou dae vul met negatiewe gedagtes nie. Wees ernegiek, wees buigsaam, wees in beheer. Doen die regte keuses vir ‘n positiewe gesindheid.
• Twee belangrik kwaliteite: deursettingsvermoë en geduld. Sukses is nie sommer oornag nie. Dit verg van jou deursettingsvermoë en baie geduld. Mount Everest word nie in ‘n dag geklim nie. Dit neem lank (soms jare) om die voorbereiding en beplanning te doen om net die klimtog moontlik te maak en dan begin die eintlike klim eers.

 
Wanneer ‘n mens nou ‘n groot idee het wat jy wil doen – wat is stappe wat jy moet volg?

• Kry jouself georganiseerd. Jy moet jou planne in struktuur kry. Wanneer alles rondom jou in deurmekaar of in chaos is, raak dit moeilik om te fokus op jou drome. Sorteer jou lewe uit, sorteer jou lessenaar uit, kry die rompslomp uit jou lewe.
• Kry samewerking / kry vir jou ‘n span. Selfs Mark Shuttleworth het ‘n span gehad. Chris Barnard wat die eerste hartoorplanting gedoen het, kon dit nie alleen doen nie. Hy het ‘n span saam met hom gehad. Neil Amstrong kon nie op die maan loop sonder  die hele NASA-span agter hom nie. Sol Kerzner het nie Sun City homself gebou nie – hy het ‘n span gehad.
• Toon leierskap. Jy moet persoonlike leierskap vertoon. Dis jou projek, dis jou idee. Jy kan nie vir iemand anders wag nie. Jy moet opstaan en jy moet doen. Jy moet voorloop en die pas aangee. As jy jou idee wil laat maak werk, dan moet jy dit doen.

Besoek Dr St se webwerf!

Kliek hier om die Afrikaanse eBoek te koop!

Image(s): FreeDigitalPhotos.net

]]> Wed, 20 Jun 2012 08:08:51 +0000 http://myafrikaans.com/blog/joyce-meyer/

Koop slegs vandag (19 Junie) Joyce Meyer se Afrikaanse eBoek oor selfvertroue vir slegs R15.66.

Plaas die Afrikaanse eBoek op jou selfoon of tablet-rekenaar en lees dit net waar jy is. Kliek hier om te sien hoe om maklik die dagstukke van Joyce Meyer oor te gedra na jou selfoon of tablet-rekenaar.

 

10 stappe na selfvertroue

(Hierdie is 'n geredigeerde weergawe van 'n artikel wat oorspronlik in Huisgenoot-POLS / YOU Pulse verskyn het.)

1. Kyk en leer
Hoe vroeër jy aan 'n selfversekerde rolmodel blootgestel word, hoe beter is dit vir die ontwikkeling van jou eie selfvertroue. Maar daar is een voorwaarde: jou rolmodel moenie egosentries wees nie. Hy of sy moet ook in jou belangstel.

Kom ons veronderstel jy word saam met 'n gladdebek-ouer broer groot; as sy selfvertroue hom selfsugtig of egoïsties maak, sal jy meer geneig wees om dit as negatief te ervaar en dit te verwerp. Maar laat daardie broer jou onder sy vlerk neem, en jy sal na hom opsien en leer uit sy sosiaal bedrewe styl.

Aksieplan: Dit is nooit te laat om 'n mentor te kry nie. Kies 'n vriend, kollega of familielid wat selfvertroue uitstraal en 'n aanvoeling het vir sosiale interaksie – maar maak seker dis iemand met nederigheid wat jou beste belange op die hart dra. Dan moet jy kyk en luister en dié persoon se optrede ontleed. Gee veral aandag aan hoe hulle praat, loop en hul fisieke houding. As jy selfvertroue in aksie sien, is dit die eerste stap om jou eie selfvertroue op te bou.

2. Praat met jou lyf
Jou fisieke houding weerspieël jou bui – as jy depressief voel, is dit waarskynliker dat jy sal slenter, jou arms sal vou of sal frons. Maar dit werk ook andersom, want wanneer jy jou liggaam toevou en jouself "vashou" (deur byvoorbeeld jou arms te vou), vloei daar minder "gelukkige hormone" deur jou brein.

Dit is dus duidelik dat jou bui jou liggaamshouding kan na-aap. Wanneer jou liggaam en gesig selfversekerdheid uitdruk, word dit dikwels deur werklike selfversekerdheid gevolg.

Aksieplan: Werk daaraan om 'n oop postuur te handhaaf. Hou jou rug reguit, skouers terug, kop regop en jou arms ongevou. En oefen om lang, sterk treë met dié oop houding te gee. Hoekom dink jy leer hulle modelle om so te stap? Omdat dit selfversekerdheid uitstraal.

Laat jou lyf vir jou werk deur reg aan te trek. As jy soos 'n boemelaar lyk, sal jy soos een voel, maar as jy in 'n rooi nommertjie of 'n snyerspak verskyn, sal jy outomaties meer selfversekerd lyk en optree.

3. Praat harder
Skaam mense praat saggies, asof hulle nie gehoor wil word nie. Jy hoef nie te gil of te skree om selfvertroue op te wek nie, projekteer net jou stem – ’n bietjie harder as wat vir jou gemaklik is. Dit sal nie vir ander mense so hard klink nie en jy sal jou persoonlikheid beter laat geld.

Aksieplan: As jy in 'n sosiaal uitdagende situasie is, wag 'n oomblik voor jy begin praat en herinner jou daaraan dat jy iets positiefs het om by te dra. Sê dit dan. Mooi hard.

4. Spieëltjie aan die wand...
Dit help om jouself vol selfvertroue te sien – veral as skaamheid jou aan jou sosiale vaardighede laat twyfel. Wanneer jy 'n prentjie van jouself in jou kop het as iemand vol selfvertroue, sal jy dit makliker vind om sjarmant te wees en die verskillende selfvertroue-wenke wat jy geleer het, op die proef te stel.

Aksieplan: Sit elke week 'n bietjie eie-tyd opsy en eksperimenteer met gesigsuitdrukkings en die houding wat hier bo beskryf is. Kyk hoe ontspanne jy lyk wanneer jy oogkontak maak, glimlag, en regop staan. Sien dan daardie beeld voor jou geestesoog wanneer jy voel jy wil toeslaan.

5. Bou dit stadig op
Moenie aan die sosiale diep kant inspring voor jy reg is nie. Dit dien geen doel om by 'n partytjie ogies te maak as jy nie die selfvertroue het om verwerping te hanteer nie. As jy jou te gou onder te veel druk plaas, kan dit jou selfvertroue 'n knou gee eerder as om dit te versterk.

Aksieplan: Oefen jou selfvertroue in situasies wat stadigaan ál uitdagender raak. Begin met 'n omgewing wat nie juis uitdagend is nie (alleen, voor 'n spieël) en vorder dan na 'n situasie wat 'n effense uitdaging bied, soos 'n koffiewinkel. Bou stadig op na 'n hoogs bedreigende situasie soos 'n toespraak, of om iemand uit te vra. Die belangrikste is om jou nie te verknies oor die foute wat jy gemaak het nie. Beloon jou liewer vir klein prestasies en persoonlike oorwinnings.

6. Speel maar toneel
Partykeer moet selfs die mense met die meeste selfvertroue toneelspeel. Hulle gesels ewe vrolik terwyl hulle eintlik onder die tafel wil inkruip. Ons kan almal voorgee. En ’n dapper front lok ’n positiewe reaksie uit, wat regte selfvertroue skep sodat jy nie meer nodig het om voor te gee nie.

Aksieplan: Oogkontak kan selfvertroue projekteer, maar as jy erg skaam is, is dit dikwels moeilik net om iemand in die oë te kyk. As jy sukkel, moenie direk in die persoon se oë kyk nie, maar fokus liewer op sy of haar voorkop. Dit skep die illusie van oogkontak sonder die angs van die ware Jakob.

7. Oefen verwerping
Ek het 'n vriend wat genoeg selfvertroue het om enige vrou sonder vrees te benader. Sy geheim? Hy aanvaar dat hy nege uit die tien kere verwerp sál word. Maar hy weet ook dat hy een uit die tien kere 'n positiewe reaksie sal kry. Die les: aanvaar dat die meeste verhoudings nie uitwerk nie en moenie sleg voel as jy afgejak word nie.

Aksieplan: Onthou altyd die een-uit-tien-reël. Herinner jou aan daardie werklikheid selfs vóór jy enigiets probeer. Dit sal jou help om verwerping met grasie te aanvaar en weer in die saal te klim.

8. Begin met koeitjies en kalfies
Party mense praat gemaklik met 'n ieder en elk, ander soek na woorde en sê dikwels die verkeerde ding. Maar die waarheid is dat dit nie so moeilik is om 'n gesprek aan die gang te kry nie.

Aksieplan: Die geheim is om met iets te begin wat vir almal van belang is – soos buitengewoon goeie of slegte weer, of die mooi dekor in 'n vertrek. Daarna, as jy nog selfvertroue oor het, probeer 'n grappie of gebruik die ou towertaktiek: gee 'n kompliment.

9. Vergeet die kommentaar
As jy grootgeword het met 'n ouer of 'n gesagsfiguur wat kritiek gelewer het op alles wat jy doen, sal jy vanself kritiek hê op alles wat jy doen. Maar selfs sonder afkeuring van buite leef baie van ons met 'n onophoudelike foutvind-stemmetjie wat in ons kop gons.

Wat het my besiel? Hoe kon ek so iets sê? Ek is so dom. Ek is 'n mislukking. Laat snags en in stil oomblikke kan dié kritiese gedagtes met jou kop smokkel. En in sosiale situasies kan hulle jou laat verlep en maak dat jy jou aan ander mense wil onttrek. Om die kommentaar wat jou selfvertroue vernietig, stop te sit, moet jy sulke gedagtes in die kiem smoor. Hoe? Deur hulle uit te skop.

Aksieplan: Gaan sit en skryf al jou selfkritiese gedagtes neer – elke enkele een, maak nie saak hoe lank of hoe herhalend die lys is nie. Dit neem die gedagtes uit jou kop en plaas hulle in die werklike lewe. Kyk dan objektief na die gedagtes – is jy werklik dom, of net iemand wat ook maar foute maak?

Kry andersins 'n buitestander se blik op die werklikheid en wys jou lys aan 'n vertroueling. Stem hulle saam met jou interne kritikus, of is jy net te krities oor jouself? Die kans is groot dat jy dié proses bevrydend en lewensbevestigend sal vind.

10. Kies die regte gehoor
Dié punt is baie belangrik: moenie jou aan mense blootstel wat hiperkrities is of wat jou die hele tyd op jou plek sit nie. Jy sal by 'n familie-ete tog nie kies om langs die oom of tante te sit wat gedurig lol met vrae soos "Hoekom is jy nog nie getroud nie?" of "Wanneer kry jy tog vir jou 'n ordentlike werk?" nie.

Aksieplan: Probeer om jou te omring met mense wat vir jou lewensenergie in die vorm van lof gee. Kies die mense wat aan jou kant is en wat jou strewe na selfvertroue onderskraag pleks daarvan om dit af te breek.

Lees verder.

Image courtesy of FreeDigitalPhotos.net

]]> Tue, 19 Jun 2012 07:53:20 +0000 http://myafrikaans.com/blog/4sports/

Koop die Afrikaanse eBoek hier!

'n Lusmaker uit die nuwe eBoek Blog4Sport deur Conrad Brand

HALLO-WEEN

Maandagaand (31 October) was weer Halloween, die aand waar daar wêreldwyd met kindertjies tot laatnag rondgeloop is, van huis tot huis opsoek na ‘n lekkertjie, selfs vir die ouer wat die moeite gedoen het om saam te stap. Skaars fondse is gestroop vir Dracula-tanne, Heks-neuse, hoede, man enige aaklige vermomming om jou soos iets uit die dood te laat lyk. Sommiges het dit nie eers nodig gehad nie, foeitog!

Halloween is nie iets waarmee ons groot geword het nie; dit was maar ‘n dag soos enige ander. ‘n Gewonde dag waar die enigste skok wat jy dalk kon verwag, die felheid van die rooiaas koppe wat lê en ryp raak op die strand. Ons trek toe na Engeland en moes vinnig aan al dié goed gewoond raak, Halloween, Guy Fox, 13 14 Diwalli ensovoorts. Hier voel dit my skiet hulle klappers met elke geleentheid wat hom voordoen; hulle sal seker dieselfde sê oor ons braaiery. Die eerste aand was ons heeltemal onverwags gevang.

Die klokkie het gelui en voor my staan toe ‘n knie-hoë feetjie, met haar boeta in die agtergrond, ‘n mengsel van Dracula en die Frankenstein monster. Verleë moes ons hulle wegstuur en sê, “Jammer, maar Oom en Tannie ken nie dié goed nie,” als in Engels natuurlik.

Die situasie het vererger soos dit later word, want een na die ander en soos die tyd aanstap, het die kindertjies voor die deur, ouer en groter geword. Die laaste klop aan my deur was ‘n snuiter met ‘n kappie (‘n “Job” of “Hoodie” het ek later geleer), met sy maats wat halfgat oor my muurtjie hang.

Lees verder in Blog 4 Sports

]]> Mon, 18 Jun 2012 15:14:17 +0000 http://myafrikaans.com/blog/vadersdag/

'n Uittreksel van 7 Dae, Afrikaanse eBoek 

Koop nou 7 Dae!

Deon Meyer se internationale topverkoper Afrikaanse eBoek is slegs by myafrikaans.com teen die ongelooflike korting van meer as 50%, 15-18 Junie 2012 beskikbaar. Gebruik die koeponkode "leesjunie" om van die eenmalige korting gebruik te maak. 

 

Lees ook die uitreksel op Deon Meyer se tuisblad.

Hy wil net nie ʼn gat van homself maak nie. Speurder-Kaptein Bennie Griessel, in ʼn nuwe stel klere wat hy nie kan bekostig nie, met ʼn bos blomme op die passasiersitplek, sy hande swetend op die stuurwiel, sy hele wese hunkerend na die helende, senu-kalmerende kragte van drank. Want vanaand wil hy asseblief tog nie ʼn gat van homself maak nie. Nie voor Alexa Barnard nie, nie voor musieksterre nie, nie na al die voorbereidings van die afgelope week nie. Maandag al het hy sy hare laat sny. Dinsdag was Mat Joubert se vrou Margaret sy klere-konsultant by Romens in Tygervallei. “Dis smart-casual, Bennie, net chinos en ʼn mooi hemp,” het sy geduldig, in haar sjarmante Engelse aksent, gesê. “Nee, ’n baadjie ook,” het Griessel vasgeskop, baie bang vir te ‘casual’, en nie ‘smart’ genoeg nie. Want daar gaan smart mense wees. Hy wou ʼn das ook hê, maar Margaret het haar voet neergesit. “Overdressed is erger as underdressed. No tie.” Toe is hulle daar uit met kakie-chinos, ʼn ligblou katoenhemp, swart gordel, swart skoene, ʼn byderwetse swart baadjie en ʼn kredietkaartrekening wat hom laat sidder het. En van Woensdag af berei hy homself geestelik voor, want hy weet dié ding, hierdie geleentheid, het die potensiaal om hom heeltemal te oorweldig. Sy grootste vrees is vloek, want dis wat hy doen as hy benoud raak. Hy sal ʼn wag voor sy mond moet plaas, die hele aand lank. Geen polisietaal nie, geen kru woorde nie, mooi praat, kalm bly. Daarom het hy dit alles deurdink, ‘ge-previsualiseer’, soos Dok Barkhuizen, sy borg by Alkoholiste Anoniem, voorgeskryf het: Vir Anton L’Amour sal hy sê “Koue Vuur is briljante kitaar.” Dis al, moenie begin liries raak en kak praat nie.

Vir Theuns Jordaan: “Ek hou baie van jou werk.” Dis ʼn goeie ding om te sê, vol respek en waardering, waardig. Here, en as Schalk Joubert daar is, gaan hy wat Bennie Griessel is diep asem haal, blad skud, net sê “Aangename kennis, dit is ʼn groot voorreg,” en dan moet hy liewer loop voor die stortvloed van heldevererende, baskitaar-bewonderende woorde oor sy keerwalle spoel.

En dan, sy groot bekommernis: Lize Beekman. As hy net een dop kan maak voor hy haar ontmoet. Om te keer dat sy senuwees hand-uit ruk. Hy sal sy hand eers aan sy nuwe broek moet afvee, want hy kan nie vir Lize Beekman groet as dit so gesweet is nie. “Juffrou Beekman,” sal hy sê. Met ʼn beheersde, vriendelike glimlag. “Juffrou Beekman, dit is ʼn uitsonderlike voorreg.” Nee, nee, dis nie die woord wat prof. Phil Pagel, die Staatspatoloog, voorgestel het nie. Dit was ‘sonderlinge’. “Juffrou Beekman, dit is ʼn sonderlinge voorreg. Jou musiek gee my groot genot.” En sy sal sê “Baie dankie,” en dan sal hy sy bek hou en vir Alexa gaan soek, want dit is al manier hoe hy nie ʼn gat van homself gaan maak nie. *

Die wit Chana-paneelwa hou stil onder die bome in Tweedelaan, tussen die Hoërskool Livingstone en die agterplaas van die Suid-Afrikaanse Polisiediens se Claremont-stasie. Dit is ʼn onopvallende voertuig, ʼn 2009-model wat die letsels van harde werk dra – ʼn duik in die voorste buffer, skaaf- en krapmerke by die laaideur agter. Die vensters in die middel en agter is amateuragtig ondeursigtig gemaak, met goedkoop wit verf. Buite verskil sypanele se kleur effens van die res van die voertuig. Agter die stuurwiel skakel die sluipskutter die enjin af, plaas al twee sy hande op sy knieë en sit net vir ʼn oomblik, doodstil. Hy het ʼn blou werkersoorpak aan, effe verbleik. Blonde hare lê lank teen sy rug af, ʼn bruin bofbalpet is laag oor sy oë getrek. Dan kyk hy, met doelgerigte fokus, eers deur die linkervoorvenster, na die verlate skoolgronde. Dan regs. Hy bestudeer die hoë heining oorkant die straat, die dubbele draadhek, en daar agter, die SAPD-werf, in die laatmiddag in Tafelberg se skaduwee gehul. Dit is stil en verlate. Hy maak seker die twee deure voor is gesluit, klouter oor die sitplek na agter. Die pakruimte is deurmekaar, kiste en kaste van metaal, hout en karton.

Hy gaan sit op ʼn houtkassie en maak die tuisgemaakte skerm van verbleikte geel materiaal teen die tapytbeplakte dak los. Die skei hom af van die stuurkajuit, dit maak hom onsigbaar vir verbygangers. Hy haal die pet af, plaas dit eenkant, bewus daarvan dat sy asem begin jaag, dat sy hande effens bewe. Hy ontspan sy skouers met ʼn geforseerde sug, leun af en maak ʼn lang, verweerde gereedskapkis oop, en verwyder die uittel-laai. Dit is swaar, gevul met goedgebruikte gereedskap – hamers, ʼn versameling skroewedraaiers, knip- en knyptange, ystersaaglemme. Hy plaas dit sag langs die kis neer, op die rubbermat wat die Chana se vloer bedek. Daar is twee artikels onder in die rooi kis – ʼn vuurwapen, en ʼn K-Way Kilimanjaro Trekking Pole. Hy haal die wandelstaf eerste uit, en laat dit teen sy skouer staan, tel die geweer op, druk die knaldemper voor versigtig deur die swart lusband aan die punt van die staf, sodat die teleskoop aan die vuurwapen onaangeraak bly, en draai dan die staf antikloksgewys, tot die band styf is.

Hy druk sy wang teen die kolf, toets die hoogte van wandelstaf-stut, en maak ʼn verstelling. Dan skuif hy die Chana se regtersypaneel met drie sentimeter na regs, aan die klein handvatsel wat hy aangebring het. Daarna die magnetiese paneel buite, sodat hy die loop en teleskoop na buite kan rig. Hy druk die kolf teen sy skouer, en kyk deur die skoop, na die SAPD-parkeerterrein. Hy stel die fokusring voor.

]]> Fri, 15 Jun 2012 08:57:38 +0000 http://myafrikaans.com/blog/snyman/

In 2008 wen Dana die gesaghebbende Pica-toekenning vir Reisskrywer van die Jaar 2008.

 

Dana se boeke is nou ook as Afrikaanse Eboeke beskikbaar by myafrikaans.com

 

Dana vertel van sy gunstelingboek, The Snow Geese deur William Fiennes.

“Ek weet nie van ander mense nie, maar ek kry so ’n verdrietige, woordelose verlange as ek iewers staan en wilde ganse of eende, selfs hadidas, vlieg in formasie verby. Net om daardie rede het ek dié boek gekoop, want volgens die omslag het Fiennes agter migrerende sneeuganse aan gereis. Hier is ’n bloedbroer, het ek gedink. Hy kry ook daardie gevoel wat ek kry. [...] Hy beskryf die reis, maar hy probeer ook woorde kry vir daardie woordelose verlange wat ouens soos ek en hy ervaar wanneer ons wilde voëls die ooptes in sien vlieg. [...] Ek is nogal ’n obsessiewe leser: ek lees ’n boek, of gedeeltes daarvan, obsessief oor. Met hierdie een doen ek dit knaend, want dis deksels mooi en sintuiglik geskryf ook. Op “’n manier het my jaar ook verloop soos daardie migrerende sneeuganse se tog: al verder weg van waar ek was, hopelik al nader aan daar waar ek wil wees.”

Lees verder by LitNet oor die Afrikaanse Eboek

 

"Op Winburg swaai ek van die N1 af. Ek wil geld trek en iets koop om te eet.

Die Absa-bank is in die middedorp naby die koöperasie en Lewis Stores en ’n winkeltjie wat moontlik aan ’n Chinees behoort. 

Alles is reeds gesluit. Dis laatmiddag en dit is koud. Oor die township in die laagte hang ’n wolk rook.

Ek hou voor die kitsbank stil. Toe ek uit die bakkie klim, kom ’n man, ’n vrou en ’n kind om die hoek gestap. 

Hulle gaan staan voor my by die kitsbank. Ai. Ek stap nader. Die man hou sy hand na die vrou uit en sê iets vir haar – iets in ’n swart taal.

Sy druk haar hand voor by haar sakkerige trui in en trek ’n toegevoude sakdoek uit haar bra. Sy vou dit oop. Binne-in is ’n bankkaart. 

Sy gee dit vir die man.

Ek kyk op my horlosie. Dis amper sesuur.

Die man stap tot voor die kitsbank. 

Hy dra tekkies sonder skoenveters. Hy leun vooroor, met sy gesig tot teen die masjien. ’n Hele ruk staan hy só, dan vind hy die gleuf en druk die kaart daar in, versigtig."

Lees verder in Beeld.

Koop die Afrikaanse eBoek hier!

]]> Wed, 13 Jun 2012 14:04:06 +0000 http://myafrikaans.com/blog/fiksie/

Troskie het besluit om met die publisering van Afrikaanse eBoek Die staat teen Anna Bruwer haar eie naam te gebruik. “Ek het nie meer rede om weg te kruip nie,” het sy gesê. Troskie het erken dat sy nog ’n lang pad moet stap voordat sy haar stiefpa en ma sal vergewe vir dit wat met haar gebeur het. “As my ma nog gelewe het sou ek dalk kon,” het sy gesê. Hoewel die grootste deel van Dis ek, Anna op ware gebeure gegrond is, eindig die boek fiktief met die hoofkarakter wat haar stiefpa doodskiet. Die tweede roman volg op dié voorval. In werklikheid is Troskie se stiefpa aan natuurlike oorsake dood en sy verwys na die fiktiewe elemente in haar boeke as “wraakfantasie”. Want, het sy verduidelik, slegs in haar verbeelding kon sy werklik wraak neem.

Lees die berig deur Mariska Batt.

Koop die Afrikaanse eBoek kliek hier!

]]> Tue, 12 Jun 2012 21:48:34 +0000 http://myafrikaans.com/blog/slimfoon/

 

 

Die meeste gebruikers wat die geheim van eBoeke ontdek het laai hul gunsteling Afrikaanse eBoek op hul tablet-rekenaar en slimfoon. 'n Slimfoon word gereeld gebruik om vinnig 'n tydjie af te knyp om die nuutste afrikaanse eBoek te lees en die tablet-rekenaar om luilekker by die huis te ontspan. In hierdie artikel gaan die eenvoudige proses om Afrikaanse eBoeke op jou Android apparaat te lees bespreek word en in deel twee sal ons meer kyk na die iPad en iPhone.

 

Android was tot kort voor die openbare bekendstelling op 5 November 2007 bekend as die gPhone. Dié bekendstelling het gepaard gegaan met die stigting van die Open Handset Alliance, 'n konsortium van 47 hardeware, sagteware, en telekommunikasiemaatskappye wat belangstelling het in die bevordering van oop standaarde vir mobiele toestelle.

'n Tablet-rekenaar is 'n draagbare rekenaar wat groter is as 'n mobiele foon of 'n elektroniese dagboek, met 'n geïntegreerde aanraakskerm wat ook as sleutelbord dien. Die meeste tablet-rekenaars gebruik die Android of die iOS bestuurstelsel van Apple. Die waarde vir geld, betroubaarheid en gerief van die Android bedryfstelsel maak tablet-rekenaars wat van die bedryfstelsel gebruik maak uiters gewild by gebruikers wêreldwyd.

Dit is ook belangrik om kennis te dra oor wat "Apps" is om ten volle die Android toestel te kan gebruik. "Apps" is programme wat toepassings het vir slimfone en tablet-rekenaars met addisionele gerieflike funksies vir die gebruiker. Een so 'n toepassing is 'n "App" wat die gebruiker in staat stel om eBoeke te lees en te beheer. Op die Android toestel is daar 'n funksie waar die gebruiker verbind word met die Android Market aanlyn winkel waar toepassings afgelaai kan word en waarvan vele gratis is.

Afrikaanse eBoeke kan eenvoudig met die Aldiko Book Reader toepassing gelees word op Andriod toestelle. Die Aldiko sagteware kan gratis verkry word by die Android Winkel.

Om Afrikaanse eBoeke op jou Android toestel te lees is die volgende sagteware nodig:

-  Die Aldiko Book Reader App (wat op jou Android toestel gelaai is)

-  Adoby Digital Editions.

Kliek hier oor meer inligting oor wat Adoby Digital Editions is.

Volg die volgende maklike stappe om Afrikaanse eBoeke op jou slimfoon te lees. Die stappe hoef slegs die eerste keer gevolg te word, daarna is kan eBoeke moeitevry op jou slimfoon gelees word.

Stap 1

Installeer die gratis Aldiko Book Reader App op die Android toestel van jou keuse. Kliek op die Android Market/Google play toepassing op die Andriod toestel en soek na "Aldiko Book Reader App" of kliek hier om die gratis toepassing te installeer om Afrikaanse eBoeke te lees.

Stap 2

Instaleer Adobe Digital Editions  op jou persoonlike rekenaar of op jou tablet-rekenaar.

Kliek hier vir 'n stap vir stap verduideliking oor hoe om Adobe Digital Editions af te laai.

Tydens die installasie van Adobe Digital Editions sal die gebruiker gevra word om sy rekenaar te magtig om eBoeke af te laai (Authorize Computer). Skep 'n Adoby ID indien jy nie reeds een het nie.

 Nadat jou rekenaar gemagtig is, gaan dan na die Aldiko toepassing op die tablet-rekenaar of slimfoon en magtig dit met jou Adoby ID. Dit is baie eenvoudig om die Aldiko toepassing te magtig om die Afrikaanse eBoeke te lees wat jy by myafrikaans.com gekoop het en jou rekenaar en slimfoon hoef net die eerste keer gemagtig te word!

Kliek op die Aldiko toepassing (Aldiko app) op die toepassingsbladsy (device applications menu) van die Android toestel. 

Kliek dan op die keuse-knop (menu button) van die toestel en kies instellingskeuses (settings).  Kies Adobe DRM en voer jou persoonlike Adobe ID in. Hierna is jou Android toestel gemagtig om die Afrikaanse eBoeke van myafrikaans.com te lees.

Stap 3

Koop Afrikaanse eBoeke by myafrikaans.com en stoor dit op jou persoonlike rekenaar of tablet-rekenaar. Nadat 'n Afrikaanse eBoek by myafrikaans.com gekoop is, sal jy 'n aflaai-skakel ontvang. Die Afrikaanse eBoek kan ook afgelaai word deur te kliek op "my digitale produkte" by jou rekening by myafrikaans.com. Die lêer wat afgelaai word het 'n .acsm-formaat wat beteken dat dit slegs gelees kan word met 'n rekening by Adobe. Adoby Digital Editions sal dadelik die .acsm lêer, outomaties oopmaak. Die lêer kan gelees word met Adoby Digital Editions of oorgedra word na 'n ander toestel. Om die eBoek oor te dra van 'n persoonlike rekenaar na 'n slimfoon kan die dokument gevind word in die sub-lêer "my digital editions" onder die lêer "mydocuments". (Windows: your-home-directory/My Documents/My Digital Editions). As die eBoek opgespoor is, kan die leer oorgedra word na die interne geheue of SD kaart van die slimfoon.

Stap 4

Dra jou Afrikaanse eBoek oor na jou slimfoon. Verbind jou slimfoon met die rekenaar en vind die interne geheue of SD kaart van die toestel.

Gaan na die "eBooks" lêer op die slimfoon. Die "eBooks" lêer  word outomaties geskep as Aldiko geïnstalleer word.  Sleep die Pdf of ePub lêer vanaf  "my digital editions" na die slimfoon se geheue.

Ontkoppel die slimfoon van die rekenaar. Open Aldiko e-leser op die slimfoon.

Kies "files" by Aldiko en open die Afrikaanse eBoek by "eBooks". Die Afrikaanse eBoek is nou gereed om gelees te word.

Ek het ook 'n baie nuttige toepassing ontdek waarmee jou slimfoon draadloos gesinkroniseer kan word met jou rekenaar. Kyk gerus na die AirDroid toepassing.

Lees verder oor die onderwerp.

Kliek hier vir 'n gratis eBoek om die proses uit toetsbestuur!

Google

#eBoeke

]]> Mon, 11 Jun 2012 09:04:47 +0000 http://myafrikaans.com/blog/breyten/

Kliek hier om 20% korting op Afrikaanse eBoeke oor liedes gedigte te kry!

Die beginsel van stof is nou beskikbaar as Afrikaanse eBoek.

Breyten Breytenbach word beskou as een van Afrikaans se grootste lewende digters. Hy is op 16 September 1939 in Bonnievale gebore. Hy matrikuleer in 1957 aan die Hoërskool Hugenote in Wellington en studeer aan die Universiteit van Kaapstad. Sy eerste gedigte verskyn in die studenteblad Groote Schuur in 1959.

Hy verlaat Suid-Afrika en gaan na Parys, Frankryk in die 1960's. Hy debuteer in 1964 met die vernuwende digbundel Die ysterkoei moet sweet en in dieselfde jaar verskyn 'n prosawerkKatastrofes. Na sy huwelik met Yolande Ngo Thi Hoang Lien (dit beteken "Geel Lotus"), 'n Franse vrou van Viëtnamese oorsprong, kan hy nie na Suid-Afrika terugkeer nie, weens die Wet op Gemengde Huwelike. In 1973 word 'n spesiale visum vir die eerste keer toegeken aan hom en Yolande en keer hulle, te midde van groot mediadekking, na Suid-Afrika terug vir 'n skrywerskongres aan die Universiteit van Kaapstad.

Tydens 'n besoek aan Suid-Afrika in 1975 met 'n vals paspoort word hy gearresteer op 'n klag van terrorisme en gevonnis tot nege jaar tronkstraf. Na sewe jaar word hy uiteindelik vrygelaat. Hy ontvang die Hertzogprys vir poësie in 1984 vir Yk, maar weier om dit te aanvaar. Breytenbach se werk sluit poësie, romans, toneelstukke en essays in, waarvan die meeste in Afrikaans is en 'n aantal wat oorspronklik in Engels gepubliseer is. Die meeste boeke van sy boeke is in verskeie tale vertaal. Hy is ook bekend vir sy skilderwerk. Uitstallings van sy skilderye en afdrukke is gehou in verskeie stede insluitend Amsterdam, Stockholm, Parys, Edinburgh, en New York. Hy ontvang die Hertzogprys vir poësie in 1999 vir Oorblyfsels: 'n roudig en Papierblom . Sy digbundel, Die windvanger. (2007), is met die Universiteit van Johannesburgprys vir skeppende skryfwerk, die Hertzogprys én die WA Hofmeyr-prys bekroon. In 2010 ontvang hy die Mahmoud Darwish Prys, asook die Max Jacob Prys vir Outre Voix/Voice Over (uitgegee deur Actes Sud), die Franse uitgawe van Oorblyfsel/Voice Over (uitgegee deur Human & Rousseau). Tans verdeel hy sy tyd tussen Europa (hy het Franse burgerskap), Afrika en Amerika.

Hy is betrokke by die Gorée-instituut in Dakar, Senegal en by die Columbia Universiteit van New York waar hy klasgee in kreatiewe skryfwerk.

Bron: Human & Rousseau

Breyten Breytenbach se klassieke werke is nou ook as Afrikaanse eBoeke beskikbaar.

 

Vir 'Yolande' Ngo Thi Hoang Lien

die hele liewe lang mompelende

wit winternag lê jy in

die wegkruip van my arm

my goue wyfie

met jou heuninglyfie

dis goed so dankie

sê my tong as hy muisvoël

in die vrug van jou mond

of by tussen lou dye

waar jou warm vrouwees rond

Allerliefste, ek stuur vir jou 'n rooiborsduif

Allerliefste, ek stuur vir jou 'n rooiborsduif

want niemand sal 'n boodskap wat rooi is skiet nie.

Ek gooi my rooiborsduif hoof in die lug en ek

weet al die jagters sal dink dis die son.

Kyk, my duif kom op en my duif gaan onder

en waar hy vlieg daar skitter oseane

en bome word groen

en hy kleur my boodskap so bruin op jou vel

Want my liefde reis met jou mee,

my liefde moet soos 'n engel by jou bly,

soos vlerke, wit soos 'n engel.

Jy moet van my liefde bly weet

soos van die vlerke waarmee jy nie kan vlieg nie.

Drome is ook wonde

elke droom skryf so sy klein, geheime briewe

soggens soek ons die rofies ink in die spieel

om dit weg te kan bere in argiewe

maar die wonde genees nie

Bron

Kliek hier om die Afrikaanse eBoek te koop!

]]> Fri, 08 Jun 2012 12:57:02 +0000 http://myafrikaans.com/blog/lig-klip/

 

Outeur van Afrikaanse eBoek sterf twee maande voor sy debuut verskyn

Die verteller in So lig soos klip, Afrikaanse eBoek, is 'n polisieman wat in die brandende townships van die jare tagtig diens doen. Dit is 'n lewe op die randjie van die afgrond en daarom is sy eerste lewensbeginsel: Hou altyd die laaste patroon vir jouself. Dit is met sy opleiding in sy bewussyn ingestamp - Reël Nommer Een. Met die polisie as surrogaatpa is hy ook ideaal toegerus vir die jagtog van sy lewe: die soeke na die ideale vrou. Hierdie private jagtog van hom is net so meedoënloos soos die polisielewe. Soos die openbare geweld in die townships eskaleer, groei in hom 'n intieme geweld, net so donker en net so vernietigend. Lees die artikel in Beeld

Elna van der Merwe skryf in Huisgenoot oor Lig soos Klip:

Nou die dag beland 'n debuutroman (nou 'n Afrikaanse eBoek) op my lessenaar. Ek begin daardie aand al daaraan lees en vroeg die volgende oggend pas ek ook nog 'n paar blaaie in.

Op kantoor gekom, bel ek die uitgewer: "Gee gou vir my dié Jacques Pretorius se nommer. Ek wil 'n onderhoud met hom voer oor So Lig Soos Klip. En e-pos solank vir my 'n foto van hom." 

Nee, dit sal nie kan nie, want hy is twee dae tevore oorlede. Hy het op 38 'n hartaanval gekry en is dood sonder dat hy sy boek in die hand gehou het.

"Jacques het daarvan gedroom dat hy eendag 'n boek in elke genre sou skryf - daar was niks wat hom meer gestimuleer het as 'n uitdaging nie!" sê sy vrou, Cristelle Snyman, wat vyf maande ná hul troue besig is om sy begrafnis te reël.Sy noem hom buiten 'n skrywer, digter, filosoof, musikant en skilder ook 'n inligtingsvraat met 'n verstommende algemene kennis, selfs oor kwantumfisika. 

 

Koop die Afrikaanse eBoek kliek hier!

]]> Thu, 07 Jun 2012 20:59:52 +0000 http://myafrikaans.com/blog/lewe/

 

Afrikaanse eBoeke is die goedkoopste en gerieflikste manier om boeke te lees waar jy ookal is.

Lees wat skryf Dr ST Potgieter oor die voordele van lees.

"Lees is 'n avontuur Volgens Charles Jones sal die mens wat jy vyf jaar van vandag af gaan wees in 'n groot mate van twee dinge afhang: die boeke wat jy lees en die mense wat jy jou vriende maak. Dis oor die eerste saak van boeke lees - en ook tydskrifte, koerante, internet (EN Afrikaanse eBoeke)- wat ek graag 'n paar gedagtes met jou deel. Volgens Jones is jou toekoms in gedrang wanneer dit by lees kom. Vir jou om as mens te groei is dit nodig om meer kennis op te doen.

Lees bly een van die mees kosbare bronne vir inligting, menings en feite. Sommige mense stagneer in hul omstandighede. Hulle het steeds dieselfde idees, dieselfde probleme en dieselfde ou klagtes. Dis mense wie se enjin in die lewe stol en nie verder as sekere omstandighede kan beweeg nie. Die mens is geskape as 'n wese om nuuskierig te wees en altyd meer te wil weet. Dis immers hoe ontwikkeling plaasvind, nuwe uitvindsels bedink, probleme opgelos en vooruitgang bewerkstellig word. Ons is dikwels die mening toegedaan om kennis te verwerf jy by 'n universiteit of kollege moet inskryf om 'n formele kwalifikasie te kry. Ons leef vandag egter in 'n tyd waar inligting meer vrylik beskikbaar is as ooit te vore. Met die druk van 'n paar knoppies op jou rekenaar het jy toegang tot 'n onbeperkte skatkamer van informasie oor bykans enige onderwerp onder die son. Op rakke in boekwinkels kry jy die wonderlikste boeke. In hierdie boeke skryf top kundiges en deel hul kennis en ervaring met jou. Sulke kennis is relatief goedkoop, want jy kry hier informasie waarvoor jy andersins ten duurste sou betaal. En dan is daar altyd 'n biblioteek waarby jy kan aansluit. Wat 'n wonderlike voorreg om by 'n biblioteek in te stap en tussen boeke te kies en keur.

Die boeke dan uit te neem en by die huis te lees en te bestudeer. In koerante deel skrywers en kenners hul kundigheid en idees oor 'n wye verskeidenheid van onderwerpe - nuus, sport, finansies, kunste, beleggings en so meer. Lees is 'n avontuur wat jou insig en kennis verbreed om as mens te groei en soveel meer te maak van die omstandighede en die wêreld waarin jy leef. Wat moet jy lees? Jy kan enigiets lees. Daar is geweldig baie inligting beskikbaar. Jy kan lees van tuinbou, geskiedenis van die mensdom, ruimtereise, mediese ontwikkeling, heldedade van mense, selfontwikkeling, finansiële kennis, nuwe ontdekkings, navorsing op verskillende terreine. Dit is self goed om oor die geskiedenis te lees, want dit gee aan jou perspektief op jou lewe en die verwantskap met die verlede, die hede en die toekoms. Daar is soveel om op te lees en jou menswees daardeur te verryk. Hierdie soort lees is ingestel om jou kennis te verbreed.

Dit dissiplineer en oefen jou brein en help jou om krities en innoverend te dink. Jy kan egter ook lees vir die plesier verbonde aan lees. 'n Lekker storieboek (Afrikaanse eBoek) is ook goed vir stimulasie van die brein en help dikwels met die ontlading van stres en eensaamheid. Die enigste lees wat seker nie veel help nie, is wanneer jy met 'n negatiewe gesindheid en weerstand lees.

Ons het nou kortliks gesels oor die waarde van lees. Kom ek probeer die waarde van lees opsom:

Verbeter jou woordeskat en spelvermoë.

Maak jou keurig en afgerond as mens.

Verbeter jou analitiese en kritiese denke. Verbeter jou kreatiewe denke.

Vermeerder jou kennis en verbreed jou horisonne.

Maak jou kalm en ontspanne en verlig verveling. Ontwikkel jou skryfvaardighede.

Verbeter jou fokus, konsentrasievermoë.

Verbeter jou geheue. Dit ontwikkel en versterk jou breinkrag.

Vermeerder jou algemene kennis.

Gee jou iets om oor te praat in geselskap.

Gereelde lees verbeter jou selfdissipline.

Jy kan enige plek lees en dus enige plek leer.

Relatief goedkoop ontspanning. Relatief goedkoop akdige inligting.

Dek die wêreld oop en jy ervaar verrassings. Verander jou lewe positief."

Lees meer van Dr ST.

Lees hier meer oor Afrikaanse eBoeke

Free images from FreeDigitalPhotos.net

]]> Wed, 06 Jun 2012 07:52:08 +0000 http://myafrikaans.com/blog/suid-afrika/

Verlies, verval en misbruik kom in die verhale van sy Afrikaanse eBoek voor. De Vries het byvoorbeeld werklike koerantberigte oor moord en ander misdaad in die verhaal Leë hande verwerk. Maar daar is ook liefde, verbeelding, drome en hoop in sy verhale. In Staan Poppie staan rek die gaste by ‘n troue hul nekke om die baie kort bruidspaar te sien. Die gaste gaan huis toe met ‘n herinnering aan liefde. Hierdie temas word met vele simbole en sleutels in die teks na vore gebring. Om só ‘n verweefde teks te skep neem tyd. “Dit is nie vreemd vir my om ‘n storie tien keer oor te skryf en te verander nie,” sê hy. De Vries hoor soms ‘n interessante gegewe, maar dit kan nie ‘n storie word sonder ‘n spanningselement nie. Later kry hy miskien ‘n storie wat by dié gegewe aansluit en dan begin hierdie meester van die kortverhaal woeker. De Vries se skryfwerk gaan eindelik oor ‘n deernis met mense, baie anders as die magspel van politiek.

Lees verder

Koop die Afrikaanse eBoek hier!

Free images from FreeDigitalPhotos.net

]]> Tue, 05 Jun 2012 15:45:36 +0000 http://myafrikaans.com/blog/korting/

 

 

Skryf nou in om deel te word van die Afrikaanse eBoek-gemeenskap. myAfrikaans maak dit mootlik vir iedereen om die gerief van Afrikaanse eBoeke te ervaar deur 50% korting aan te bied tot 10 Junie, 2012 as jy registreer by myAfrikaans.com.

Kliek hier op in te skryf!

]]> Tue, 05 Jun 2012 14:07:51 +0000 http://myafrikaans.com/blog/strooidak/

 

As 'n binne-blik op Naspers, van iemand wat terselfdertyd van die binnekring en 'n buitestander was, is Strooidak en toring noodsaaklike leesstof vir wie in die laaste jare van die ou bedeling bewustelik gelewe het.

Phyllis Green skryf: “Vir almal wat hom geken het, as predikant, as skrywer, as digter, as koerant- en tydskrifredakteur, as eggenoot en gesinsman en persoonlike vriend, was hy ‘n groot persoonlikheid. Selfs mense wat 'n appeltjie met hom te skille gehad het, kon beswaarlik apaties staan teenoor hom. 

Izak de Villiers noem homself ’n “anderster” Afrikaner. Hy is ook ’n anderster predikant, een wat op direksies van maatskappye gedien het en selfs lank redakteur was van ’n vrouetydskrif (Sarie) en ’n groot Sondagkoerant (Rapport). ’n “Ryklik geskakeerde lewe” noem Etienne van Heerden dit. Uit hierdie lewe vertel hy van ver plekke en vreemde gebeure, van uiteenlopende mense, mense uit alle stande wat hy raakgeloop het. Hy vertel van sy lewenslange worsteling as Afrikaner met die politiek van sy mense, ook in
sy verse. Dit terwyl hy homself “onbeskaamd konserwatief” noem. En dan weer op ’n dag ’n sterwende Katoliek se belydenis aanhoor. Hy spaar nie sy oordele oor ander se dade nie, veral nie van politici nie, maar hy staan ook erg krities teenoor homself en skryf, soos hy self sê, “sonder hoed of handskoen”. Die resultaat is ’n kyk op ’n belangrike tydperk
in die geskiedenis, ’n anderster kyk – ook na homself en ’n lewe van kritiese deernis met mense, van ’n politieke kritikus wat Tony Leon “’n ikonoklas op sy eie manier” noem, maar iemand wat sy mense liefhet.

Koop Strooidak en toring: kliek hier!

Bron: http://www.namibiana.de/de/strooidak-en-toring.html

 

 

Free images from FreeDigitalPhotos.net

]]> Fri, 01 Jun 2012 15:38:45 +0000 http://myafrikaans.com/blog/uur/

 

Gedeeltelik liefdesverhaal, gedeeltelik wetenskapfiksie. So word Steve Hofmeyr se jongste en baie buitengewone roman, Die verste uur, beskryf. Jamie van der Merwe is 'n jong eerstejaarstudent wat op die skrywes van 'n vermiste professor, doktor Arnold du Plessis, afkom: sy biografie oor die komponis Rameau, en 'n lang liefdesbrief aan sy vrou. Deur die lees van hierdie skrywes ontdek Jamie die geheim waarin die professor se verdwyning gehul is - dat hy vasgevang is in 'n tydreis - en vind die sleutel tot sy bevryding, maar loop dan gevaar om die liefde van sy lewe te verloor.

 

Bron: Bookslive

 

Koop die Afrikaanse eBoek : kliek hier!

]]> Thu, 31 May 2012 15:05:16 +0000 http://myafrikaans.com/blog/mouton/ Die twee stories van Jannie Mouton in die spannende Afrikaanse eBoek

Carié Maas gaan haal dit by sy kinderdae in ’n plattelandse skool – waar hy hoofseun was en toe duidelik reeds baie mededingend – en trek dit deur sy suksesse en teleurstellings tot by vandag, waar hy op 65 die tradisionele aftree-ouderdom bereik het. Nie dat hy sulke planne het nie. Die enigste toegewing wat hy maak, is om bietjie later kantoor toe te kom: “so 9-uur”. 

Na skool is hy Stellenbosch toe om ’n graad in ekonomie te kry, maar in sy honneursjaar neem hy ekstra rekeningkundevakke, wat hom in staat stel om ’n klerkskap te kry en as geoktrooieerde rekenmeester te kwalifiseer. Toe gaan werk hy vir Federale Volksbeleggings, eers in die Kaap en daarna in Johannesburg. 

Hy het “soos enige Calvinistiese boerseun” hard gewerk en sy plig gedoen, maar heeltyd ’n ongedurigheid gehad om sy eie salaristjek te skryf. Daardie tyd het GT Ferreira, Laurie Dippenaar en Paul Harris – vandag nog goeie vriende en sakegenote – begin met Rand Consolidated Investments (RCI). Dit was die voorloper van Rand Aksepbank en, soos hy self sy gevoel bewoord: “Man, ek het hulle beny.”

Lees in die artikel in Litnet.

 

Koop die Afrikaanse eBoek hier!

]]> Tue, 29 May 2012 22:02:14 +0000 http://myafrikaans.com/blog/afrikaans-buigbaar/ Dit is een van die opwindende voordele van Afrikaanse eBoeke, “Wanneer ’n fout deurgeglip"  het, kan dit onmiddellik in die Afrikaanse eBoek reggestel word.

Die uitgewers hoef nie, soos by gedrukte boeke, te wag totdat die eerste oplaag uitverkoop is voordat hulle die veranderinge in die tweede druk aanbring nie.

Volgens Carolyn Meads is die hoofrede hoekom Afrikaanse eBoeke digitaal gewysig word "wanneer nuwe inligting oor die onderwerp aan die lig kom wat tot ’n bygewerkte en geredigeerde uitgawe kan lei. Anton Rupert het byvoorbeeld kort ná die verskyning van sy biografie in 2006 gesterf. Indien dit ’n e-boek was, sou die uitgewer ’n bygewerkte uitgawe bekend kon stel sonder om te wag dat die eerste oplaag uitverkoop."

Lees die volledige Artikel.

]]> Mon, 28 May 2012 06:16:04 +0000 http://myafrikaans.com/blog/nasleep/

Lees hoekom die Afrikaanse eBoek Nasleep 'n moet-koop is.

Koop die Afrikaanse eBoek hier!

Carel van der Merwe se Nasleep is 'n debuutroman wat geen goeie vervolg belowe nie. Die boek is nogal helder geskryf . 'n Lekker verhaal vir onderweg, veral as 'n mens van pessimistiese tekste hou. Dis egter nie die bedoeling van die outeur nie. Die agterplatteks praat van 'n storie oor "'n gewone mens wat meegesleur word deur 'n oorheersende boosheid". Sterk metafisiese woorde wat miskien eerder meer van die uitgewer as van die skrywer self kom. Maar in die begin word ook die Franse historikus Fernand Braudel aangehaal: "In every period a certain view of the world, a collective mentality dominates the whole mass of society [...]". Van der Merwe se ambisie was dus om 'n indiwidu binne die denkklimaat van sy tyd te ontleed, om te wys hoe huislike omstandighede en ander rolmodelle ons beinvloed.  Resensie deur Pawel Zajas.  

Image(s): FreeDigitalPhotos.net

]]> Fri, 25 May 2012 13:01:48 +0000 http://myafrikaans.com/blog/byleveld/ Byleveld: dossier van 'n baasspeurder

 

Lees al die interessante besonderhede van Byleveld se loopbaan in die nuwe Afrikaanse eBoek van Hanlie Retief.

Kliek hier om die Afrikaanse eBoek te koop!

Die Leigh Matthews moord is een van die bekendste sake wat Piet Byleveld opgelos het.

 

Die naakte lyk van Matthews, wat by die Bond-universiteit in Sandton ontvoer  en vermoor is deur Donavan Moodly, is in Julie 2004 in die lang gras in die Walkerville Manor-gebied, suid van Johannesburg, gevind.

Donovan Moodley (31) se "ware storie" agter die moord van me. Leigh Matthews is deurspek met onwaarskynlikhede en die desperate poging van 'n man wat voel hoe die skoen knyp in sy huidige omstandighede.

Beeld

 

Kyk na die interessante Youtube insetsel oor die saak. 

Moodley, wat oorspronklik skuld op die moord beken het, voer in sy huidige aansoek aan drie dwelmsmouse het hom gedreig om by haar ontvoering betrokke te raak en dat hy moes toekyk hoe een van dié mans, slegs bekend as Jemba, haar doodgeskiet het.

Hy het gesê brig. Piet Byleveld, ondersoekbeampte in die saak, wou nooit dié weergawe van hom glo nie en het hom gedwing om skuld te beken. Volgens hom het Byleveld ook bewyse gemanipuleer om sy “een-man”-weergawe te staaf.

 Berig in Beeld

Koop die opspraakwekkende Afrikaanse eBoek kliek hier!

]]> Thu, 24 May 2012 17:32:13 +0000 http://myafrikaans.com/blog/langenhoven/

 

Langenhoven se satire tref steeds die kol

deur Karen Ebersohn, Volksblad-redaksielid

’n Aangename, plesierige, genotvolle en verruklike leeservaring. Daar is sekerlik nie genoeg woorde om te beskryf hoeveel ure se vreugde ’n mens uit die legendariese skrywer C.J. Langenhoven se boeke put nie. En ’n mens wil nie graag soetsappig raak nie, maar Langenhoven verdien alle lof.

Sonde met die bure is die eerste boekie in die reeks van twee wat as een van sy satiriese verhale bestempel word. Die twee verhale is byna ’n eeu gelede, in 1921, en Herrie op die ou tremspoor, in 1925, geskryf, maar steeds kan jy nie anders as om in verwondering te staan voor Langenhoven se besonderse talent nie. Al twee verhale spreek vandag nog tot die leser. Die leser kan in die storie inklim en saam met die skrywer ervaar asof dit vandag is. Dit is seker een van die merkwaardigste prestasies waaraan Langenhoven se werke vandag gemeet kan word. Daar is dikwels oor hom gesê: Langenhoven skryf nie, maar hy praat. Die twee boeke beklemtoon dit. Sy aanslag, wat deurspek is van sarkasme en kwinkslae, laat ’n mens kraai van lekkerkry.

Sonde met die bure begin met Sagmoedige Neelsie wat onder sy bure se obsessie met geld en aansien ly. Boonop het Vroutjie 

’n alewige behoefte om saam met die bure “hoogheilig” en in weelde te leef. Sy wil soos hulle ook ’n vakansiehuis en motorkar hê. Sagmoedige Neelsie sug net, want dit is tog so duur.

Op ’n dag skaf hy dan vir Herrie, ’n oud-sirkusolifant, aan. Hy voeg daarby ’n trem en skielik het hy ’n vakansiehuis op wiele. Wat kan ’n mens nou meer vra. So val hy en Vroutjie en Engela (met haar honderde koffers met haar nuutste klere) en Herrie en Jakhals in die pad op ’n reis enig in sy soort.

Vier jaar later volg Herrie op die ou tremspoor, net so kostelik en avontuurlustig soos sy voorganger.

In die verhaal ly arme Sagmoedige Neelsie weer. Maar die keer is dit nie die bure wat sy siel versondig nie, maar wel sy vroutjie. Sy dring aan dat hy ’n vaste werk moet kry.

’n Lig in die tonnel gaan toe skielik aan toe die Universiteit van Stellenbosch hom nooi om ’n paar lesings as gasdosent te kom aanbied.

Sagmoedige Neelsie weet die enigste manier wat hy die ingewikkelede onderwerpe sal kan bestudeer, is as hy die vrede van Meiringspoort gaan ervaar.

So val hy en Vroutjie en Engela (weer met haar honderde koffers met haar nuutste klere) en Herrie en Jakhals in die pad op ’n reis na Meiringspoort. Met (weer) diverse gevolge...

Die twee boeke is onveranderd gelaat, spelling en leestekens is nie gemoderniseer nie en dit dra by tot die outentisiteit van die verhale.

Beslis ’n moet vir elke boekrak en jonk en oud sal dit geniet

Koop die Afrikaanse eBoek hier!

http://www.volksblad.com/Boeke/Nuus/Langenhoven-se-satire-tref-steeds-die-kol-20100307

]]> Wed, 23 May 2012 12:55:45 +0000 http://myafrikaans.com/blog/liefde/

 

Teken nou in by myAfrikaans en kry 20% afslag op die beste eBoeke!

 

Gebruik die afslagkode: leessept1

Luister na liefdesgedigte wat in Afrikaans geskryf is. Van die mooiste Afrikaanse liefdesgedigte, word deur Stian Bam en Frieda van den Heever voorgelees. Kliek hier om daarna te luister!

Image(s): FreeDigitalPhotos.net

]]> Tue, 22 May 2012 15:43:53 +0000 http://myafrikaans.com/blog/warrington/  

Om uit die ergste nywerheidsgebied te kom klim ons die Maandagoggend, fietse en al, op drie treine. Op die eerste koop my vrou koffie. Eers op die derde besef sy haar rugsak, waaruit sy vir die koffie betaal het, lê nog op die eerste trein – met al haar ponde, haar enigste kamera, vliegtuigkaartjie, paspoort, kredietkaarte, CD-speler en ’n paar van my CD’s.

Die stasiemeester sê hou aan trap en bel nou en dan. Ons slaan moedeloos die tent buite Leeds op, bel my ma met ’n kollekteeroproep en vra dat sy kaarte stop, paspoorte vervang en tog nie moet raas nie. (Die idee van ’n vrou aan my sy is nog vir haar vreemd.)

Dinsdagoggend stap Hannelie telefoonhokkie toe en skakel die stasie – tevergeefs. Woensdag lui die telefoon toe sy aangestap kom. Wat doen ’n mens as die telefoon in ’n telefoonhokkie op ’n verlate kampeerterrein lui? Jy antwoord.

“Hallo, Hannelie! Hulle’t jou sak gekry!”

lees verder in Rapport

]]> Tue, 22 May 2012 12:15:00 +0000 http://myafrikaans.com/blog/kluun/ Kyk na die voorprent van die rolprent en koop die uitstekende boek van die Nederlandse skrywer Ray Kluun as Afrikaanse eboek hier.

 

]]> Mon, 21 May 2012 13:11:39 +0000 http://myafrikaans.com/blog/gerlach/ Agter die skerms deur Christo Gerlach

 

Resensie deur Herman Lategan

 

Heelparty mense sal Christo Gerlach onthou vanweë sy rolle in televisiereekse soos Sterretjieen Transkaroo. 

Helaas, broodonskuldig is hy nié. Soos ’n aweregse uitdrukking in Engels waarsku: Never judge a banana by its peel. 

Op die buiteblad van Gerlach se biegmemoires oor sy skouspelagtige rinkinkery met selfvernietiging staan die prikkelwoorde “Seks en dwelms in TV-land”. 

Aan die begin gaan dit klopdisselboom met sy glanslewe in die TV-wêreld se demi-monde, veral as die über-vervaardiger en regisseur van reekse soos Idols en Glitterati. 

Hy koekeloer na huishoudelike name op fuif-swelgpartytjies. Op openingsaande blaas swierbolle (en oliebolle) leë lugsoene soos bonsende seepbelle na hom toe aan.

Te guitig; totdat die eerste lyn kokaïen een aand sy majesteit se kroon laat afglip. 

Dwelmgebruik vir ontspanning ontaard in verslawing wat hom vasvang, veral wanneer die slaappil Stilnox vir ’n dubbele mengeleffek by dwelm- en skemerkelkies gevoeg word.

Hy raak betrokke by ’n manlike courtisane en aande van genotsug in goedkoop motelle flits in orgies van seks en duisternis verby.

Hy speel met geld soos ’n bobbejaan met waboomblare en tjoef-tjaf is hy gevaarlik agterstallig met sy huisverband. 

Dan is daar die breuk met ’n lewensmaat, ou vriende en kollegas; mense wat nie meer bel nie of net wegkyk as hulle hom sien.

 Lees verder hier.

 

]]> Mon, 21 May 2012 11:56:23 +0000 http://myafrikaans.com/blog/dieter-ondracek/ ]]> Mon, 14 May 2012 14:58:15 +0000 http://myafrikaans.com/blog/sirkusboere/ Koop Sirkusboere hier!

Hy word luid toegejuig. Dan verskyn daar uit die stof en rook ’n stil figuur. Agter hom huiwer ’n vrou en ’n agterryer wat lyk asof daar trane oor sy wange loop. Die gehoor versober. Die applous rafel uit. “Generaal Piet Cronjé,” roep Ben oor sy megafoon. Cronjé gaan staan met ’n geboë hoof voor die gehoor. Twee keer per dag voer hy sy grootste vernedering op: sy oorgawe in die slag van Paardeberg. Wanneer die kanonne begin bulder, is hy nie in die Amerikaanse stad St. Louis, waar hy aan die sirkusbaas Frank Fillis se Boereoorlogspektakel deelneem nie. In sy gedagtes is hy weer op die slagveld. Waarom doen Cronjé dit? Waarom het soveel ander oudstryders in 1904 besluit om skouspel van hul trauma te maak? En wat voer die rustelose Ben Viljoen in die mou?

]]> Mon, 14 May 2012 14:45:17 +0000 http://myafrikaans.com/blog/afriweek/ MyAfrikaans is so opgewonde dat almal weer Afrikaans kan lees (waar hulle ook al is), wat ons laat besluit het om alle eBoeke die volgende week teen 20% korting beskikbaar stel.

Vul net die afslagkode in jou mandjie in : "afriweek" !

 

 

Image: imagerymajestic / FreeDigitalPhotos.net

]]> Sat, 12 May 2012 12:33:47 +0000 http://myafrikaans.com/blog/7dae/

Het jy geweet?

In 2004 is die Engelse vertaling van Proteus, The Heart of the Hunter, deur die Chicago Tribune aangewys as een van die tien beste spanningsromans in Amerika.

· Hy behaal in 2004 ’n meestersgraad in kreatiewe skryfwerk onder Marlene van Niekerk aan die Universiteit van Stellenbosch.

· Deon was die eerste Suid-Afrikaner om die Deutsche Krimi Preis te ontvang – dit word beskou as een van die oudste en gesogste Duitse literêre toekennings vir Kriminalliteratur, oftewel misdaadfiksie.

· Die Sweedse uitgawe van Orion (Död i gryningen) was in 2008 op die kortlys van die Martin Beck-toekenning vir vertaalde misdaadfiksie. Orion was ook in 2000 op die kortlys van die M-Net-prys.

· Orion is tot ’n TV-reeks verwerk en Deon het met die draaiboek gehelp. Hy het ook die draaiboek van die TV-reeks, Transito, geskryf wat in 2008 uitgesaai is.

https://www.facebook.com/pages/7-DAE-DEON-MEYER/171698019582408?sk=info

]]> Fri, 11 May 2012 16:44:34 +0000 http://myafrikaans.com/blog/e-leser/ "Dit is slegs ‘n kwessie van tyd voordat ons gaan ophou om bome dood te maak en alle publikasies digitaal beskikbaar gaan wees,” het Tim Bajarin, die president en hoof-analis van Creative Strategies, aan AFP gesê.

 

Amazon was eerste om e-lesers in die hoofstroom bekend te stel met Kindles en Apple het die onblusbare vraag na tablet-rekenaars aangevuur, wat dit moontlik maak om inhoud soos films, tydskrifte en boeke aanlyn te kry. Die gekombineerde momentum van e-lesers en tablet-rekenaars sal die jaarlikse inkomste van digitale boeke opstoot na $9,7 miljard (R80 miljard) teen 2016, meer as trippel wat hierdie jaar verwag word, het ‘n verslag deur Juniper Research getoon. Lesers toon ook al meer ‘n neiging na digitale boeke, het die Amerikaanse Book Industry Study Group (BISG) gesê. Byna die helfte van die kopers wat gedrukte boeke koop en wat ook digitale boeke het, het gesê hulle sal nie ‘n boek deur een van hul gunsteling-skrywers koop as hulle weet ‘n elektroniese uitgawe kom binne drie maande uit nie, het ‘n opname deur BISG getoon. “Die e-boek-mark ontwikkel baie vinnig, met verbruikers se houdings en gedrag wat oor die loop van maande verander, eerder as oor jare,” het BISG se adjunk- uitvoerende direkteur, Angela Bole, gesê. Bekommernisse oor die lees van e-boeke is besig om af te neem, met mense wat eerder wens dat die toestelle se pryse afgaan, het die opname getoon.

Lees die artikel in Beeld : http://afrikaans.news24.com/Sci-tech/Nuus/Tabletrekenaars-e-lesers-gewilder-as-ooit-20111209

]]> Wed, 18 Apr 2012 09:39:50 +0000 http://myafrikaans.com/blog/afrika/

Koop Christiaan Bakkes se afrikaanse eboek hier: http://myafrikaans.com/stoffel-in-afrika.html

’n Paar lesse in Kaokoland geleer

 

 Artikel in  Beeld op 2012-04-03

 

 

Daar is verskeie redes daarvoor. ’n Lae menslike bevolking is ’n primêre rede. So ook die feit dat die gebied woestyn is. Die ontwikke’n Paar lesse in Kaokoland geleer 2012-04-03 06:00 Artikelopsies Deel Kry Beeld op Daar is soms eenvoudige oplossings om mense te help en terselfdertyd die natuur te beskerm. Christiaan Bakkes vertel van sy ervaring met brandhout. Vandag sal natuurbewaring net slaag as plaaslike gemeenskappe dit aktief ondersteun. Die bewys hiervan lê hier in die Kaokoveld waar ek nou al 16 jaar bly. Ja, dis waar dat leeus vergiftig word by Purros. Elke nou en dan trap ’n olifant ’n mens. Die olifant boet met sy lewe. In die algemeen, egter, leef mens en dier saam hier. Meer en meer trek die plaaslike gemeenskap voordeel uit die natuurskoon en wilde diere van hul omgewing.

 

Die Kaokoveld word ’n gewilde toerismebestemming. Daar is verskeie redes daarvoor. ’n Lae menslike bevolking is ’n primêre rede. So ook die feit dat die gebied woestyn is. Die ontwikkelingspotensiaal is beperk. Sekere insigryke bewaarders het waardevolle werk gedoen met gemeenskapsgedrewe natuurbewaringsprojekte. Die belangrikste vir my is egter dat die mense nie deur die jare van koloniale besetting van die natuur vervreem geraak het nie. Elke stam het tradisioneel ’n bewaringsetiek in sy kultuur. Die Himba kyk byvoorbeeld neer op jag as ’n vorm van voedselversameling. Hulle reken jy jag net as jy ’n swak veeboer is. Daarom jag hulle tradisioneel net in tye van kwaai droogte. In die Kaokoveld is daar geen heinings nie. Springbokke loop saam met beestroppe. Olifante loop deur nedersettings. Dit is die enigste plek in Afrika waar swartrenosters buite bewaringsgebiede oorleef. Dit is een van die min plekke waar die leeu se getalle toeneem. Vir my is dit die laaste van die ou Afrika.lingspotensiaal is beperk. Sekere insigryke bewaarders het waardevolle werk gedoen met gemeenskapsgedrewe natuurbewaringsprojekte. Die belangrikste vir my is egter dat die mense nie deur die jare van koloniale besetting van die natuur vervreem geraak het nie. Elke stam het tradisioneel ’n bewaringsetiek in sy kultuur.

Die Himba kyk byvoorbeeld neer op jag as ’n vorm van voedselversameling. Hulle reken jy jag net as jy ’n swak veeboer is. Daarom jag hulle tradisioneel net in tye van kwaai droogte. In die Kaokoveld is daar geen heinings nie. Springbokke loop saam met beestroppe. Olifante loop deur nedersettings. Dit is die enigste plek in Afrika waar swartrenosters buite bewaringsgebiede oorleef. Dit is een van die min plekke waar die leeu se getalle toeneem. Vir my is dit die laaste van die ou Afrika.

lees die volledige berig by http://www.beeld.com/Buite/Nuus/n-Paar-lesse-in-Kaokoland-geleer-20120402

]]> Thu, 12 Apr 2012 15:43:44 +0000 http://myafrikaans.com/blog/dirks/ Die afrikaanse skrywer Cor Dirks se gewilde Uile reeks waarmee baie groot geword het is nou as eboek beskikbaar. Koop die afrikaanse eboek hier !  : http://myafrikaans.com/uile-in-die-wildtuin-die.html

Uile oud, maar nog lank nie koud

Leon Rousseau skryf in Rapport:

 

 

Vir almal wat 60 jaar gelede of minder kinders was, is dit groot nuus dat al Cor Dirks se Uile-boeke nou heruitgegee word. Die Uile van Kranskop,Die Uile en die rampokkers en Breuk onder die Uile is al op die rakke. Die Uile in die Kalahari het pas verskyn.

Drie van die vyf Uile, wat op werklike seuns gegrond is, het tot betreklik onlangs nog geleef.

Cor Dirks (oorlede in 2000) is in 1911, net mooi ’n eeu gelede, op ’n plaas naby Volksrust gebore. Sy volle voorname was Justus Cornelias. “Cornelias” is afgelei van sy ma se naam, Cornelia, vandaar Cor.

Die eerste paar Uile-boeke is in Potchefstroom geskryf toe hy koshuisvader was by die Hoër Volkskool, die ander van 1955 nadat hy hoof van die Hoërskool Linden in Johannesburg geword het. Hy en sy vrou, Ella (geb. Van Niekerk) het twee kinders gehad, Justus – tans ’n dokter in Barberton – en Elsje (De Jager), ’n weduwee wat in Johannesburg woon.

“In 1966, toe Mosambiek nog Portugees was, het ons en ’n paar ander gesinne ’n maand lank 400km noord van Maputo op ’n eiland in die Bazaruto-argipel gaan woon,” sê dr. Dirks.

Dié verblyf was die inspirasie vir Rooi-oog Geel-oog oor Russiese en Chinese spioene aan die Mosambiekse kus.

Uit kuiers in Botswana en Zimbabwe is boeke soos Die Uile langs die Limpopo en Die Uile in die Bosveld gebore.

“Die hipotese oor ’n verlore stad in die Kalahari het my pa baie jare lank geboei. Hy het die dagboek gehad van ’n Britse ekspedisie wat die stad in 1937 gaan soek het.”

Hoewel die Dirkse nooit die stad gevind het nie, het Cor Dirks, 30 jaar voor Wilbur Smith se The Sun God, al in Wadda van die woestyn daaroor geskryf.

In Wadda van die woestyn oorleef ’n tweeling die stranding van ’n skip en word deur Boesmans grootgemaak. Die seuntjie, Wadda, word ’n soort Tarzan-figuur wat avonture in verskillende dele van Suider-Afrika beleef.

Dirks het in 1973 afgetree toe hy 60 was en het in Johannesburg bly woon. Hy het begin werk aan die Joof-reeks, wat van 1977 tot 1988 verskyn het. Die boeke van ’n nuwe reeks, Die Otters, het tussen 1981 en 1989 verskyn.

Hoewel hy meer as 40 boeke geskryf het, die meeste daarvan baie gewild, het hy in sy lewe min erkenning ontvang. Die jaar voor sy dood is ’n Akademie-oorkonde darem op die Aardklopfees in Potchefstroom aan hom oorhandig.

“Ons was so bly dat hy darem ’n bietjie erkenning gekry het,” sê sy dogter. “En die lekkerste was dat dit oorhandig is deur een van die Uile, Vaatjie Botha.”

In daardie stadium het twee ander Uile nog geleef – Flip (in die werklike lewe dr. Philip Smith) en Hennie Pretorius (eintlik Putter).

Die kinderboekkenner Maritha Snyman beskou Die Uile as een van die vyf groot kinderboekreekse in Afrikaans (in: Van Patrys-hulle tot Hanna Hoekom). Die ander is Trompie (deur Topsy Smith), Saartjie (Topsy Smith onder die skuilnaam Bettie Naudé), Maasdorp (Stella Blakemore) en Keurboslaan (Theunis Krog, die skuilnaam van Stella Blakemore).

Al vyf die reekse het in die bloeityd van die Afrikaanse kinderboekreeks verskyn: Maasdorp (1932), Keurboslaan (1941), Die Uile (1950), Trompie (1950) en Saartjie (1953).

Dis in die Afrikaanse leser se geheue, sê Snyman.

Laat in die 20ste eeu is almal met welslae in omnibusse heruitgegee en weer in die 21ste eeu met Maasdorp wat in 2004 herdruk is, Trompie in 2006, Saartjie in 2006 en Keurboslaan in 2009, almal by Human & Rousseau in die suide.

En nou Die Uile by Protea Boekhuis in die noorde.

Maar noord, suid, lank lewe al dié reekse.

Leon Rousseau is ’n oud-uitgewer en skrywer van onder meer die Fritz Deelman-reeks waarvan nuwe uitgawes in 2004 begin verskyn het.

 Lees die berig http://www.rapport.co.za/Boeke/Nuus/Uile-oud-maar-nog-lank-nie-koud-20110825

]]> Tue, 10 Apr 2012 14:39:03 +0000 http://myafrikaans.com/blog/immelman/

 

Hier is 'n nuwe lipaflekker versameling rubrieke uit die pen van Doc Immelman, saamgestel uit rubrieke wat hy oor die jare geskryf het. Hier sal jy iets van alles kry, leeu stories, stories by kampvure, namib duine, narras en biltong. Terwyl hy met heimwee terugdink aan die ou Suidwes, kosbare raad aan jagters gee, sonderlinge karakters in herinnering roep en die natuurskoon van Suidelike Afrika op treffende wyse besing, skiet sy rubrieke nie aan humor te kort nie. Soos wanneer hy plaashekke dokumenteer en bevind dat die welbekende – en welgehate – konsertinahek, oftewel die smoelslaner, deur die duiwel geprakseer en deur Saddam Hoessein geïmplementeer is om die siele van goeie Christenmense te versondig. Maar met baie dinge het Doc Immelman vrede. 'Net solank die jagseisoen in die winter open en die kabeljou volgende naweek begin loop.'

http://www.docimmelman.com/boeke.php#ruacana-tot-rosh-pinah

Koop die Afrikaanse skrywer se eboeke by http://myafrikaans.com/ruacana-tot-rosh-pinah.html

 

]]> Tue, 10 Apr 2012 14:30:04 +0000 http://myafrikaans.com/blog/stamatelos/  

Koop die afrikaanse boek hier: http://myafrikaans.com/vier-begrafnisse-en-n-troue.html

Jeanette Ferreira in Beeld

Vier begrafnisse en ’n troue deur Pat Stamatélos.  Dulcie-Ann Douglas kry geld, baie daarvan, as kompensasie ná haar man se dood. Sy laat nie gras onder haar voete groei om van die armoedige Gumaville na die weelderige Roxy te verhuis nie. En in Roxy moet ’n mens natuurlik motors en ander bybehore hê wat by die buurt pas. Jy moet ook ’n ander leefwyse aanleer. Dinge wat help, is onder andere Rose, leliewit en ryk, wat in die familie ingetrou het. Origens is daar drie mans wat om Dulcie se (slanke) hand meeding, een van hulle (darem …) ook wit. Maar daar is ’n probleem: Dulcie hoor eers ná haar verhuising sy skuld die hospitaal ’n reuse-bedrag geld. Wat sy waar gaan kry? Inmiddels is daar ’n probleem met haar seun en dogter se liefdesake; hul keuses pas regtig net nie in by hul nuwe beeld nie. Om nie te praat van almal wat meteens dringend blyplek soek nie.

Stamatélos verstaan die kuns om haar leser te vermaak en, teen die einde, terselfdertyd tot nadenke te stem. Wie nog ’n storie oor apartheid vermoed, sal teleurgesteld wees. Hierdie roman is eerder ’n tong-in-die-kies-beskouing van klasseverskille, wat tradisioneel ook rasseverskille was, maar dit lank nie meer is nie. Ook skilder sy nie ’n vrou in haar geldelike en emosionele smarte verlaat nie. Inteendeel, Dulcie is ’n energieke en bekwame vrou. Sy sien vir alles kans en haar probleme lag sy (en die leser) af; later sal sy ’n plan maak. Maar watse plan? Dis net soms dat die wete van haar skuldlas terugkeer en haar na haar kamer dryf, of strykkamer toe, waar sy dan ’n stille traan stort – of ’n bietjie vry. Soos ’n mens van ’n vaardige skrywer kan verwag, is die roman so suksesvol omdat die outeur niks verduidelik nie: Sy show, in die wydste sin van die woord, sonder om te tell.

Die leser word toegelaat om saam met Dulcie te geniet en wroeg. (Tog jammer van die glips op bl. 118 waar daar meubels ingedra moet word. Op bl. 116 lees ons dit moet uitgedra word, en dis ook hoe dit moet wees, lei ons uit die res van die roman af.) Ook jammer dat die leser soms moeilik byhou met al die newe-intrige. Dit is byna asof Stamatélos te opsigtelik vier begrafnisse wou inwerk ten einde die omgekeerde van die rolprent Four Weddings and a Funeral te bewerkstellig. En daar is ’n veelheid karakters, wat nie ’n probleem sou wees nie as die leser net die geleentheid sou kry om die belangrikstes behoorlik te leer ken. Daar is baie name, maar daaroor moet hierdie leser toegee: Dalk is dit net sy wat nie kon byhou nie, want dis nie verniet dat Cheryl haar Amerikaans geworde broer tot orde roep oor sy tweeling, Puck en Bowie, se name nie: “Jy daar in Amerika, seun van die donker kontinent van Afrika. Wat op aarde het gebeur met name soos Enver, Lewis, Abraham, Ashwin en Nelson?”

As die leser eers uitgewerk het wie pas waar in, is dit ’n leesplesier wat nie misgeloop behoort te word nie. Daarby kry Stamatélos dit reg om deernis te skep vir hierdie karakters vanweë hul medemenslikheid. Watter een van die drie mans wat om Dulcie se hand meeding uiteindelik wen?

 

Lees verder by : http://www.beeld.com/Vermaak/Nuus/Boeke-Vierde-stel-nie-teleur-20101017

]]> Tue, 10 Apr 2012 14:26:12 +0000 http://myafrikaans.com/blog/roepman/

Afrikaanse skrywer se Roepman is 'n aangename verrassing

deur Louise Viljoen

 

Die afrikaanse skrywer Jan van Tonder het reeds 'n viertal literêre tekste op sy naam: daar was die afrikaanse kortverhaalbundel Aandenking vir 'n vry man (1984) en die drie romans Wit vis (1983), Is Sagie (1987) en Die kind (1989), waarvan laasgenoemde met die ATKV- en FAK-pryse bekroon is. Wat veral in sy laaste twee afrikaanse tekste opgeval het, was die suiwer en onsentimentele vertelstyl wat daarin slaag om die leser te oortuig dat dit absoluut eg en deurleef is. In sy jongste afrikaanse roman, Roepman, maak Van Tonder gebruik van 'n kinderverteller in die persoon van Timus. Hy is 'n seun van ongeveer twaalf, dertien, en die jongste van sewe kinders wat saam met hulle ouers en ouma in 'n spoorweghuis in Durban woon in die laat sestigerjare (die moord op Verwoerd val byvoorbeeld saam met 'n belangrike draaipunt in die verhaal). Hy is uitermate geskik as verteller en waarnemer, omdat hy so aartsnuuskierig is: hy is voortdurend besig om mense af te loer of af te luister en as daar 'n beduidenis is van opwinding êrens in die strate, hardloop hy paaie om daar te kom. In hierdie opsig herinner hy aan Fabian Latsky, die hoofkarakter in afrikaanse skrywer Etienne van Heerden se Kikoejoe, die seun van wie sy ma sê dat hy soos 'n hotnotsgot almal rondom hom sit en dophou met vrywende handjies.

Lees verder by LitNet:

http://www.oulitnet.co.za/seminaar/roepman.asp

 

Koop die afrikaanse eboek hier! : http://myafrikaans.com/roepman.html

]]> Tue, 10 Apr 2012 14:13:20 +0000 http://myafrikaans.com/blog/kronkelpad/

Afrikaanse skrywer Irma Joubert

Die afrikaanse skrywer Irma Joubert is op 28 Augustus 1947 in Pretoria gebore. Sy matrikuleer in 1965 aan die Hoërskool Nylstroom. Sy verwerf ’n BA-graad (1968) aan die Universiteit van Pretoria en later ’n Honneursgraad in Geskiedenis aan Unisa (1986). 

In 2004 het sy na 35 jaar in die onderwys (Afrikaans en geskiedenis) afgetree en na twee afrikaanse ATKV-skryfskole het sy begin skryf. Twee van haar eerste boeke, Verbode drif enVer wink die Suiderkruis, het in 2006 verskyn (en is twee jaar later heruitgegee). In 2007 verskyn die baie gewildeTussen stasies. 

Twee jaar later verskyn Anderkant Pontenilo by Tafelberg, en dis in 2009 opgeneem in Exclusive Books se Homebru-lys. 

Irma doen intensief navorsing vir al haar afrikaanse boeke en skryf verhale waarin menseverhoudinge en geskiedenis die fokus is. Haar verhale is vol deernis en empatie, met ’n sterk skoot liefdesintrige altyd teenwoordig. Irma en haar man woon in Bloemfontein. Irma Joubert is een van Suid-Afrika se geliefste afrikaanse skrywers.

http://www.liefdesverhale.co.za/authors/6791

Haar boek kronkelpad is in eboek formaat beskikbaar. Koop die eboek hier:

http://myafrikaans.com/kronkelpad.html

 

]]> Tue, 10 Apr 2012 13:54:39 +0000 http://myafrikaans.com/blog/troskie/ Koop die eboek: Die staat teen Anna Bruwer:  kliek hier!

Dis ek, Anna het onder Troskie se skuilnaam, Elbie Lötter, verskyn in 2004. Dié boek was in 2005 ontvanger van die Booksellers’ Choice-toekenning. Daar is reeds meer as 50 000 eksemplare van dié boek in Afrikaans verkoop.

Dis ek, Anna is beskryf as: "'n Aangrypende afrikaanse boek en een waaroor die skoolhoof van 'n plaaslike middestadse laerskool die wens uitgespreek het dat dit 'n voorgeskrewe werk vir tieners kan word - sodat hulle kan leer om "nee" te sê. Afgesien van die intrinsieke waarde van die teks, is die eindbladsye 'n indrukwekkende bonus. Die uitgewers het 'n hoofstuk oor kindermolestering en hoe om dit te herken, ingesluit, asook voorstelle vir verdere leesstof en 'n lys tolvrye hulpnommers. - Madeleine van Biljon, Die Burger Dis ek, Anna deur Elbie Lötter ('n skuilnaam) vertel die ontroerende verhaal van 'n jong vrou se traumatiese kinderjare, en hoe sy dit eindelik oorkom het. Dit is 'n verhaal wat lesers diep geraak het. Lötter het slegs twee onderhoude toegestaan (aan Huisgenoot) en die tydskrif het na aanleiding hiervan verskeie briewe van die publiek ontvang, almal onderteken met die woorde: "Nog 'n Anna". Daar is al meer as 20 000 eksemplare van die boek verkoop en die vyfde druk is reeds afgelewer en op die rakke" Lees die volle artikel by: 

http://www.oulitnet.co.za/newbooks/dis_ek.asp

 

 

Image: photostock / FreeDigitalPhotos.net

]]> Tue, 10 Apr 2012 13:04:04 +0000 http://myafrikaans.com/blog/bloemhof/

Gewilde afrikaanse riller skrywer François Bloemhof nou in eboek-formaat

 

Koop die eboek:  kliek hier! 

François Bloemhof is in die 1960's in die Paarl gebore. Hy het in 1991 op die Suid-Afrikaanse literêre toneel verskyn as De Kat-pryswenner met sy debuutroman Die nag het net een oog, die eerste Gotiese roman in Afrikaans. Sy volgende drie boeke was almal op 'n manier spanningsverhale, voor moeilik klassifiseerbare tekste soos Storieboek, Hostis en Klipgooi.

Omdat jonger lesers van sy boeke gehou het, het hy ook spesifiek vir hulle begin skryf, met soveel sukses dat hy 'n ruk lank net daarop gekonsentreer het. Hy het gou 'n klomp ATKV-Veertjies ('n kompetisie waarin jong lesers self hul wenboeke aanwys) op sy rak gehad, asook pryse vir die tienermark, insluitend vir Slinger-slinger en Nie vir kinders nie (in Tafelberg en Sanlam se Jeuglektuurwedstryd) en Stad aan die einde van die wêreld (in die Maskew Miller Longman Literêre Kompetisie).

Nadat hy vyf jaar lank nie vir die volwasse mark iets gelewer het nie, het Bloemhof teruggekeer na die genre waarmee hy begin het met Spinnerak, met Alma van der Pool as die heel eerste vrouespeurder in Afrikaanse fiksie. Sy maak weer so in Jagseisoen (2007).

Met verwysing na wat Alfred Hitchcock eenmaal gesê het, het Bloemhof al opgemerk: "Party mense skryf slices of life. Ek het nog altyd slices of cake verkies."

http://af.wikipedia.org/wiki/Fran%C3%A7ois_Bloemhof

]]> Tue, 10 Apr 2012 12:55:08 +0000 http://myafrikaans.com/blog/spoor/

 

Die gerug ...

“Dit was die rumour. Hulle wil weapons inbring. Vir ‘n attack, hier. Vir die eerste keer.”

“‘n Muslim attack? In Suid-Afrika?”

“Ja. Hie’. Cape Town. Die mooiste Kaap.”

Net ‘n gerug. Onwaarskynlik.

Waarom skarrel die Presidensiële Intelligensie-agentskap dan so om die besending te onderskep? Waarom bring die CIA hul groot kanonne in?

Waarom trap dit alles so ‘n wye bloedspoor? Deur die lewens van Milla Strachan, verloopte huisvrou, wat net so ‘n bietjie gevaarlik wil leef; Lemmer, die lyfwag – belieg, bedrieg, besteel, vasbeslote om wraak te neem. En Mat Joubert, wat die onmoontlike moet vermag, die ondersoek na ‘n vermiste moet afhandel voor die geld opraak en die leidrade verdwyn.

Dalk is dit meer as net ‘n gerug.

http://www.deonmeyer.com/afrikaans/boeke/spoor.html

]]> Sat, 07 Apr 2012 09:31:30 +0000 http://myafrikaans.com/blog/jo-bester/

Oktober

Réney Warrington

PROTEA, R160

Nicole Jaekel-Strauss skryf in http://www.beeld.com

Ons ontmoet Jo Bester een Saterdagoggend met haar kop in haar kussing in haar woonstel in Johannesburg. Ons eien haar onmiddellik as iemand met haar voete plat op die aarde en sonder veel pretensies; iemand wat ons ken, wat ons graag beter sal wil leer ken. Ons stap saam met haar deur die boomryke strate van Parkwood ... “verby die klipwerkhuisie met die krom paadjie voordeur toe, wit lakens wat op die draad wapper en drie afskeeppotplante op die stoep ... verby die rankplanthuis, met sy grys wolfhonde, glasvensters wat smelt van ouderdom en die koperkatel se kopstuk wat sigbaar is in die voorste vertrek ... die skinhead in swart geklee met ’n pikante brakkie op ’n leiband ...” tot by die Jozi Food Market. Ons reis saam met haar Londen toe, maak ’n draai in New York. Ons kyk na haar foto’s.Jo Bester is die eerstepersoonsverteller en hoofkarakter van Réney Warrington se debuutroman, Oktober, wat pas by Protea Boekhuis verskyn het. En sy kán vertel. Sy vertel so oortuigend dat die leser uit die staanspoor nie kan help om te wonder of dit Jo, die verteller, of Warrington, die skrywer, is wat die foto’s geneem het wat in hierdie boek verskyn nie. Elke hoofstuk word ingelei met ’n afdruk in swart en wit en in die middel van die boek pryk ’n versameling foto’s pragtig in volkleur. Want net soos Jo Bester is Warrington ’n begaafde fotograaf. Op haar webtuiste vind jy ’n versameling uitsonderlike foto’s; Jo Bester s’n vul weer ’n kontemporêre galery in Londen. Die leser beleef saam met Jo die spanning rondom ’n solo-tentoonstelling. Ons sien foto’s wat aan die mure van die galery hang, alleenlik vergesel deur die titel van die werk, maar in die teks vertel Jo die stories wat agter die foto’s lê, en daarmee saam haar eie verhaal. Onder meer verskyn die foto “Binnehof”. “Binnehof – ’n Stuk van die binnehof se leiklipvloer. ’n Leiklippaadjie kronkel van daar af deur my ma se bergvarings. Aan die regterkant van die foto loop ’n kraak deur die leiklip van onder tot bo. My ma het my verdedig. Ek, sy en Brian eindig aan die smal kant van die foto op, die res aan die ander kant van die skeur.”Maar die foto’s is net deel van die verhaalteks en terwyl dit aanvullend is daartoe en ’n bonus vir die leser is om ook só visueel in die verhaal betrek te word, is die geskrewe teks nie daarvan afhanklik nie en staan dit stewig as die primêre bousteen van hierdie boek. Die verhaal begin by ’n swaar verlies wat op ’n dag in Oktober ly. Sy probeer die verlies verstaan, verwerk. Sy vertrek Londen toe en raak nege maande later betrokke in ’n verhouding, maar dit is ’n verhouding met ’n caveat: ’n vervaldatum. Die vervaldatum is weer Oktober, ’n jaar ná die begin van die roman. Op die agterplat van die boek verskyn die aanhaling dan ook: Wat is die punt van ’n verhouding met ’n vervaldatum? Om die eensaamheid te verlig, antwoord ek. Saam met die karakter Leigh leer die leser Jo ken, en dit is met ’n eer­like en treffende pen wat Warrington haar karakter ontbloot en laat groei. Jo se aweregse sin vir humor word uitstekend oorgedra ondanks haar stukkende gemoed, haar frustrasie te midde van die onregverdige verlies wat sy ly en haar soeke na die herwinning van haar vermoë om ander mense toe te laat om naby haar te kom en persoonlik by haar betrokke te raak. Eensaamheid, die verlede en hoe dit ’n mens vorm, die pyn van afskeid en verlange, familietwis en -vervreemding, die weerloosheid van verhoudings en van die mense wat binne verhoudings staan, is alles temas wat in dié roman ondersoek word. Die invloed van ouers op hul kinders se lewe word op verskillende vlakke bekyk. Soms is daar ontknoping. Soms nie..............

 

Lees verder by http://www.beeld.com/Boeke/OnlangsVerskyn/Fotos-wat-boekdele-spreek-in-debuut-20120325

]]> Mon, 26 Mar 2012 14:32:12 +0000 http://myafrikaans.com/blog/chris-marnewick/ Clarence Gordon van Buuren is in 1957 skuldig bevind aan die moord op Myrna Joy Aken en tereggestel. Hy hy tot op die einde skuld ontken. Die saak was opspraakwekkend om verskeie redes. Daar was beweer dat ‘n siener die lyk na ‘n seance opgespoor het. Daar was aanduidings van ‘n seksuele verhouding tussen Van Buuren en Aken. En daar was seksuele verminking van die lyk. Vroue het buite die hof in lang rye gewag om die verhoor by te woon n het mekaar vertrap wanneer die deure oopgegaan het. Van Buuren het met van hulle flirteer tydens die verhoor. Die getuienis wat in die hof gelei is is net die top van die ysberg. Die polisiedossier vertel veel meer. Inligting dui daarop dat Van Buuren ‘n narsissistiese psigopaat was en ‘n sadis wat veral vroue geteister en gemartel het. ‘n Emosionele vampier. ‘n Sadistiese seksmoordenaar. Maar daar was niks hiervan in die hofsaak nie. Ook nie in die koerante nie. Die saakrekord het op al die plekke waar dit bewaar moes word verdwyn – die hof, die Appèlhof, die Prokureur-Generaal se kantoor en die provinsiale argiewe. Die outeur het dit by die nasionale argief opgespoor in 2010 nadat dit vir meer as 60 jaar uit die oog was. Dit moes eintlik lankal vernietig gewees het, maar die speurder het dit gehou en sy weduwee het dit vir die outeur gegee. Die speurder het geen persverklarings gemaak nie en die inhoud van die dossier is steeds geheim. Die dossier spreek van ‘n deeglike polisieondersoek. Die outeur skryf Clarence van Buuren: Die man agter die donker bril op twee bene: Wat werklik gebeur het soos deur hom gerekonstrueer. En hoe hy na 50 jaar se belangstelling in die saak uiteindelik die dossier opgespoor het. Oor die outeur Chris Marnewick is ‘n senior advokaat in Durban. Sy eerste fiksie-boek was Shepherds & Butchers, en het op die kortlys van M-Net Literêre Toekennings en Sunday Times verskyn. Hy was ook die outeur van The soldier who said No en A Sailor’s Honour.

http://protea.bookslive.co.za/blog/2012/03/02/nuut-van-chris-marnewick-clarence-van-buuren-die-man-agter-die-donker-bril/

 

]]> Mon, 26 Mar 2012 09:35:58 +0000 http://myafrikaans.com/blog/afrikaanse-topverkopers/ T

 

Afrikaanse boek topverkopers 12 Maart tot 18 Maart 2012

 

Graffiti-boekwinkels, Pretoria

 

Afrikaanse Fiksie

1. Katriena vertel – Riana Scheepers

2. Nicky & Lou 46 stories – Nataniel

3. Hiervandaan – Dana Snyman

4. Lone wolf – Jodi Picoult

5. Die lang generaal – Alan Elsdon

6. ‘n Lyf onthou – Riette Rust

7. 7 Dae – Deon Meyer

8. Infanta – Deon Meyer

9. Fyn porselein – Helena Hugo

10. Tuiskoms – Sophia Kapp

Afrikaanse Nie-fiksie

1. Ons was daar – Jannie Geldenhuys

2. Vinnig & Maklik resepte uit Vrouekeur3 – Marlo Carstens

3. Hekel nog lekkerder – Karen Adendorff

4. Gatiepie se groot grapboek – Kevin Ehrenreich

5. Bloedsusters – Ilse Salzedel

6. Mal oor mosaïek – Lapa

7. Om Jesus te ken – Angus Buchan

8. Dis mos kos – Joey Pienaar

9. Sout + Peper – Niel Stemmet

10. Herinneringe aan Parys – Andre P. Brink

http://www.beeld.com/Boeke/Buckets/TOPVERKOPERS-20120124

]]> Tue, 20 Mar 2012 16:18:09 +0000